رواية مجنونة قلبي الفصل التاسع 9 - بقلم نور الشامي

وقعت سارة في الأرض وفقدت وعيها. فارتاع حسام وحملها ووضعها على الكنبة. وطلب من السكرتيرة أن تحضر الطبيب فورًا. فجاء الطبيب وفحصها. حسام بلهفة: دكتور، هي عاملة إيه؟ الطبيب: يا أستاذ، المدام تعبانة جامد. ومن الواضح إنها بتتعرض لاعتداء عنيف جدًا. حسام بعدم فهم: اعتداء؟ إيه مش فاهم؟ الطبيب: هي مراتك. حسام بارتباك: إيه؟ لأ، إيه؟ أيوه، أقصد أيوه مراتـ...

الطبيب بحدة: يا أستاذ، كدا مينفعش. مراتك هتموت كدا. لو فضلت تعتدي عليها بالطريقة دي، هتموت. حسام بصدمة: اعتدي عليها؟ أوك، شكرًا يا دكتور. خرج الطبيب وجلس حسام بجانب سارة. ومسك يديها وهي نائمة وتحدث بحزن: انتي إيه اللي بيحصل معاكي دا؟ سارة، أنا مش بقدر أشوفك كدا. انتي اختي، وأنا مقدرش أشوفك تعبانة. لأ، انتي مش اختي. أنا بحبك. أنا بحبك يا سارة. سارة وهي تفتح عيونها بتعب: حسام؟ إيه اللي حصلي؟

حسام بحزن: انتي مقولتيليش ليه اللي بيعمله فيكي عمر؟ وفجأة دخل عمر. فقام حسام بغضب وضربه لكمة قوية. فردها له عمر. فضربه حسام بطريقة وحشية. حتى دخلت سالي وأبعدتهم. سالي بحدة: إيه اللي حصل؟ عمر وهو يسحب سارة بقوة: قومي معايا. فأقترب حسام منه وضربه لكمة أخرى على وجهه. وسحب سارة منه وتحدث بغضب: ملكش دعوة بيها، فاهم؟ عمر بغضب: دي مراتي وأنا حر معاها. سارة بتعب: طلقني. عمر بسخرية: أنسي يا روحي، مفيش طلاق.

وفجأة حملها عمر وذهب بها أمام جميع الموجودين في الشركة. وخرج من باب الشركة فوجد الصحافة تملأ المكان. عمر بغضب: يا حرااااس، ابعدوهم من هنا! عند حسام كان يشعر بغضب شديد. سالي بضيق: حبيبي، مالك؟ حسام بحدة: مالي؟ ها؟ مفيش حاجة.

سالي في نفسها: خلاص يا حسام. النهاردة هيبقى آخر يوم في حياة سارة. أنا مستحيل أخلي حد يبعدك عني. انت حبيبي أنا وبس. انت ملكي. وفي اليوم اللي هتبعد فيه عني، هيكون آخر يوم في حياتك وحياتي. انت لو بعدت عني، أنا هقتلك وهقتل نفسي. حسام بحدة: انتي سرحانة في إيه؟ سالي وهي تحتضنه: سرحانة فيك يا حبيبي. أنا مقدرش أعيش من غيرك يا حسام. متعرفش أنا بحبك إزاي. أنا بموت فيك. انت كل حاجة عندي. حسام وهو يبعدها عنه: سالي، سبيني دلوقتي.

سالي بضيق: حسام، أنا هكتب لك 20% كمان من الشركة دي. حصتي من الشركة، هتبقى ليك 40% وعمر ليه 60%. أنا هكتب لك كل حاجة ملكي باسمك. حسام بضيق: اعملي اللي انتي عايزاه، بس أنا مش عايز حاجة. سالي بحزن: لأ، أنا خلاص قلت للمحامي وكل حاجة ملكي هتبقى ملكك انت. حسام بحدة: أنا همشي، رايح أشوف ماما. وتامر.