رواية مجنونة قلبي الفصل التاسع عشر 19 - بقلم نور الشامي

انصدمت ساره بسبب حسام فوجدته يمسك المسدس بيده ويضعه على رأسه. فصرخت ساره وتحدثت بأرتباك: "حسام انت بتعمل ايه؟ حسام بغضب: "هقتل نفسي وأرتاح من العذاب ده كله. انتي فاكراني مبسوط؟ سالي جننتني، سالي دمرتني. أنا اتخنقت وزهقت. هو أنا أي غلطتي اللي عملتها ها؟ أي هي غلطتي إني حلمت صح؟ دي غلطتي إني كنت بحلم أبقى غني؟ ودلوقتي بقيت مشهور وكل الناس بتتكلم عندي وبقى معايا فلوس كتير. بس تعرفي أنا عايش إزاي؟

عايش في عذاب. لازم أسمع كلام سالي على طول عشان متتهورش وتعمل حاجة. صح أنا كنت فاكر إني بحبها، بس أنا طلعت مبحبهاش أصلاً." عمر بحدة: "علشان انت طماع، بتحب الفلوس بس. وبعد ما حصلت على الفلوس عايز تاخد الحب صح؟ محدش بيحصل على كل حاجة." سالي ببكاء: "حسام حبيبي ارمي المسدس. أنا بحبك ومقدرش أعيش من غيرك." حسام بصراخ: "اخرسي انتي خالص. انتي واحدة مجنونة، قتلتي أمك وكنتي هتقتلي أخوكي وكنتي هتقتلي ساره قبل كده." سالي ببكاء:

"بس أنا بحبك والله. حرام عليك بلاش تعمل فيا كده. متبعدش عني انت كمان." حسام بعصبية: "أنا مش بحب حد غير ساره." عمر بغضب: "ساااره مراتي أنا." حسام بعصبية: "لو موافقتيش تبقي معايا هقتل نفسي." ساره بدموع: "لا يا ابن خالتي بلاش تعمل كده." حسام وقد تساقطت دموعه: "أنا بحبك والله، بلاش تسبيني تاني. كفاية اللي حصلي، حرام عليك." عمر بضيق: "ساره روحي معاه لو لسه بتحبيه." سالي بانهيار: "لا لا، حسام ملكي، محدش يقربله." حسام بغضب:

"اخرسي بقا، أنا زهقت منك ومن خنقتك." ساره وهي تقترب من عمر: "أنا بحب عمر ومش هسيبه. محدش ياخد كل حاجة. انت كسبت الفلوس وخسرت الحب يا حسام." سالي ببكاء: "حسام أنا هتعالج والله بس خليك معايا، متسبنيش." حسام بدموع: "أنا مش هقف قصاد حبك يا ساره. لو انتي بتحبي عمر خلاص هسيبك." سالي بسعادة: "هتخليك معايا؟ حسام بحزن شديد: "أيوا. مبروك يا بنت خالتي." ساره بسعادة: "شكرا يا حسام."

عاشت ساره مع عمر حياة سعيدة جدا وأصبحت حامل. وعاش حسام مع سالي وأصبح يعيش كالميت، فهو لم ينسى ساره بأي طريقة وقرر العيش مع سالي ليكون بجانب حبيبته الوحيدة. ودخلت سالي مصحة نفسية وكانت حالتها تتحسن. فالإنسان لا يحصل على كل شيء. ومن يسعى وراء المال حتما يخسر كل شيء. وأول شيء يخسره هو الحب ونفسه. الطمع لا يجلب إلا الحزن والشقاء لصاحبه.