رواية مجنونة قلبي الفصل الأول 1 - بقلم نور سمير

في شركة المحمدي ~~~~~~~~~ بتدلف إلى الشركة بأناقتها وجمودها، والتي يهابها جميع من في الشركة. تدخل مكتبها وتقعد بشموخ، وتنادي على السكرتير. كيان: زين يا زين. زين: خبط وبعدين دخل باحترام. زين: أيوه يا فندم. كيان: في أي اجتماع النهاردة؟ زين: آه، مفيش غير اجتماع واحد مع شركة ألمانيا. كيان: طيب الساعة كام؟ زين: الساعة 4:30 يا فندم. كيان وهي مش باصاله أصلاً ومركزة في ورق تاني: تمام، هات الأوراق اللي عايزة تتأمضي كلها.

زين: بس حضرتك دول كتير. كيان: ما بسش، أنا هلحق أخلصهم. أنا ورايا إيه غير الشغل. زين: تمام حضرتك، اللي تشوفه. وذهب وأحضر لها كمية كبيرة جداً من الأوراق التي عليها إمضاؤها والملفات المهمة. ~~~~~~ في مكتب كيان —الباب خبط. كيان: اتفضل. زين: اتفضلي حضرتك الأوراق أهي والملفات المهمة. كيان: تمام، كدا قدامي ساعتين على الاجتماع، هكون خلصت نصهم. زين: تمام يا فندم، أي خدمات تانية؟ كيان: لا، اتفضل أنت على مكتبك.

زين مشي، وكيان رفعت سماعة الفون الأرضي. كيان: ابعتيلي الكابتشينو بتاعي حالاً. لاميس: حاضر. وقفت علطول وبدأت شغل. ــــــــــــــــــــــــــــــــــ في شركة الجارحي وتحديداً في مكتب رعد ــــــــــــــــــــــــــ رعد بعصبية: مش ممكن، أنا اتخنقت. زينة: رعد. رعد: زينة، هي بنت خالته والسكرتيرة بتاعته. زينة: أيوه يا رعد، في إيه؟ رعد: أولاً، رعد دي في البيت، أنا هنا رعد باشا. وبعدين إيه اللي انتي هببتيه ده؟

زينة: أنا عملت إيه يعني لكل ده؟ رعد: عملتي إيه، بترفضي وفد أمريكا ولا كأني موجود، هو انتي فاكرة نفسك مين عشان ترفضي وتقبلي على مزاجك؟ زينة بخوف والدموع في عنيها من زعيق رعد: رعد، أنا مكنتش أعرف إنك هتضايق، أنا آسفة والله. رعد بزعيق: آسفة إيه، انتي خسرتيني 5 مليون جنيه، اطلعي بره، أنا أصلاً شفتك بتعصبني. خرجت وهي بتعيط، لأن اللي بتحبه مش شايفها. إحساس صعب، بس دي الحقيقة. ـــــــــــــــــــــــــــــــــ في مكتب رعد

ــــــــــــــــــــــ بيدخل عمر المكتب بدون ما يخبط. عمر: مسا مسا على الناس الكويسة. رعد: يا بني، أنت محدش علمك إنك تخبط على الباب قبل ما تدخل؟ عمر: لا، محدش علمني يا عم. سيبك أنت، متعصب ليه من الصبح؟ رعد حكاله كل حاجة. عمر: بنت ال…. ربنا يعوضك في الفلوس. رعد: إن شاء الله، هدخل صفقة وهكسبها. عمر: يارب. ــــــــــــــــــــــــــــــ في شركة المحمدي وتحديداً في مكتب كيان ــــــــــــــــــــــــــ

زين خبط على الباب، وكيان سمحتله بالدخول. زين: كيان هانم، كمان نص ساعة اجتماع شركة ألمانيا. كيان وهي بتمضي بقية الورق: امم، تمام، وأنا فاضلي 10 ملفات وأوصل للنص. روح أنت دلوقتي، وأول ما يوصلوا بلغني. زين: تمام يا فندم. ــــــــــــــــــــــــــــــــــــــــ بعد الاجتماع ــــــــــــــــ زين في مكتب كيان. زين: حضرتك، دلوقتي في صفقة تحبي تدخليها؟ كيان: صفقة إيه وضد مين؟

زين: صفقة ضد شركة الجارحي، واللي هيكسبها 30 مليون جنيه. كيان: ضد الجارحي؟ امم، طبعاً هدخلها، أما نشوف آخرتها. ـــــــــــــــــــــــــــــــــــــــــ في منزل كيان ـــــــــــــــــ كيان بعد دخولها: سلومة يا روحي، عاملة إيه؟ سلمي: أيوه يا حبيبتي، عاملة إيه في شغلك؟ كيان: الحمد لله بخير. أنا هطلع أوضتي أريح شوية، لأن النهاردة كان يوم طويل. سلمي: ماشي يا حبيبتي، اللي يريحك. ــــــــــــــــــــــــــــــــــــــــ

في فلة الجارحي بيدخل رعد. ملاك أخت رعد: رعد، أنت وحشتني أوي. رعد: وانتي كمان يا قلبي. فين ماما؟ ملاك: في أوضتها. ــــــــــــــــــــــــــــــ طلع رعد، خبط الباب، رد عليه والده. الجارحي: رعد، ماما تعبانة شوية، سيبها تنام، وأنا هانزل أتكلم معاك. رعد بقلق: مالها؟ حصلها حاجة؟ الجارحي: لا يا رعد، هي كويسة، بس مرهقة شوية وعايزة تنام. رعد نزل تحت في الجنينة يستنى والده. الجارحي: إيه يا رعد، عامل إيه؟ وأخبار الشركة؟

رعد: تمام، بس ماما مالها؟ الجارحي: تعبت شوية عشان مفطرتش كويس. رعد: امم، ربنا يعافيها يارب. هي صحيت؟ الجارحي: لا، لسة. رعد: أنا هطلع أبص عليها. الجارحي: ماشي، بس متقلقهاش. رعد طلع غرفة مامته. رعد دخل لقاها بتصحى. سناء: رعد، أنت جيت إمتى يا حبيبي؟ رعد: إيه يا ماما، أنا لسة جاي، وانتي مفطرتيش كويس ليه؟ عايزة تقلقينا عليكي؟ بتختبري إحنا قد إيه بنحبك؟ إحنا بقي منعرفش نعيش من غيرك.

سناء: يا حبيبي، بعد الشر عليكم. وبعدين ما أنا مسيري أموت. رعد: متجيبيش سيرة الموت تاني، أنتي زي الفل أهو. سناء: ربنا يخليك ليا أنت وأختك يارب، ويشوفكم في أحسن حال. رعد: يارب يا ست الكل. ـــــــــــــــــــــــــــــــــــــــــ تاني يوم _كيان راكبة عربيتها وفجأة عطلت. كيان: اوف، هو ده وقته. كيان واقفة عشان تاكسي. ــــــــــــــــــــــــــــــــــــــــ عند رعد

ملاك: رعد، النهاردة عندي حفلة في المدرسة وعايزة أروح بالعربية بتاعتك. رعد: ما إحنا اتكلمنا كذا مرة وقولتلك لأ، مبتهقيش يا ملوكة. ملاك: لأ مش بزهق، وأنا عاوزة العربية، ولسة هتعيط وتقلبها مناحة. رعد: خلاص، هتفضحينا، خوديها، أنا ماشي. ملاك بانتصار: احم، شكراً. وفي سرها: أنا مسيطرة. رعد: بتقولي إيه يا ختي؟ ملاك: ها، لا، ولا حاجة. *بتكح* رعد: امم، بحسب. ومشي عشان ياخد تاكسي. أهي أي حاجة توصله الشركة.

ــــــــــــــــــــــــــــــــــــــ في تاكسي كان معدي، راحت كيان شاورتله ووقفت. راحت تركب. كان في نفس اللحظة ركب رعد. كيان: لو سمحت، أنت، أنا اللي وقفته الأول. رعد بعد ما رفع نظره ليها وبص في عينها جامد، فضله كدا شوية. وبعد كدا كيان فاقت على صوته. رعد: يا آنسة، أنتِ، يا آنسة. كيان: ها، أنت بتكلمني؟ رعد ابتسم من غير ما يبين لها وقال: أمال بكلم خيالك. كيان وهي مش مركزة بيقول إيه أصلاً ومتنحة:

رعد: يا بنتي، أنتِ بتنحي كدا ليه؟ كيان: اا، آه، أنا آسفة. هو أنت كنت بتقول إيه؟ رعد: كنت بقولك إني أنا اللي وقفت التاكسي الأول. كيان: لا، أنا اللي وقفته الأول، ويا ريت تنزل. رعد: طب ما تركبي معايا، وأخلص. كيان: والله، وأنا أعرفك منين يا عم أنت؟ خلصني كدا وانزل، ما تقرفنيش. السواق: ما تنجزوا بقى يا خوانا. رعد: ما قرفكيش أنتِ، ما تعرفيش أنا مين يعني. كيان: لا، ومش عايزة أعرف.

رعد: انتي تطولي أصلاً، ده غيرك بيتمنوا نظرة مني بس. كيان: ما تحترم نفسك، وبعدين أديك قلت غيري، مش أنا، أنا مش زي اللي بتشوفهم، وأنت كدا بتضيع في وقتي وأنا ورايا شغل. رعد: عموماً، أنا كمان عندي شغل، بس هاسبهولك المرة دي، لكن رعد مبيستسلمش بسهولة. كيان: امم، خلاص امشي، ما تقرفناش. رعد: اقسم بالله مجنونة. كيان: أنا ماسكة لساني بالعافية. مشي رعد وأخد تاكسي تاني. رعد في نفسه: مجنونة بس قمر. هو إيه الهبل ده؟

أنا هقع ولا إيه؟ لالالا، أنا هنسى، أنا مشوفتهاش غير مرة. ــــــــــــــــــــــــــــــــــــــ في الشركة الجارحي ــــــــــــــــــــــــــــــــــ زينة داخلة مكتب رعد وبتقوله. زينة: رعد باشا. رعد: امم. زينة: حضرتك الصفقة اللي دخلتها في شركة داخلة ضدها. رعد: مين الشركة دي؟ زينة: شركة المحمدي. رعد بصدمة: إيه…