رواية مجنونة قلبي الفصل الرابع 4 - بقلم نور سمير

رعد طلع مكتب كيان وخبط على الباب. كيان دخلت مكتبها وعينها على ورق مهم. كيان ببرود: ادخل. رعد دخل وقعد من غير ما يبصلها. الصمت عم المكان لفترة من الدقائق. كيان كسرت الصمت بسؤالها له من غير ما تبصله: امم حضرتك كنت عاوزني في إيه؟ رعد، وأول مرة يرفع عينه في عينها بخبث: احم مش لما تعرفي أنا مين الأول. كيان: طيب قولي حضرتك مين. رعد: أنا رعد الجارحي. كيان، وهي لسه واخدة بالها من صوته: هو إنت. رعد،

بعد ما أخد باله هو كمان: إنتي لا، مش معقول. وفي نفسه: بقا الي كنت متعلق بيها تطلع هي الي بتنافسني. كيان: ومش معقول. رعد، بعد ما فاق على صوتها: آه، أنا كنت جاي أقولك 3 كلمات. كيان: وإيه هما بقا؟ رعد: انسحبي عشان متندميش. واه، والتفت ليكمل كلامه عشان رعد عمره ما هينسحب. سابها ومشي من غير ما يستنى منها رد.

كيان بصدمة: إيه دا، مسابنيش أرد عليه حتى. مغرور بس قمر. لا بس مغرور. إيه الهبل دا، أنا هكمل شغل، عندي اجتماع كمان شوية. عند عمر وكاميليا. بعد ما ركبوا العربية واتجهوا إلى فيلا عمر. عمر دخل ولقى مامته قاعدة في الصالون. سميحة: إيه يا حبيبي كنت فين النهاردة؟ واتفاجأت بكاميليا داخلة ورا عمر. وأكملت: ومين دي يا عمر؟ عمر: حكالها كل شيء. سميحة تفهمت الموضوع.

سميحة: طيب ثواني هنده على الخدامة تاخد حاجتك وتعرفك على أوضتك الجديدة. مروة يا مروة. مروة: أيوا يا ست هانم. سميحة: خدي كاميليا وريها أوضتها الجديدة وروقي لها دولابها وحطي فيه حاجتها. مروة: من عنيا يا هانم. ذهبت ومعه كاميليا. في فيلا المحمدي. بتدخل كيان الفيلا وترحب بها والدتها ووالدها. ويجلسون على مائدة الطعام ويتناجون. وكيان تتحدث مع والدها عن الشغل في الشركة وحكت له عن رعد وكبريائه. بعد مرور أسبوع. في شركة الجارحي.

في مكتب رعد. الباب خبط. رعد: ادخل. زينة دخلت وارتسمت على وجهها ابتسامة. رعد: إيه مالك فرحانة على الصبح كده ليه؟ زينة: أولاً عشان خالتو عملالي محشي، ومعنى كدا إني هتغدى عندكوا النهاردة. رعد قعد يضحك: همك على بطنك على طول. زينة: لا والله، دا أنا عاملة دايت. رعد: ما هو باين، وهتبوظيه النهاردة صح؟ زينة: مين قالك كدا، أنا بوظته امبارح. رعد: طب وإيه الحاجة التانية الحلوة؟

زينة: إنك، أو بمعني أصح يعني، شركة الجارحي كسبت الصفقة. رعد مش مصدق: بجد؟ لا، إحنا هنعمل حفلة ونتجمع كلنا في الفيلا عندي في نهاية الأسبوع. زينة: ألف مبروك. رعد: الله يبارك فيكي. حيث كدا، أنا عندي مشوار مهم ولازم أمشي. زينة: ماشي، هستأذن أنا. ومشت، وهو نزل وراها وطلع برة الشركة. ركب عربيته متجه إلى شركة المحمدي. في شركة المحمدي. بيدخل زين إلى مكتب كيان وبيخبط. في مكتب كيان. كيان: اتفضل.

زين دخل وعلى وجه ترتسم ملامح الحزن واليأس. كيان بتوتر بعدما رأته بهذا الشكل: مالك زعلان ليه؟ زين باقتضاب: إحنا خسرنا الصفقة، ورعد الجارحي هو الي كسبها. كيان بصدمة وعدم استيعاب: إيه؟ إنت بتقول إيه؟