رواية مجنونة يونس الفصل الأول 1 - بقلم مروة احمد

يونس يا يونس يا يونس. فتح الباب بغضب: جرا إيه يا بت الهبلة، عايزه إيه؟ مفيش، كنت عايزه أرخم شوية، ملقتش حد أحسن منك أرخم عليه. يونس: طب ياختي ادخلي. حور: صباح الفل يا طنط. منة: صباح العسل يا حور. إيه اللي جابك عندنا دلوقتي؟ يونس بضحك: إيه يا ماما؟ حور: جرا إيه يا منوش، إنتي تقولي كده وابنك يقول كده، عيب. ده أنا حتى زي جيرانكم يعني. منة: مش القصد يا حور، بس إنتي عامله إزعاج ليه.

حور: مفيش، لقيت نفسي زهقانة، قولت أجي أرخم على يونس وأرفع الضغط على منوش. منة بشر: ترفعي الضغط عليا؟ طب تعالي هنا. هاتها يا يونس. يونس: خلاص يا منوش، قلبك أبيض. يلا ياختي على شان ألحق أوصلك وبعدين أرجع على الشغل. حور بشقاوة: يلا يا يويو. باي يا منوش، أشوفك لما أرجع. منة بسرعة: لأ، متجيش تاني، مش عايزاكي. حور: ليه كده بس؟ ده احنا الباب في الباب. أيوه صحيح، ماما كانت بتسأل عليكي وعايزاكي في موضوع.

منة: ماشي، أبقى أروح لها. يونس: يلا يا آخرة صبري. في الطريق. حور: وقف يا يونس بسرعة. يونس: في إيه، خير؟ حور: فيش، بس كنت عايزاك تجبلي شوكولاتة. يونس: اممم، شوكولاتة؟ ده أنا هعمل منك شوكولاتة وكفتة وكل حاجة. اصبري بس. حور: إيه يا يويو، إنت زعلت؟ يونس: لأ ياختي، أنا قدر. امشي قدامي على السوبر ماركت يلا. حور: من عيوني. منة: خير يا مريم؟ مريم: خير. منة: حور قالتلي إنك عايزاني. مريم: هههههه، هي عملتها فيكي؟

تعالي طب نقعد شوية. منة: بنتك هتشلني يا مريم. بس أعمل إيه، بحبها برضه. مريم: وهي بتموت فيكي. بس ربنا يشفيها بقى. منة: ليه؟ مالها؟ خير؟ مريم: أنا سألت الدكتور، وهو شاكك يكون عندها ***.