رواية مجنونة يونس الفصل الثاني 2 - بقلم مروة احمد

يونس: أها، كدا تمام. جبتلك الشوكلت اللي أنتِ عايزاه. هوصلك وأروح الشغل النهارده، ولا ناوية إنك تتأخري وتطرديني من الشغل؟ حور: وأنا أقدر برضه يا يويو. يونس: يوووو، دي "يويو" دي بتدوبني. حور: يلا بينا، طب قبل ما تدوب. ههههههه. يونس: يلا يا حور. وصل يونس الكلية عند حور. كانت ضحى واقفة وجنبها عمر. يونس: بصي يا ستي، قبل ما تنزلي هتسلمي؟ قبل ما إيدك تتمد هكون كاسرها، فاهمة! حور: فاهمة، فاهمة. نزل يونس وفي إيده حور.

ضحى: صباح الفل. أي اتأخرتي يا حور يعني؟ حور: معلش يا ضحى، الطريق صعبة. ضحى: بتمد إيدها. ازيك يا يونس؟ يونس: سلم على ضحى. أنا بخير. حور: أهلاً يا عمر. عامل إيه؟ عمر بيمد إيده لحور، لكن قابلته إيد يونس. يونس: أهلاً يا أستاذ عمر. أنا يونس أخو حور. حور: بحرقة. على فكرة أنت مش أخويا. مسكها يونس من إيدها واتجه نحو السيارة. يونس: أفهم اللي أنتِ عملتيه دلوقتي؟ حور: أنا عملت إيه؟ يونس: يعني مش عارفة عملتي!

مش أنا قولتلك متسلميش على الزفت ده؟ وإنتي برضه دماغك مش هنا. أقولك على حاجة بتعملي عكسها تمام. في الآخر تطلعيلي أنا غلطان وتحرجيني. إنتي مش شيفاني راجل يا حور؟ حور: والله، يعني أنا اللي عملت كل ده وإنت الملاك البريء اللي مش بيعمل حاجة خالص. يعني مسلمتش على ضحى؟ ولا إنت عندك ده حلال وعندى حرام؟ وبعدين أنا معملتش أي حاجة تقلل منك ولا تقول إنك مش راجل.

يونس: حلو أوي. القطّة طلعلها لسان. ماشي يا حور. إن مربيتك مبقاش أنا يونس العمري. يلا على الكلية ومتتحركيش غير لما أجيلك، فاهمة يا أختي. حور: على فكرة أنا مش أختك. وبعدين أنا خلاص اتقفلت من اليوم وهروح. يونس: ها، هتروحي ولا آخد تاكسي؟ حور: منك لله. سواق أهلك. أنا أركبي. أما نشوف آخرتها معاكي. عمر: مين ده اللي مع حور يا ضحى؟ ضحى: ده يونس العمري. ااا. عمر: مالك يا ضحى؟ ده بيقول أخوها.

ضحى: مفيش. بس أنا بحسدها عليه. في حد يكون معاه القمر ده ويتعامل بالأسلوب ده. وبعدين هو مش أخوها، هما جيران وهو اللي مربي حور. عمر: أيوه. نور: هاي. ازيك يا ضحى؟ ازيك يا عمر؟ ضحى: هلا يا نور. عمر: أهلاً يا آنسة نور. نور: ضحى، هي حور مجتش؟ ضحى: لا، جات بس كانت تعبانة فروحت تاني. نور: تمام. أنا هكلمها أطمن عليها. ضحى: لا مينفعش. أنا هروح أطمن عليها. تحبي تروحي معايا؟ نور: هشوف وأقولك.

ضحى: تمام، ماشي. يلا بينا قبل المحاضرة ما تبدأ. نور: يلا. مريم: أي اللي جابك بدري كدا يا حور؟ حور: مفيش يا ماما. اتخانقت أنا ويونس. مريم: يا لهوي! لي كدا يا بنتي؟ حور: أنا هقولك يا ماما، وإنتي تحكمي مين فينا اللي غلطان. وقصت حور ما حدث معها ومع يونس. مريم: إنتي غلطانة يا حور. وحطيتيه في موقف وحش. حور: إنتي عارفة يا ماما أنا مش بستحمل أسمع منه كلمة أختي دي. فييجي مرة واحدة يقول أخوها!

ماما، إنتي عارفة يونس بالنسبالي إيه. مريم: عارفة يا حبيبتي. بقولك صح، عايزين نروح المستشفى نعمل التحليل اللي طلبها الدكتور. حور: تاني يا ماما؟ بترجعي تاني لنفس الموضوع. أنا قولتك قبل كدا مش عايزة أروح مستشفى. يا ماما إنتي عارفة إني مش حمل صدمة لما أعرف نتيجة التحليل. مريم: اتفاءلي خير يا حبيبتي. حور: خلاص يا ماما. أبقى أرد عليكي وقت تاني. هروح أشوف منوش. مريم: لسه هي كانت هنا ومشيت.

حور: ماشي. أنا رايحالها أشكيلاها من الوحش اللي مربياه ده. مع إني أشك إنه شاف التربية أصلاً. ضحكت مريم على تلك العنيدة صاحبة العيون العسلية، وكما تقول لها دائماً، مجنونة يونس. منووووووووووش! يا منوووووووش! منه: خير يا عملتي الأسود في الحياة؟ عايزة إيه؟ حور: أشكي الـ... اللي إنتي مربيياه. منه: 😳😳.