رواية مجنونة يونس الفصل الثالث 3 - بقلم مروة احمد

منه: هتوحشيني. حور حست بحد واقف وراها. حور بهمس: هو؟ أشارت لها منه بعلامة نعم. حور: أمممم. ابنك ده يا منوش أطيب واحد في الدنيا. يونس: أممم أطيب واحد هااا. حور: وسع لحظة يا يونس، بصي يا منوش. وأخذت تجري للخارج. ويونس وراها. حور: ألحقيني يا ماماااااا. مريم: عوض على عوض الصابرين يا رب. مسكها يونس لياقة القميص: اسمعيني يابت، كنتي بتقولي أي؟ حور بدلع: مكنتش بقول حاجة يا يويو. يونس: بت اتعدلي وإلا هنفخك.

حور: يهون عليك يا يويو؟ يونس: هسيبك بس بشرط. حور: شرط إيه؟ يونس: تعتذري عن اللي عملتيه الصبح. حور: ههههههه ضحكتني يا يونس. يونس: وماله، أنا أشوف مسمار أعلقك فيه طول اليوم ومحدش هيعرف ينزلك. حور: خلاص، سوري. يونس: بالعربي يا أختي. حور: آسفة. يونس: شاطرة يا روحي، يلا بقا انزلي. حور: ربنا يهدك. يونس: بتقولي حاجة يا حور؟ حور: لا يا يويو، بدعيلك. صح، إيه اللي رجعك دلوقتي؟ يونس: نسيت المفاتيح، فرجعت أجيبها.

حور: ماشي يا يويو. يونس: قلب يويو، همشي أنا بقا، عايزة حاجة أجبهالك؟ عايزة حاجة يا روما، وإنتي يا ماما؟ كلهم: لا يا يونس، تسلم. مريم: يلا يا حور على شان نروح عند الدكتور. حور: حاضر يا ماما، هروح ألبس. خرجت مريم وحور وذهبوا للمستشفى. الدكتور: أهلاً مدام مريم. أهلاً يا آنسة حور. مريم: أهلاً يا دكتور. الدكتور: دلوقتي أنا عنده، على الممرضة تجهزلك على شان هنعمل أشعة على المخ. حور بخوف: تمام. الدكتور: اتفضلي يا آنسة حور.

الممرضة: اتفضلي يا آنسة. دخلت حور جهاز الأشعة وكاد قلبها ينقلع من شدة الخوف لما هي به ولما هي مقبلة عليه. تذكرت ما قالته لها مريم. فلاش باك. ليه يا حور مش عايزة تروحي معايا المستشفى؟ حور: خايفة يا ماما يطلع عندي حاجة. مريم: إحنا هنعترض على قضاء ربنا يا حور. حور: مش الفكرة يا ماما، الفكرة أنا راضية بكل حاجة يجيبها ربنا.

مريم: اسمعي كلامي يا حبيبتي، أنا مش عايزة أخسرك، أنا مليش غيرك يا حور، من بعد ما باباكي مات واحنا ملناش غير بعض، وإنتي عارفة ممكن يحصلي أي من غيرك. وبدأت مريم في نوبة بكاء، احتضنتها حور بحنان: حاضر يا ماما، أنا هعمل اللي إنتي عايزاه. عودة. خرجت حور من غرفة الأشعة وذهبت لمريم. مريم: حمد الله على السلامة يا حبيبتي، إنتي كويسة؟ حور: آه كويسة. مريم: شوية وتطلع الأشعة ونروح يا حور. حور: حاضر يا ماما.

أحمد: إيه يا عم يونس، اتأخرت يعني؟ يونس: إيه عم دي ياض، إنت شايفني سارح عربية خضار؟ أحمد: بضحك. متزعلش يا سطا. يونس: يووه، أنا ابني متستاهلش تكون في مكان زي اللي إنت فيه دلوقتي. صح، المدير سأل عليا؟ أحمد: لا، هو أصلاً لسه جاي من شوية. يونس: طب الحمد لله، أروح أخلص باقي الورق وأدخله. أحمد: المهم، هتسهر معانا النهارده؟ يونس: مين هسهر معاك؟ أحمد: زين وعبد الرحمن، واحد صاحب زين هيعرفنا عليه.

يونس: تمام، لو خلصت بدري هاجي. أحمد: ماشي، سلام بقا. نور: شكلها مش هنا يا ضحى. ضحى: لحظة بس. منه: خير يا بنات، اتفضلوا. نور: أهلاً، إزيك يا طنط. ضحى: هي حور مش موجودة يا طنط؟ منه: لا يا حبيبتي، هي خرجت مع مامتها. اتفضلوا استنوها لما ترجع. نور: شكراً يا طنط، إحنا ممكن نعدي عليها وقت تاني. منه: ماشي يا حبيبتي. ضحى: مين دي يا نور؟ نور: دي طنط منه، مامت يونس. ضحى: أيوه. نور: يلا، هتروحي؟ ضحى: أيوه. الدكتور: لو سمحت.

اندهي مدام مريم. الممرضة: مدام مريم، اتفضلي، الدكتور عايز حضرتك. مريم: حاضر. الدكتور: اتفضلي يا مدام مريم. مريم: خير يا دكتور، طمنّي، الإشاعات فيها حاجة؟ الدكتور: إحنا طبعاً مؤمنين بقضاء ربنا. وربنا إذا أحب عبد ابتلاه على شأن يعرف مدى قوة التحمل عنده. مريم: إيه يا دكتور، المقدمة الطويلة دي، بنتي عندها إيه؟ الدكتور: الآنسة حور عندها *****. مريم: بنتي؟ 😳😳.