رواية مجنونتي الفصل الرابع 4 - بقلم منار همام

شهد: أنا موافقة. أحمد: على بركة الله. هقوم أتصل بياسر وأقوله علشان يجهز نفسه. *** ياسر بعد ما قفل مع أحمد: كنت عارف إن مفيش حاجة هتخليها تبعد غير كده. *** شهد دخلت أوضة ياسين، غيرت هدومه وحاولت تنام. *** عند ياسين: إزاي مش هتبقى لغيري؟ هي بتاعتي أنا وبس. آه، بس لو موضوع مها ده يخلص... جاله اتصال. ياسين: الو. مها: ... ياسين: وإيه، إن شاء الله، اللي خلاكي تغيري رأيك كده؟ مها: ...

ياسين: أسبابك الخاصة برضه. أنا مش مصدق، بس على العموم هعرف برضه. قفل. ياسين: بس يا شهد، أنا كده ضمنت إنك ليا ومش لحد غيري. *** في الصباح. أم شهد: يلا يا شهد يا حبيبتي علشان النهارده كتب كتابك. شهد: قايمة أهو يا حاجة. *** اليوم كله خلص في تجهيز الخطوبة، وما شفتش ياسين. اتعملت في قاعة كبيرة، بس كل الضيوف أغلبهم أصحاب ياسين. أنا استغربت. كنت لابسة فستان طويل من ورا وقصير من قدام، مكياج مناسب ليه، وعاملة شعري فرمة.

عدى ساعتين، ولا ياسين ظهر ولا ياسر. فجأة لقيت حد حضني من ضهري، بس مقدرتش أعرف هو مين. بصيت على السلسلة كانت ماسكة عليه أول حرف من اسمي وحرف من اسم ياسين داخلين في بعض. بعد عني. لفيت لقيت ياسين. شهد: أفهم إيه ده؟ ياسين: إيه، لبست خطيبتي سلسلة؟ شهد: ياسين، متجننيش. ياسين: كملي معايا ووعدي هقولك على كل حاجة. شهد بدموع: بس إنت مش بتحبني. ياسين: آه، أنا مش بحبك، أنا بعشقك. شهد: طب وإيه قصتها؟

ياسين: كانت ظروف جبرتني أقول كده. هخطبها وهقولك عليه. بس وافقي. شهد: يعني مش بتحبها؟ ياسين: عمري ما حبيت غيرك. ها، موافقة؟ هلبسك خاتم جواز. نزل على الأرض وفتح علبة فيها خاتم من الألماس برضو عليه علامة ملا نهاية. ياسين: ها، موافقة تبقي معايا لحد النهاية؟ شهد مدت إيدها: وما بعدها. ياسين لبسها الخاتم وحضنها. كل الموجودين صفقوا وصفروا. ياسين: يلا بقى علشان نكتب الكتاب. شهد: نعم؟

باس أمي وأحمد. ياسين شاور لي على أمي وأحمد، كان واقف جنبهم ياسر. ماما هزت لي راسها بمعنى: أنا عارفة كل حاجة. كتبنا الكتاب وياسين مسك إيدي وغنالي: "إنتي بتاعتي، بتاعتي أنا بس، خلاص، مسمعش حس." وغنى: "إنتي معلمة." الكل رقص. وياسر وأحمد شالوا ياسين زي ما بيعملوا مع العريس.

فجأة لقيت ياسين ماسك إيدي وخدني على البيت. طلعنا فوق السطح. كان مزين السطح بإضاءة خفيفة واسمي مكتوب من نار على الأرض. وقفني في قلب مصنوع من ورد ومسكني من وسطي وبص في عينيا. ياسين: أجده في روحي، كأنما لا شيء بها إلا أنت. بحبك. شهد حطت إيد على رقبته والتانية بتلعب بشعره. شهد: إيه بقى موضوع مها ده؟ ياسين: كنت فاكر نفسي بحبها، وعدتها بالجواز. أنا محبتش أكسر كلمتي. شهد: طب وإيه اللي اتغير؟

ياسين: أحمد أخوكي اتفق مع ياسر علشان يخطبك. أول ما عرفت إنك هتتخطبي، اتصلت بيه وطلبت مني أنسى موضوع الجواز منه. شهد: طب ليه يعني لما عرفت إني هتخطب لياسر؟ ياسين: علشان بتكرهك، وكانت عارفة إنك بتحبيني، عايزة تكسر قلبك. شهد: ياسين. ياسين: قلبو. شهد: عارف ليه باقة الواي فاي كانت بتخلص بسرعة؟ كنت بسرقها. ياسين ضحك بصوت عالي: طب إنتي عارفة إني مش بفتح نت خالص، بس كنت بشحنه عشانك.

شهد: وأنا اللي كنت مفكرة نفسي هاكر. طب إنت مسامحني على اللي سرقته؟ ياسين: الواي فاي وصاحب الواي فاي تحت أمرك. شهد: بحبك. قرب منها أكتر باسها: وأنا مجنون شهد.