رواية محاكمة صعيدية الفصل الأول 1 - بقلم هدير عبدالعليم

جولت مفيش علام يا جمر. بس دا ظلم يا أبوي. البت ملهاش علام يا جمر، افهمى الحديت. اتچوز واحد أكبر منك يا أبوي وتجولي ده مش ظلم، جولى فين العدل في الحديت ده. نسيت أعرفكم أنا مين. أنا جمر، حكايتي بدأت وأنا لسه صغيرة. كنت طفلة، بس عندنا في الصعيد كان جطر الجواز فاتني من زمان جووي. أنا جمر من قنا، وعندي اتنين إخوات ولاد لسه صغيرين، وأنا عندي 13 سنة، ومن هنا بدأت الحكاية. أمه: يا بنيتي، يعني هنعملوا إيه لأبوكي؟

أنا: يعني لما يجول مفيش علام، يبقى أطلع من المدرسة؟ أمه: هو الراجل في الصعيد لما يجول كلمة الست ينفع تتحدت تاني معاه فيها يا جمر؟ أنا: علشان كده هتچوزوني عمي حسن و... أمه: ده نصيبك يا بنيتي. أنا: لا يا أمه، مش نصيب، ده ظلم وربنا ميرضاش الظلم لعباده يا أمه. أمه: ... أنا: هطلع أتحدت مع أبوي، طالما محدش منكم عنده الشجاعة إنه يتحدت معاه. أمه: بلاش يا جمر، أبوكي الحديت معاه مش عاد ينفعك.

أنا: أنا مش هتجوز واحد قد أبوي علشان... وطلعت على بره أتحدت مع أبوي. أنا: مش هتجوز يا أبوي، أنا عايزة أكملوا علام. أبوي: البت ملهاش علام يا جمر، افهمي الحديت. أنا: اتچوز واحد أكبر منك يا أبوي وتجولي ده مش ظلم، جولى فين العدل في الحديت ده. أبوي: أنا أفهم مصلحتك أكتر منك يا جمر. أنا: بس أنا عايزة أتعلم يا أبوي و... أبوي: جولت هتتچوزي حسن يا جمر. أنا: اسمه أبو علي يا أبوي، مش حسن وبس، ده ابنه علي أكبر مني بعشر سنين.

أبوي: ميخصنيش الحديت ده، كتب كتابك على حسن يوم الجمعة الجاية. أنا: ردي يا أمه وجولي ده ظلم، ولا كلكم في صف أبوي؟ إخواتي لسه صغيرين معذورين، طب وأنتِ يا أمه خايفة تتحدتي ليه؟ أمه: هقول إيه يا بنيتي. أبوي: اجفلي خشمك منك ليها، هي لما الرجالة تتحدت الحريم ترد. أمه: بس جمر معاه حق يا جواد، جمر لسه صغير. أبوي: الحق بيقول إنها تكملوا علام وتفضحنا هنا في وسط الصعيد كله. أمه: بس العلام عمره ما كان فضيحة.

أبوي: أنا لما جيت اخطبك كان عندك كام سنة؟ أمه: ... أبوي: كان عندك 11 سنة واتجوزتي، البت ملهاش علام، ظل راجل ولا ظل حيطة. أمه: بس مين جالك إني فرحت بالچواز؟ كنت زي جمر كده بالظبط، ولحد دلوقتي لو رجع بيا الزمن هصمم على العلام. أبوي: أبو علي هييجي السبوع الجاي يكتب كتب الكتاب، وإللي بعده هيتچوزك يا جمر، فاهمه؟ أنا: .... أمه: ... أنا: يعني كده خلاص هتجوز حسن إزاي طيب؟

حتى لو هتجوز مش هيكون واحد قدك يا أبوي، بلاش ترميني كده يا أبوي، الفلوس مش كله حاجة. أبوي: أنا خارج، ومحدش يفتح الحديت ده تاني. أمه: الحل الوحيد إننا نشكوي لعمك عدلي من أبوكي وهو يتصرف، وهو أخوه الكبير و... أنا: أنتِ عايزة أبويا يجتلك؟ أمه: يعني أنتِ اللي تموتي يا جمر؟ أنا: ... تاني يوم. أمه: عمك جه بره يا جمر، اطلعي. أنا: أنتِ جولتيله على الحديت؟ أمه: أه. أنا: أبويا بره؟ أمه: لا، راح يشوف الزارع.

أنا: طلعت عند عمي عدلي بره. عمي: ازيك يا جمر؟ أنا: مش بخير يا عمي. عمي: ليه يا بنيتي؟ كفانا الشر. أنا: أبوي يا عمي عايز يجوزني حسن. عمي: أمك جالتلك عشية. أنا: وإيه هنعملوا إيه يا عمي؟ عمي: الحل الوحيد هو...