رواية محاكمة صعيدية الفصل الخامس عشر 15 - بقلم هدير عبدالعليم

يامن: وضح حديثك يا محمد؟ محمد: ... جمر: افتكر إن عندك أخوات بنات. يامن: أزهار كانت بتحبك؟ جمر: مستحيل لأنها كانت بتحب فهد. جوى: ... محمد: كانت بتحب حد غيري. جمر: كداب. محمد: لا والله. يامن: كمل الحديث. محمد: أنا اه غلطت و أخدت فلوس و... جمر: يبقى أنت أكده ظلمت. جمر: معاك صح. يامن: جمر اتفضلي على الترابيزة اللي في آخر الكافيه بعد إذنك. جمر: ... محمد: لا خليها قاعدة، لازم تعرف الحديث مني ومن الأول كمان.

يامن: يبقى مش عايزك تقطعي الحديث عن محمد و... جمر: حاضر، اديني سكت أه. يامن: كمل الحديث يا محمد. محمد: بص يا بيه، أنت زي ما شوفت أنا شغال في قهوة، يعني شغلي ما ياكلش عيش والعيشة مرة، وأنا أخ لسبع بنات يا بيه، يعني لازم كل يوم أرجع وأنا معايا الفلوس اللي تاكل البنات دي ولا أسيبهم يشحتوا. جمر: وإيه دخل أزهار في حديثك ده؟ يامن: بص بعصبية وقال: كمل الحديث يا محمد واسكتي خالص يا جمر. جمر: ... أه، كمل يا محمد.

محمد: مرة كنت راجع البيت متأخر وما كانش معايا حق الأكل لأخواتي البنات ومش عارف أعمل لهم إيه، وندمت على فهد. أخدت منه فلوس. ردت عمتك عليا يا جمر وقالت إنه طلع. وسألتني أنا عايزة في إيه بصراحة. قلتلها من باب إنها تسلفني الفلوس لحد بكرة. جمر: عمتي مستحيل تديك فلوس أكده من غير مقابل، حتى لو ساعة. محمد: كلامك صح. يامن: طب إيه اللي حصل؟ كمل.

محمد: قالتلي إن أزهار بتحب حد اسمه إبراهيم وإنها بتخرج معاه وفهد مش عارف الحديث ده. جمر: مش حقيقة ومفيش أكيد دليل. يامن: هو ده اتفاقنا يا جمر؟ جمر: اتكسفت وجلت: معلش، أنا آسفة غصب عني والله. كمل يا محمد، مش هقطعك تاني. محمد: قلتلها وإنتِ ليه بتجوليلى أكده وتفضحى بنت أخوكي ومرات ابنك قدامي؟ قالت إن أزهار زعلانة عند بيت أبوه وإنها واخدة الدهب وكل حاجاته كمان وإنها لازم تطلع وهي كرامته مش موجودة لأنها زعلت فهد ابنها.

يامن: بس أنت متأكد من الحديث بتاع إبراهيم ده؟ محمد: بصراحة لا، بس كنت محتاج الفلوس وبس. لكن أنا أعرف أزهار بنت أصول، وما يطلعش منها العيبة. يامن: أه. محمد: عمتك يا جمر اتفقت معايا إنها تجيب أزهار وتاخد منها الدهب، وفي نص الليل لما أشوف فهد نزل للشغل هي هتفتحلي البوابة الكبيرة وأنا أطلع أخبط على أزهار وأقولها نسيت المفتاح على أساس إني فهد، وأزهار تفتح وأدخل عندها، وفي نفس الوقت هي تتصل على فهد وييجي. جمر:

بعصبية: حسبي الله ونعم الوكيل فيكم كلكم. محمد: يا هانم، الفقر وحش. جمر: الكرامة والرجولة ملهاش علاقة بالفقر، لازم تفهم الحديث ده. محمد: كلامك صح يا جمر. يامن: يبقى كده أزهار مظلومة. محمد: بصراحة أه. جمر: أنت تعرف إنك سبب موت عمي. محمد: بس عمتك السبب مش أنا. جمر: حطيت راسي على الترابيزة من الدهشة اللي فيها والصدمة، إزاي تعمل كده في بنت أخوه وأخوهم. محمد: بس أنا ممكن أصلح كل اللي حصل وأشهد بالحقيقة في المحكمة.

جمر: ده مش بمزاجك، ده اللي لازم يحصل. يامن: اهدئي يا جمر، مش أكده. بص، يمكن زي ما جمر قالت، عمر الفقر ما يخليك تظلم شخص. بس الحل الوحيد هو إنك لازم تعترف بالحقيقة قدام القاضي في المحكمة. وكمان افتكر إن عندك سبع أخوات بنات، يعني لازم تقول الحقيقة. محمد: موافق، بس بشرط. يامن: أيه؟ اتفضل. محمد: لو اتسجنت أخواتي السبعة في رقبتكم. جمر: مش هتتسجن، أوعدك. يامن: إنت بتتكلم قدام أكبر محامية. جمر جواد من أكبر المحاميين في قنا.

محمد: بجد؟ جمر: متخافش، إحنا مع الحق ومش هنظلموا حد. محمد: وعشان الحق والعدل، أنا اتخيلت حد من أخواتي مكان أزهار، عشان كده لازم أقول الحقيقة. جمر: أوعدك كمان إنك هتشتغل معايا بعد ما أنجح في القضية دي. محمد: بجد؟ جمر: أه. يامن: بجد والله. جمر: بس ليا شرط واحد. محمد: اتفضلي، تحت أمرك. جمر: مش عايزة عمتي تعرف حديث إني قبلتك ده وإنك هتقول الحقيقة. ولو طلبت منك حاجة ضد أزهار، قولها إنك هتعملها، بس عارفني الأول.

محمد: حاضر. جمر: يبقى اتفقنا. يامن: حاجة أخيرة لازم تعرفها يا محمد. محمد: أيه؟ يامن: الحديث كله اتسجل معانا على التليفون واحنا قاعدين، لحسن تفكر تغير في حديثك ولا حاجة. محمد: والله يا بيه، كل اللي عايز ربنا يستر أخواتي. يامن: أوعدك إن أخواتك هيكون ليهم نصيب من كل حاجة حلوة، وهيجوزوا كمان أحسن ناس. جمر: فاروق بيتصل، هقوله إيه؟ يامن: ... جمر: هقوله عند أبويا لو سأل أنا فين. فاروق: ازيك يا جمر، إنتِ فين؟

جمر: الله يسلمك يا روڨا، عند أبويا، يعني هروح فين؟ فاروق: مش عند أبوكي يا جمر. جمر: ... فاروق: أنا هنا عند عمي، وجال إنك طالعة من ساعتين. جمر: احمم، مش هعرف أتحدت معاك في التليفون يا فاروق. فاروق: جمر بجولك إنتِ فين؟ جمر: ... يامن: قوليله. فاروق: تجولي على إيه ومين ده؟ جمر: استنى بس يخربيتك، غيرتك دي. فاروق: ردي على سؤالى. جمر: مع يامن المحامي، علشان هيكون معايا في قضية أزهار. فاروق: ورحتي من غير ما أعرف ليه؟

جمر: هجولك لما أجي. فاروق: إنتِ فين؟ جمر: خلصت وجاية اها. فاروق: ... جمر: يا حبيبي، أما أجي هقولك على كل حاجة، متزعلش بقى. فاروق: توصلي بالسلامة. *** خلصت وراحت على البيت. فاروق: ممكن بقى أفهم إيه اللي حصل وكنتي فين؟ جمر: هجولك جوه. فاروق: بعصبية: يلا. جمر: كنت مع يامن ومحمد. فاروق: طب يامن، وطلع المحامي، مين محمد ده؟ جمر: ده الخيط في القضية. فاروق: مش فاهم حديثك يا جمر. جمر: محمد اللي ظلم أزهار، اللي جنب بيت فهد.

فاروق: مسكني جامد وهو بيقول: مجنونة، إزاي تعملي أكده وتروحي لوحدك يا جمر؟ جمر: كان معايا يامن. فاروق: مش كفاية. جمر: ... فاروق: كنت جاي أقولك تصرفي نظر عن القضية، لأن عمتك أكيد هددتك و... جمر: مش مهم. فاروق: بس مهم ليا، مش مستعد أخسر اتنين بحبهم في نفس الوقت، كفاية أزهار، دا أنا حاسس إنها مدمرة نفسياً من اللي حصل فيها. جمر: ... فاروق: بلاش القضية يا جمر، وده مش بمزاجك، ده قرار نهائي.

جمر: لازم أمسك القضية، ولأن معانا كل إثباتنا للبراءة. فاروق: ...