رواية مهمة طيرت عقلي "بسبوسة" الفصل الرابع 4 - بقلم حبيبة ياسر

أسيا: عندك حق، بس أنا عرفت ومهمتي شبه انتهت وكان لازم أهرب، وإني عرفت هما إزاي بيهربوا البضاعة دي. عايزين أسمع رأيكم، هقعد ولا أمشي. ليلي: سليم، ممكن شوية؟ سليم: إيه؟ ليلي: إحنا نخليها تقعد معانا، وبعد ما مهمتها تخلص ناخد بسبوسة. سليم: إحنا كنا بنتكلم في إيه من شوية؟ ليلي: كنا بنتكلم على إن بسبوسة يبقى ابنها، وهو طلع مش ابنها، يبقى خلاص. سليم: إنتي شايفة كده؟ ليلي: عشان خاطري. سليم: طيب.

سليم: إحنا وافقنا إنك تقعدي معانا هنا. ليلي: بس بشرط... هو مش شرط بس، يا ريت بعد ما مهمتك تخلص بسبوسة يقعد معانا ومعندناش أي مانع إننا نكتبه باسمنا. أسيا: تمام، أنا هكلمهم وهقول للدار إنكم هتتبنوه. سليم: عندي سؤال محيرني شوية. أسيا: اتفضل اسأل. سليم: إنتوا عرضتوا حياة طفل للخطر، مكنتوش ضامنين هيبقى حي ولا ميت.

أسيا: عندك حق، بس إنت عارف كم الشباب والأطفال الصغيرين اللي بيموتوا من المخدرات دي. كان لازم نجيب طفل عشان يقعد معايا ويبان إنه ابنهم. معلش مش هقدر أكمل باقي التفاصيل دي، أنا قولت إني هتكلم وكل حرف قولته هاخده بإذن بيه. ليلي: خلاص، ادخلي ارتاحي، إنتي والصباح رباح. تعالي أوريكي أوضتك. دي أوضتك، تصبحي على خير. أسيا: وإنتي من أهل الخير. ليلي: أنا مبسوطة أوي أوي يا سليم.

سليم: يا رب دايماً يا حبيبتي، ممكن ننام بقى عشان معايا شغل الصبح. ليلي: آه ننام. يوم جديد. سليم: عايزة طلبات من بره؟ ليلي: آه عايزة لبن، ودوا سخن عشان بسبوسة سخن أوي، وفاكهة وسيرلاك. سليم بضحك: وإحنا هنتغدى إيه سيرلاك؟ ليلي: لأ، فيه أكل جوه، وأنا هنزل أشتري هدوم لبسبوستي، اشطا. سليم: طيب، عايزة فلوس ولا معاكي؟ ليلي: لأ، معايا. سليم: باي. ليلي: باي. أسيا: صباح الخير. ليلي: صباح الورد. أسيا: أنا هنزل وهرجع كمان شوية.

ليلي: تمام. أسيا: يلا بقى سلام. ليلي: سلام. سليم: صباح الخير يا باشا. سيف: صباح الخير يا عم المدير، من بدري بيسأل عليك. سليم: أكيد فيه مصيبة، مش اصطبحت بوشك. سيف: استنى عندك، إنت اصطبحت بوش ليلي مش أنا. سليم: إنت وهي واحد، مش إخوات؟ هروح أشوفه. سيف: مع السلامة يا صاحبي، كنت طيب والله. ليلي مرات سليم، عينها عسلي، قمحاوية حبتين، طويلة. سيف أخو ليلي، شبهها، هما الاتنين تؤام. عنتر: أيوه يا باشا.

عنتر: معلش يا باشا، البضاعة مش جاهزة عشان فيه ظروف عندي. عنتر: إنت بتزعق لي؟ أنا بقولك أهو، مش هتتسلم البضاعة غير الأسبوع الجاي، والوقت والمكان هبقى أحدده أنا. وقول يا رب مدتش البضاعة لحد تاني عشان متزعقش تاني، من غير سلام. قفل الفون. سعاد: إنت مش هتديله البضاعة، أومال هتديها لمين يا موكوس؟ مفيش غيره اللي بيشتري البضاعة. عنتر: أنا بعمل كده عشان يعرف إننا مش تحت دراعه ويزعق ويتآمر علينا. مش هتفهمي إنت الكلام ده.

سعاد: هتعمل إيه يا عنتر في أسيا وبسبوسة؟ عنتر: فكرت إنها مش هتعرف تتكلم ولا تقول الواد ده مين ولا جاي من فين، يبقى خلاص منشغلش دماغنا بيها ونشوف شغلنا. أنا هطلع واحتمال أبات بره. سعاد: مش كفاية الشقق المشبوهة دي يا ابني؟ عنتر: بقولك إيه، إنتي متقوليش بلاش أي، وإيه يتعمل وإيه لأ، فاهمة؟ أنا بقولك عشان تنامي ومتستنينيش لما أرجع من بره. سلام.

"الكلام اللي بيقوله والشتيمة اللي بيقولهالي بتخليني أبقى مقتولة من جوايا، بس أنا السبب، أنا السبب، أنا اللي دلعته وكنت أداري عليه، أنا أستاهل ضرب الجز*". أسيا: ده كل اللي وصلته يا فندم. طيب، ومكان التسليم هتبقى امتى؟ أسيا: احممم، معرفش. يعني إحنا هنسنفاد إيه؟ إحنا لازم نمسكهم وهما بيوزعوا البضاعة. أسيا: طيب، والعمل إيه يا فندم؟ ترجعي تعيشي هناك تاني. أسيا: أرجع أعيش هناك تاني؟ ده الحل الوحيد. أسيا: طيب، والطفل ده...

مينفعش يروح هناك؟ حياته هتبقى في خطر. طيب، والعمل؟ أسيا: أنا هقول... طيب كويس، ترجعي النهارده بإذن الله. أسيا: بإذن الله. أسيا: ليلي، أنا كنت عايزة أقولك إني هرجع المهمة تاني. ليلي: وبسبوسة؟ أسيا: هيقعد عندك لحد ما المهمة تخلص، وهرجع هناخده ويبقى يتكتب باسمك تاني. ليلي: طيب، الحمد لله. وإنت هترجعي تاني إزاي؟ وإسمه إيه دا، هتعملي إيه معاه؟ أسيا: مش عارفة، هسيبك أنا عشان لازم أمشي دلوقتي.

ليلي: مع السلامة، ابقي طمنيني عليكي. أسيا: بإذن الله. سعاد: أسيا، إنتي رجعتي إزاي؟ أسيا: بسبوسة، بسبوسة. سعاد: عايزة تاكلي بسبوسة؟ أسيا: بسبوسة، أخده. جريوا أسيا، أبكي بسبوسة، أبكي. سعاد: والله أنا مش فاهمة أي حاجة. ادخلي، ولما يرجع عنتر أو صابرين تيجي أفهم. أسيا: عنتر كلب، يضرب بسبوسة، وأسيا أبكي عليه. سعاد: والله ما في حد كلب غيرك، ادخلي.

ومسكتها من شعرها ودخلتها الأوضة بتاعتها، هي مش أوضة، هي عبارة عن مخزن للسكر والبسبوسة. أسيا: أسيا أبكي، نمل لأ، أسيا أبكي. طلعت سعاد من الأوضة. أسيا: أنا وريتك على كل اللي بتعمليه فيا، مبقاش أنا. سعاد: خدي كلي ونامي، والصبح عنتر يكون جي وأعرف بتتكلمي عن إيه. أسيا: أسيا عايزة بسبوسة. سعاد: نامي، مفيش بسبوسة. فاروق: قومي اعمليلي أكل. سعاد: اعمل لنفسك، عايزة أنام. فاروق: لو كان عنتر كنتِ قمتي.

سعاد: اقفل النور واطلع بره. فاروق: مفيش سكر، السكر فين؟ سعاد: خد من المخزن سكر. فاروق: طيب. عااااااااااا.