رواية مهمة طيرت عقلي "بسبوسة" الفصل التاسع 9 - بقلم حبيبة ياسر

سعاد: الحق ي عنتر البنت مش قاعدة. عنتر: مش قاعدة إزاي؟ إزاي؟ سوزي: إحنا منعرفش. عنتر: أومال مين اللي يعرف يعني؟ مش انتوا اللي كنتوا قاعدين في البيت معاها؟ صابرين: ممكن أفهم في إيه؟ عنتر: اللي حاصل إن أسيا مش هبلة زي ما كنا مفكرين، لأ، هي شغالة مع الحكومة. صابرين: طب وإيه فيها؟ عنتر: اللي فيها إننا تجار مخدرات، يعني هنروح في ستين داهية. صابرين: تجار مخدرات؟ عنتر: أيوه يختي، مستغربة لي؟ صابرين: مش مستغربة ولا حاجة.

عنتر: ممكن أفهم انتوا كنتوا بتعملوا إيه لما هي هربت؟ سعاد: كنا كنا... عنتر: كنتوا إيه؟ اخلصوا. سوزي: كنا بنتخانق. عنتر: كنتوا إيه يعني؟ بتتخانقوا؟ آه، وبتتخانقوا لي؟ سوزي: مامتك بتقولي ادخلي الأوضة ومش عايزة أشوف وشك تاني، روحت قولتلها لي طيب، مسكت فيا واتخانقت معايا. سعاد: أنا؟! سوزي: أيوه انتِ، أومال أنا؟

عنتر: انتوا الاتنين حسابكم معايا بعدين. أنا نازل أشوف البنت اللي هربت دي، ويارب يارب أرجع وألاقيكم بتتخانقوا، هتعرفوا إيه اللي هيحصل لكم. عند سليم وليلي. ليلي: ي سليم شوف بسبوسة بيعيط ليه. سليم: حاضر حاضر. ليلي: ماله ي سليم؟ سليم: جسمه سخن أوي ي ليلي. ليلي: إيه دا؟ جسمه حرارته عالية أوي أوي ي سليم. سليم: طب والعمل؟ ليلي: نعمل إيه؟ نوديه للدكتور. سليم: طيب خليكي انتِ وأنا هروح وأيجي.

ليلي: لأ مش هتروح لوحدك، رجلي على رجلك. سليم: طيب انجزي بقى، أنا هنزل وأشغل العربية، لو اتأخرتي همشي. ليلي: طيب. أسيا: أيوه ي فندم، البضاعة كلها في البيت دلوقتي. تمام، جهزوا العساكر وتقتحموا حالا. تمام ي فندم. سليم: حرارته نزلت شوية؟ ليلي: لأ، هو زايد أوي أوي. سليم: خلاص قربنا نوصل أهو. ليلي: خير يا دكتور؟ الدكتور: متقلقيش، هو بيطلع أسنانه، ودي الأعراض بس مش أكتر. سليم: يعني مفيش حاجة؟

الدكتور: متخافش بقى يا أستاذ سليم. سليم: شكراً يا دكتور. الدكتور: لا شكر على واجب. ليلي: كنت خايفة عليه أوي ي سليم. سليم: الحمدلله إنه بخير. ليلي: الحمدلله. كانوا واقفين عند إشارة المرور، وكان ليلي وسليم وعنتر وواحد من رجالة عنتر.