رواية مهمة طيرت عقلي "بسبوسة" الفصل الثاني 2 - بقلم حبيبة ياسر

انت لسه راجع، وترا مراتك التانية بسطتك ولا لأ؟ سليم: مرات مين؟ وبسطتني إيه؟ بالله عليكِ اهدي كدا، أنا تعبان خالص. ليلي: وترا تعبان ليه؟ هي اتخانقت معاك؟ سليم: ادخل، مش هقف كدا على الباب ونتكلم جوا. تعالي يا آسيا، ادخلي. آسيا: بسبوسة يبكي! سليم: ادخلي، وهيسكت. ومش هيبكي. ليلي بصوت مرتفع: أنت جايبها لغاية هنا كمان؟ وابنك جايبه لغاية هنا؟ والله ما أنا قاعدة لك دقيقة واحدة في البيت يا سليم، خليها تنفعك.

آسيا بضحك: هي مجنونة زي سعاد؟ مجنونة! سليم: هههههههه، ادخلي. يومنا فل الفل النهاردة والله. في مكان آخر. عنتر: إزاي تهرب يعني؟ وأنتِ يا ولية إزاي تخليها تمشي؟ سعاد: وليه أنت شارب ولا إيه؟ فوق، أنا أمك مش واحدة من اياهم. فوزي: متتعدل وتراعي إن أنا وافقت، يا واد. ولا مليش لازمة؟ عنتر: آه، ملكش لازمة. وهي ملهاش لازمة. مهي لو مركزة وفايقة، مش بتضحك وتتمسخر بس مع حريم الشارع، مكنتش هربت هي والواد. فوزي: أنت قليل الأدب!

شيلتك وتشيلها يا حبيبي. عنتر: ما هي مش شيلتي أنا لوحدي، مين اللي جابها البيت وخلاها تتعيش معانا؟ مش مراتك؟ وأنت طبعاً متقدرش تقول على حاجة لأ. فوزي: امشي، اطلع بره، امشي يالا برا بيتي. سعاد: فوزي لاء، ابني عايز ترميه بره البيت، دا بيته. فوزي: تصدقي إنك ولية مهز*لة وتستاهلي اللي يحصلك. خليه يا اختي ابنك حبيبك جنبك، وأنا اللي هسيب لكم البيت وهمشي. *** عند سليم وليلي. سليم: أنتِ ليه مش عايزة تفهمي بقا؟

والله ما مراتي. أنا هحكيلك كل حاجة، بس ممكن تستهدي بالله وتقعدي. ليلي: آه، عايز تضحك عليا بكلمتين وأنا هبلة هسكت؟ لاكن لاء، أنت جايبها لغاية البيت هنا وقدامي. وعايزة أقولك حاجة، إن مخلفتش دي حاجة مش بإيدي، وأكيد ربنا في حكمة في كدا. وأهو طلعت متجوز. أكيد ربنا بيديني إشارة. سليم بضحك: أنتِ بتسمعي مسلسلات تركي كتير صح؟ ليلي: أنت في إيه ولا إيه؟ سليم: أصل الكلام اللي بتقوليه دا محصلش. ودي مش مراتي وبسبوسة مش ابني.

ليلي بضحك: بسبوسة إيه؟ أنت عايز تاكل بعقلي حلاوة. سليم: يوووه، أنتِ ليه مش عايزة تفهمي؟ والله أنا مش متجوز غيرك. اهدي بقا واقعدي، وأنا هحكيلك على كل حاجة. ليلي: وأنا إيه يضمنلي إنك متكدبش. سليم: اللي أنتِ عايزاه يعني. قامت وجابت المصحف. ليلي: احلف إنك مش هتكذب. سليم: والله العظيم هقول اللي حصل. *** آسيا: أحبك يا بسبوسة، أنا أحبك. عاااااا. آسيا: بسبوسة جعان، بسبوسة يبكي. مبكيش بسبوسة (متكبش) . عاااا. ***

سليم: دا كل اللي حصل، والله العظيم مكدبتش بحرف واحد. ليلي: بعيني؟ يعني لقيتها في الشارع في البرد دا؟ ويعني البيبي كدا من غير هدوم. سليم: كان جعان أوي. جبت لبن وبطانية صغيرة. إيه الصوت دا؟ ليلي: دا البيبي بيبكي. *** آسيا: بس بسبوسة مش يبكي، أنت جدع جدع بسبوسة. سليم: أنتِ بتعملي إيه؟ آسيا: بسبوسة جعان، يبكي بسبوسة. ليلي: حرام عليكي، اللبن سخن. مينفعش يشرب اللبن كدا. آسيا: هو يبكي، أنا عملت لبن أديه لبسبوسة يشرب.

ليلي بهدوء: بصي بسبوسة مينفعش يشرب، هاتي إيدك كدا. آسيا: إيييي! سخن لبن. ليلي: سخن اللبن مينفعش بسبوسة يشرب اللبن سخن كدا. نحط اللبن في مياه ساقعة وبعدين بسبوسة يشرب. صح؟ آسيا: هههههي، صح. أنتِ طيبة زي صابرين. ليلي: مين صابرين؟ آسيا: صابرين أنا أحبها. *** سعاد: أيوه ياللي بتخبط، جايا أهوو. صابرين: ازيكم يا خالتي. ياسو، فينك؟ أنا جيت. هي فين آسيا يا خالتي؟ سعاد: هي هي، آه هي. راحت مع فوزي يتمشوا شوية.

صابرين: طب كويس. هي من زمان مطلعتش. فين بسبوسة؟ هههه، أقصد أسر فين؟ سعاد: ماهو كمان معاهم. صابرين: خلاص، أنا همشي وأبقى أجي في وقت تاني. عنتر: هي مدام آسيا مش قاعدة يبقى خلاص تمشي. مينفعش عنتر. صابرين: تقصد إيه يا عنتر؟ عنتر: أيوه، أقصد اللي في دماغك ده. صابرين: احترم نفسك واتعدل، ولا أنت شارب حاجة. سلام يا خالتي. جايا تطلع، حط إيده على الباب. عنتر: هقولك حاجة. خليها حلقة في ودنك الحلوة دي. أنتِ بتاعتي أنا، فاهمة؟

صابرين: لما تشوف حلمه ودانك. فاهم. سلام. *** سليم: يلا نامي يا آسيا. آسيا: وبسبوسة؟ سليم: احمم، بسبوسة هينام مع ليلي. آسيا: ماشي. سليم: نام. ليلي: آه يا حبيبي نام. كان جعان أوي أوي، شرب اللبن ونام. أنت عارف أنا مبسوطة أوي، مش عارفة لي. حاسة إني أم، مع إنه مش ابني. سليم: ربنا هيكرمنا. وهتفتكري إني قولتلك كدا. ليلي: يارب. سليم، ممكن أقولك حاجة؟ سليم: قولي. ليلي: نكتب.