رواية مهرة العز الفصل الثلاثون 30 - بقلم مريم

بصدمه: نعممممم......... مخطوبه!! مهرة باستفزاز: أيوه........ والفرح كمان شهر...... حبيت أعزمك مقدماً....... أكيد هتقبل الدعوة وتيجي .... صح؟؟ عز بغضب مكتوم: اممممم..... أكيد..... ده انتي عِشرة يومين بردوا......... زياد: طب يلا ياحبيبتي..... عشان نسلم على صحبتك. وحاوط وسطها بإيديه.... وخدها ودخلوا جوة في الحفلة.......... مهرة بهمس: ميرسي لأنك وافقت تمثل..... بجد مش هنسى معروفك ده أبداً.......

زياد وهو بيبص على البنات: ده أنا اللي مش هنسى معروفك ده أبداً...... مهرة بصت عليه وضحكت. *** أحمد: نجوى!! نجوى: نعم.. أحمد بابتسامه: بصي وراكي كده.... نجوى بتبص وراها لقت مهرة واقفه وفاتحه ايديها عشان تحضنها...... نجوى بضحك: مهرة.... وحشتينييي اوووي يامهرة.... أحمد بضحك: يابكاشه..... دي لسه ماشيه امبارح.... نجوى وهي لسه بتحضنها: ولو...... أنا اتعودت عليها... وبقيت بعتبرها بنتي بالظبط..... عشان كده بتوحشني.......

وبعدين مهرة خرجت من حضن نجوى وقالتلها: وانتي كمان وحشتينييييييي اوووي يانوجهي. أحمد بمشاغبه: وأنا ماليش وحشه وحضن ولا إيه..... مهرة وهي راحه ليه: لا طبعاً إزاي..... ده انت تاخد الحضن كله..... وفضلوا يهزروا شويه ويضحكون مع بعض...... مهرة: عندي ليكوا مفاجأة...... حزروا فزروا هي إيه؟؟؟ أحمد ونجوى بصوا لبعض. وقالوا: إيه؟؟ مهرة: رجعتلي الذاكرة.... ترا تراااا. أحمد ونجوى بفرحه: بتهزري.... صح!!

مهرة هزت راسها بلا وهي بتضحك.... نجوى راحت حضنتها وقالتلها: أحلى خبر سمعته النهاردة ياعمري.... مهرة: استني انتي لسه سمعتي الخبر التاني... ده هيبقى أحلى بكتيررررر.... نجوى: إيه هي؟؟؟ مهرة: احم احم........ طبعاً أنا لما رجعتلي الذاكرة افتكرت إني مخطوووووبه........ وفضلت تضحك وبعدين قالت: أي رايكوا في المفاجأة دي.... حلوة مش كده؟؟ نجوى واحمد اتصدموا وفضلوا الصمت.... لأنهم كانوا بيتمنوا إن مهرة تكون مرات عز....

بس للأسف أمنياتهم مش هتتحقق..... نجوى بعد صمت: مخطوبه!!! مهرة بابتسامه مزيفه: أيوه...... أحمد: طب فين خطيبك؟؟ مهرة: واقف هناك مع لؤي اهو.... نجوى: هو لؤي يعرفه؟؟ مهرة: لا لسه متعرفين على بعض من شوية.... نجوى بابتسامه حزينه: اممم....... ربنا يخليكوا لبعض. مهرة بنفس الابتسامه: يارب......... طب هروحلهم بقى. أحمد بابتسامه: حاضر... نجوى: عشان كده جت الحفلة..... أنا كنت بقول بردوا هتيجي إزاي وهي لسه بتحب عز......

طلعت افتكرت كل حاجة وعز بقى عادي.... أحمد: نجوى في إيه........... انتي نسيتي اللي عز عمله بردوا...... وهي أكيد كانت الذاكرة هترجع لها وترجع لحياتها الطبيعية يعني مش معقولة تسيب خطيبها عشان عز اللي لسه عارفاه من كام يوم.................... *** عند لؤي كان واقف هو وزياد وشمس.... (طبعاً شمس راحت مع مهرة) لؤي: والله يا زياد انت جدع عشان جيت.... أنا كنت مفكر إنك مش هتيجي.... شمس بضحك: ولا أنا الصراحة......

بعد اللي مهرة كانت عملته فيه... مكنتش أتوقع إنه يجي يساعدها😂😂 زياد بضحك: اهو اللي مهرة اختك عملته ده.... أنا عمري في حياتي ما هنساه.... لؤي بضحك: هي عملت إيه؟ شمس بضحك: بص ياسيدي مهرة كانت بتطفش العرسان عشان مش عايزة تتجوز خالص.... ف المهم كانت بتسأل أسئلة غريبة أوووي عشان يطفشوا.... زياد كمل بضحك: كانت بتقولي روبانزل قعدت في البرج كام سنة😂😂 ومين اللي قتل موفاسا.... ولو الدنيا عطتك ضهرها تعمل إيه..😂😂....

كانت بتسأل أسئلة غريبة😂😂😂😂 لؤي فضل يضحك وقال: يااااه..... ده مهرة دي دمااااغ😂 مهرة جت من وراه وقالت: أومال يامعلم😂😂 لؤي: بس متنكريش إن أنا ليا دماغ بردوا. مهرة: من الناحية دي فأنا متأكدة..... شمس: أومال رفيف مجتش ليه؟ مهرة: مامتها تعبت ومش هتعرف تيجي وتسيبها. شمس: امممم ربنا يشفيها. مهرة: يارب... طبعاً كل الضحك ده عز واقف من بعيد مع أصحابه وعنيه مع مهرة وكل حاجة بتعملها...... وكان هيولع عشان شايفهم بيضحكوا مع بعض.

أسر جه وكلمه بهمس: شكل أخوك لؤي حب زياد... واقف بيضحك معاه كأنه يعرفه بقاله سنين.. عز بغيظ: امممم..... وأنا أعمل إيه يعني؟؟ ياسر: بتتهامسوا في إيه؟ عز: انت تسكت خالص..... ياسر: "أنا!!! ليه بس" عز: "بقى أنا بموت وانت بتقولي عايز أطلب إيد منك؟ كده أنت معندكش ريحة الكرامة والدم... أسر كمل بضحك وقال: ولا ريحة التربية 😂😂 ياسر: بقى كده.... ماشي..... وفضلوا يضحكوا وعز مركز مع مهرة وبس.... شوية ومنى نازلة من على السلم.....

وياسر شافها وعيونه تنحت فيها من جمالها ورقتها وهي نازلة كده من على السلم كانت لابسة فستان جولدن روز ضيق من عند الصدر ونازل منفوش وعليه لمعة فضي شوية ورافعه شعرها لفوق وحاطه ميكب سيمبل. وكانت غاية في الجماااااال وكانت نازلة مكسوفه من نظرات ياسر ليها وباباها مسكها من ايديها وراح بيها لعند ياسر وياسر من كتر جمالها فضل واقف يبص عليها. عز وكزه في دراعه وقاله: هتلبسها الدبلة ولا أرجع في كلامي؟ ياسر بسرعة: لا لا لا.....

ده أنا ما صدقت..... وبالفعل ياسر لبس الدبلة لمنى ومنى كذلك.... والناس كانوا مبسوطين أوووي وفرحوا جدا .... وبعدها على طول عز قال بصوت عالي وحب يغيظ مهرة: عز: احم احم..... دلوقتي دوري أنا بقى..... الكل ضحك عليه وكالعادة سلوى دخلت وهي لابسه فستان فضي ضيق وقصير وسايبه شعرها القصير الأحمر........ وحاطه ٢ كيلو مكياج 😂 المهم راحت عند عز وعز طلع الدبلة ولبسها وهي كذلك.. وشوية والاغاني اشتغلت ومنى وياسر راحوا يرقصوا.....

ياسر بهمس: مكنتش أعرف إنك جميلة أوووي كده. منى بخجل: ميرسي.... ياسر: "بحبك" منى بخجل أكبر: مكنتش أعرف إنك بتحبني... ياسر: قولتلك اهو.... منى: طب مقولتش ليه من زمان؟ ياسر: عشان عايز أدخل من الباب..... ميصحش يبقى في بينا كلام قبل أي حاجة رسمية... منى بخجل: وأنا كمان بحبك اوووووي..... ياسر بضحك: عارف. منى بصدمه: إزاي؟ ياسر: هو أسر يتبل في لسانه فولة. منى بغيظ: ماشي يا أسر الكلب. ياسر فضل يضحك عليها..........

عند عز وسلوى: سلوى بفرحه: أنا مبسوطة اوووي أخيراً حلمي بيتحقق. عز بابتسامه مزيفه: وأنا أكتر ياروحي..... سلوى بفرحه: أنا قولت لماما وبابا.... وهينزلوا بكرة أو ممكن بعده. عز: بجد..... فرحتيني اوووي... وحشوني اووي. سلوى: وأنا بردوا. مهرة من غيظها قالت لزياد: تعالى نرقص...... وزياد اخدها وراحوا في الساحة. ومسكهامن وسطها وبقوا قريبين من بعض اووووي. وعز شافهم وكان هيموت من الغيظ وأيده بقت تقيلة اوي على وسط سلوى....

سلوى بوجع: ااه.... في إيه ياعز؟ عز: أنا آسف..... مخدتش بالي. سلوى بابتسامه: عادي ولا يهمك..... في أثناء الرقص لؤي مسك شمس من ايديها وراح عند امه.... لؤي: ماما... أحب أعرفك دي شمس زميلتي وبالصدفة اكتشفت إنها أخت مهرة. نجوى بابتسامه: إزيك ياقمر....... دي عسل اووي ياولا يالؤي.... لؤي بضحك: على بس. شمس بكسوف: ميرسي يا طنط..... ده من ذوقك. نجوى بابتسامه: على إيه ياحبيبتي. لؤي: طب هاخدها ونروح نقف هناك...... يلا ياشمس.

عند عز وسلوى: عز: يلا كفاية. سلوى: اوكي. عز اخد سلوى من ايديها ومشي وهو بيبص على مهرة اللي مندمجة مع زياد..... طبعاً مهرة كانت بتمثل.... مش مندمجة ولا حاجة. عند مهرة: يلا كفاية. زياد: حاضر...... عند منى شافت مهرة..... راحت عليها. منى بفرحه: أنا مبسوطة اووووي يامهرة.... فكرتك مش جايه وحشتينييي اوووووي..... بس إيه يابت الحلاوة دي؟ مهرة بضحك: ده انتي اللي عسل. منى: أنا مش مصدقة بجد....

أنا خلاص بقيت خطيبته. خطتك نجحت يامهرة...... أنا بحبكككك اوووي. مهرة بضحك: وأنا أكتر. منى: صحيح اللي قاله لؤي... رجعتلك الذاكرة؟ مهرة: أيوه.... رجعتلي الصبح... منى بفرحه: مبسوطهههه.... طب مين اللي معاكي ده؟ مهرة: خطيبي. منى بصدمه: نعم؟ مهرة بضحك: هحكيلك كل ..... تعالي نقف بعيد شوية. وراحوا وقفوا في مكان بعيد شوية عن الناس ومهرة بدأت تحكي وقالت.... فلاش باك: لؤي: عندي ليكي فكرة هتخلي عز يشد في شعره. مهرة باهتمام: قول.

لؤي: بصي ياستي.... انتي هتيجي الحفلة وتتشيكي على سنجه ١٠..... ومش كده بس لا ده انتي هتيجي مخطوبة كمان. مهرة بصدمه: نعم....... إزاي ده يعني؟ لؤي: بصي ياستي انتي هتمثلي على عز..... مش هو هيخطب اشمعنا انتي كمان..... لازم نجيب واحد نثق فيه ونقوله على كل حاجة ويمثل معاكي... ولو احتاج مقابل نديله.... المهم انتي هتقولي لعز إن الذاكرة رجعت وافتكرت إنك مخطوبة....

وتبيني قدامه إنك بتحبي زياد اوووي وهو لو بيحبك هيجي غصب عنه ويقولك إنه بيحبك.... مهرة بفرحه: اوكي..... بس هنجيب مين؟ رفيف: زياد... إيه رأيك؟ مهرة: زياد مين؟ رفيف: اللي كان متقدملكم. مهرة: وده هيوافق؟ رفيف: طبعاً لو عرضنا عليه هنديه فلوس هيوافق. مهرة: طب هنجيبه منين؟ شمس: سيبوها عليا.... أنا هكلم بابا... وأقوله إنك عايزة تكلمي زياد عشان وافقت عليه..... ويجيب الرقم. لؤي: اشطا.... يبقى كله تمام.

مهرة بفرحه: أذكى وأنا موافقة. باك... منى بذهول: ده لؤي ده دماغه متركبة إزاي؟ مهرة بضحك: بالغلط. منى: طب وكلمتي زياد؟ مهرة: أيوه حكتله على كل حاجة... وهو طلع راجل ووافق من غير مقابل كمان. منى بفرحه: أخيراااا..... أنا مبسوطة اووي وعايزة العبقرية دي تبعد عننا.... مهرة بضحك عند عز كان واقف وعينه على مهرة وهيموت من الغيظ وهي واقفه وعادي..... وفي الآخر قرر يروح يكلمها..... عز: مهرة عايز أتكلم معاكي شوية.

مهرة بجمود: بصفتك إيه؟ عز: اللي قعدتك في بيتي. منى: تمام هروح أنا..... بس ادخلوا جوة عشان لو سلوى شافتكم واقفين كده هتفهم غلط. مهرة: اوكي.... وبالفعل دخلوا وعز قالها تعالي فوق..... بتحبه اوووي وممانعتش وطلعت معاه على اوضتها القديمة. ودخلت وهو قفل الباب... وبقى يقرب منها. مهرة بتوتر: انت بتعمل إيه..... وقفت الباب ليه؟ عز: بتحب إيه؟ مهرة بتوتر: مين ده؟ عز: زياد. مهرة بكذب: طبعاً. عز وهو بيبص في عيونها: كذاب.

مهرة بتوتر: ها؟ عز: كذابة. مهرة: طب انت عايز إيه؟ عز وهو مقرب منها اوووي وبيبص على شفايفها،، وقال: هحكيلك على كل حاجة. مهرة بفرحه: هتقول إيه؟ عز وهو على وضعه: هقولك اتغيرت معاكي ليه... بس لازم تساعديني..... مهرة بحب: قول. عز: ............................. مهرة بصدمه: اييييييييييييه؟