رواية مهرة الجاسر الفصل الثامن عشر 18 - بقلم جوري محمد

وعدت الأيام ومهره بدأ يظهر عليها أعراض الحمل وبطنها كبرت شويه. وهي واقفة قدام المرايا مهره: بص يا حبيبي. جاسر: إيه يا مهرتي. مهره: أنا باين عليّ تخنت شوية. جاسر: لا يا حبيبي مش باين، ده أنتِ بقيتِ عسل. مهره: والله. جاسر: طب يا مهرتي. مهره: بس أنت يا حبيبي بطلت تقول لي كلام حلو من ساعة ما بقيت شبه الكورة. جاسر: مين قال كده بس، يلا حبيبي عشان نمشي. مهره: لا أنا مش هامشي معك. جاسر: ليه بقى. مهره: عشان شكلي مش حلو.

جاسر: مين قال لكِ كده يا ست البنت، اللي في المراية دي هبلة بتضحك عليكي. مهره: طب يلا بقى سيبها في المراية ونمشي أنا وأنت. جاسر: يلا حبيبتي. ونزلوا تحت. فهد وإخواته قاعدين بيتفرجوا على فيلم كرتون عن البطريق. فهد: بيبص لمهره. مهره: بتبصي كده ليه يا فهد. فهد: ده حاجة أنتِ عارفاه يا ماما. مهره: إيه يا حبيبي. فهد: أنتِ شبه البطريق. جاسر: ضحك بصوت عالي.

مهره: أنا مش قلت لك أنا بقيت شبه الكورة، ودلوقتي ابنك قال لي شبه البطريق. كريم: ابنهم مين قال كده بس يا ماما. فهد: مش بيفهم، ده أنتِ بطنك صغننة وفيها نونة حلوة هتيجي وهتنور هنا بيننا، وأنتِ ترجعي تاني تبقي أجمل من الأول. مهره: والله الولد كيمو بيفهم. فهد: الصغير ده بيضحك عليكي. جاسر: جيري وراء فهد. جاسر: يا ابني لم نفسك، ده أنت عامل زي اللي اسمك عليه.

جاسر الصغير: يا بابا سيبه، أحسن تلاقي دلوقتي عمو فهد جاء على السيرة هههههه. جاسر الكبير: تصدق معاك حق يا جسور، الواحد مش ناقص غلاسة. فهد: كفاية فهد واحد. فهد الصغير: ما تقولش كده على عمو فهد. جاسر: هاقول إيه يا ابني، أمك هي اللي سميتك الاسم ده. فهد الكبير: وما له بقى اسم فهد. الأولاد: عمو فهد. فهد: حضن الأولاد الثلاثة. حبايبي عاملين إيه.

جاسر: أهي كملت أهي، أهلاً، أنا كنت عارف إن الصبح ده غريب من ساعة ما هي وقفت في المراية. فهد: ازيك يا جاسر، ازيك يا جوهرتي الغالية. مهره: أهلاً، جيت إمتى من فرنسا. فهد: أنا جاي عليكي على طول. جاسر: يلا بقى ما نمشيش الشركة النهارده. فهد: لا خلي مهره هنا، وهمشي أنا وأنت عشان عايزك في موضوع مهم. جاسر: ماشي يلا. في الشركة. فهد: أنا سمعت إنك دخلت في صفقة مع شركة الجرحي. جاسر: أيوه، الشركة معروفة في السوق.

فهد: معروفة بإيه بقى. جاسر: صاحبها راجل محترم وليه مكانته في السوق، وصفقة زي دي هترفع الشركة السوق. فهد: وأمضيت الورق ولا لسه يا جاسر. جاسر: أيوه، كل حاجة خلصت، والنهاردة في حفلة احتفالاً بالعقد الجديد. فهد: أنت عارف أنت حطيت إيدك في إيد مين. جاسر: مين ده. فهد: واللي أنت ما تعرفوش إن هو عايز ينتقم منك عشان بيقول أنت أخذت حاجة مهمة منه. جاسر: أنا عمري ما كنت أعرفه ولا لي تعامل معاه.

فهد: بص، إحنا لازم نعرف إيه هي الحاجة اللي أنت أخذتها منه، وفي الوقت ده لازم مهره والأولاد يكونوا في مكان آمن، أو يقعدوا في الفيلا الفترة اللي جاية. جاسر: خالص. فهد: قولي مين اللي جابه لك بالظبط، واللي مشي معك في الشراكة دي. جاسر: مراد. فهد: طب سيب لي بقى الموضوع ده، وأنا هجيب لك أول الخيط. جاسر: روح وخلي عليها الحراسة كتير. مهره: في إيه وليه الحراسة دي كلها. جاسر: يا حبيبتي أمان. مهره: في إيه يا جاسر قل لي.

جاسر: في شوية مشاكل، وفهد طلب مني أكثر الحراسة، بس يا ريت الأيام دي تاخدي بالك من الأولاد كويس. مهره: إن شاء الله خير يا حبيبي. وفعلاً بدأ فهد يبحث، لقى إن مراد ليه أكبر نسبة في الشركة دي، وإن هو رئيسها، والجرحي صورة بس. اتصل فهد بجاسر. فهد: هو أنت بينك وبين مراد حاجة. جاسر: لا، ما فيش مشاكل، صاحبي من زمان. فهد: طب أنت أخذت حاجة هو كان عايزها. جاسر: ما فيش، هو بس كان عايز يتجوز مهره.

فهد: يبقى هي دي الحاجة اللي أنت أخذتها منه، أنت لازم تخلي بالك من مهره، هي الهدف بتاعه، وأنا أي حاجة أعرفها هبلغك. جاسر راح عند مهره وأخذها في حضنه. مهره: في إيه يا جاسر، أنت قلقتني بجد. جاسر: يعني لما أنتِ بتوحشيني، أبقى كده بقلقك ههههه. مهره: وده من إمتى. جاسر: ده في كل وقت. وجاسر الأيام دي بيمشي شغله من البيت. ومراد جاء الفيلا عنده. مراد: ازيك يا مهره. مهره: إيه ده، ازيك يا مراد. مراد: إيه ده، أنتِ حامل تاني.

مهره: أيوه، ماشي. جاسر في المكتب. مراد: طب أنا داخل. مهره: تشرب إيه. مراد: طيب أي حاجة من يدك. مهره: ماشي حاضر، قهوة مظبوط. مراد: أنتِ لسه فاكرة. مهره: أه طبعاً. ومشيت مهره، وهو بيبص عليها بيقول لنفسه: هانت وهتبقى معايا، أنت لي أنا بس. ودخل على جاسر. مراد: إيه يا جاسر، ما بتجيش الشركة. جاسر: لا، أصل مهره تعبانة، فأنا قلت أقعد معاها في البيت، والشغل ماشي وكل حاجة تمام. مهره جابت القهوة. مهره: اتفضلوا.

مهره: أنت يا حبيبي جبت لك عصير. مراد: طب وليه تعبتي نفسك يا مهره. مهره: وإحنا هنتعب ليه، أغلى منك يا مراد. مراد: بجد أنا غالي. مهره: طبعاً، كفاية إنك صاحب جاسر حبيبي. جاسر: اتفضلي أنتِ يا حبيبتي، ارتاحي، وأنا هاخلص شوية شغل مع مراد. مشيت مهره، ومراد بيبص عليها. جاسر ماسك نفسه بالعافية، نفسه يقوم يضربه. خلصوا شوية الشغل وقام استأذن. مراد: أشوفك بكرة بقى يا جاسر في الشركة. جاسر: إن شاء الله.

وهو خارج قاعد يدور على مهره بعينه مش لاقيها، فخرج وماشي. اتصل مراد بالتليفون. مراد: النهارده هنخلص. مهره: جاسر حبيبي، أنت مش قلت هتقعد معايا، أنت سايبني وقاعد في المكتب. جاسر: فاضل شوية شغل صغيرين يا حبيبتي وخلص، ما تزعليش مني بقى يا حبيبتي، ولا أقوم أصالحك. مهره: لا لا يا عم، كفاية على بنتك قاعدة تضربني من الصبح، شكلها هتبقى عنيفة 🤔. جاسر: البنت دي هتبقى قمر زي مامتها.