رواية مهرة الجاسر الفصل السابع عشر 17 - بقلم جوري محمد

وعدت الشهور وجه يوم الولاده. الدكتور: الولاده هتبقى قيصريه لانها مش هتستحمل طبيعي وهنديها بنج نصفي عشان القلب. جاسر: اللي انت شايفه يا دكتور. أعماله المهم مهره تقوم بالسلامه. بيحضروا مهره العمليات ودخل جاسر. جاسر: مهره عايزك يا حبيبتي تتمسك بالحياه عشان ابننا. مهره: ما تخافش يا جاسر ان شاء الله ربنا هيكمل سعادتي واعيش معكم انت والبيبي. جاسر باسها من راسها. الممرضة: اتفضل اخرج يا جاسر بيه. ودخل فهد بلبس دكتور.

فهد: عاملة ايه يا جوهرتي الغالية. مهره: الحمد لله. فهد: على فكرة أنا هحضر معاكي العملية. مهره: وتقبلها على إن واحد مش جوزي ولا الدكتور بتاعي يدخل معي عملية قيصريه. ارجوك يا فهد اخرج. فهد: مهره أنا عايز أملي عيني منك. خائف لا تكون آخر مرة أشوفكم. مهره: بغض النظر عن فالك الوحش أنا إن شاء الله هاعيش عشان أولادي وجاسر. فهد: طب وأنا. مهره: أنت ملاك الحارس اللي ما ينفعش يكون غير كده. فهد: بس. مهره: أيوه. فهد: أيوه.

مهره: ما تتعبنيش بقى أنا داخل عملية ادعي لي يا فهد. فهد: على إن ربنا هيستجيب منك. رجل مافيا وهيستجيب منه ازاي يعني. بس ادعي وخلاص. فهد: أنت الشخص الوحيد اللي قلبه أبيض دخل حياتي. مهره: والله ما أنا عارفة من بختي الحلو ولا وحش. يلا كله نصيب. مهره: يلا يا عم اخرج خليهم يخلصوا. وبدأت العملية. مهره صاحية بس مش حاسة بحاجة لأنهم حاطين لها بنج نصفي. وبعد ساعة ونصف الأولاد خرجوا ومعهم مهره.

جاسر بيجري: إيه ده. حمد لله على سلامتك يا مهره. مهره: ما قلنا بلاش مهره دي. جاسر: ماشي. إن شاء الله. انت عارفة انت جايبة كم بيبي. مهره: اتنين. جاسر: لا يا مهره دول تلاتة. تلات توائم. مهره: اللهم صل على النبي. كانوا بيقولوا 2. انت متأكد إن الثالث تبعنا. جاسر: هههه يعني هيضحكوا علينا ويدونا واحد هدية. هههه. الدكتور: حمد لله على سلامتك يا مدام مهره. مهره: شكرا يا دكتور.

الدكتور: الحمد لله العملية نجحت من غير أي مضاعفات. بس لازم حضرتكم تاخذوا الاحتياطات اللازمة لأن ما فيش حمل يحصل إلا بعد سنتين على الأقل. فهد: يستحسن يكون ثلاثة أو أربعة. أو يحمدوا ربنا على كده. وده كان فهد. جاسر: وانت مالك انت. فهد: وأنا ما لي. ازاي دي جوهرتي. بدأوا في الشد قصاد بعض.

مهره: خلاص اسكتوا بقى. هو أنا قمت وربيت دول لما لسه هيجيب تاني. لما يجي وقتها يحلها ألف حلال. والله انتوا هتموتوني بخناقاتكم دي. اسكتوا بقى عشان أشوف هنسمي العيال إيه. جاسر: هو ما له هو. هاسمى العيال معانا ليه. مهره: أنا ما قلتش هيسمي معانا. أنا اللي هاساميهم خلاص. هم تلاتة. واحد اسمه على اسم باباك يا جاسر. والتاني فهد. جاسر: وليه بقى يا أختي. هو كل شوية هبقى مش طايق الولد.

مهره: ده طيب يا حبيبي افهم. لولا فهد دخل في حياتي ما كنتش اتعالجت من المرض اللي عندي. تعب نفسيتي جامد. خلى القلب كان هيقف. وهو اللي عملنا الفرح وقدمك لي. انت بس اللي حبيبي يا جاسر. بس بتبقى دايما في حاجات صغيرة تفرح غيرنا. لازم نعملها حتى لو تضايقنا. جاسر: ماشي يا حبيبي. مهره: والثالث إيه رأيك مراد. جاسر: نعم يا روح أمك. وده كمان عمل لك إيه بقى.

مهره: أنا بهرج. الثالث على اسمك يا جاسر. عشان أفضل أناديله وانت في الشركة. جاسر: ومين قال لك إن هاسيبك في البيت. انتي هتبقي معي في كل حتة. هاروح في الشركة غير الشركة. أنا مش ببقى أنا إلا وانتي معي. مهره: انتي عيوني اللي باشوف بها كل جميل. طب والأولاد يا جاسر. جاسر: أنا هاجيب لكل واحد فيهم مربية. ولا تقعدي انتي معهم وأنا اجيب مربية لي. إيه رأيك. مهره: انت شكلك هنادي فهد وهو يشوف لك صرفة. فهد: في حاجة يا جوهرتي.

مهره: انت كنت قاعد تسمع على الباب ولا إيه يا جدع. فهد: لا بس أنا سمعت إنك بتندهي. مهره: لا ما فيش حاجة. فهد: جاسر أنا مش عايزك تقلق على حياتكم مني. مهره بتحبك انت ودلوقتي انت عملت عيلة صغيرة. اعتبرني أنا خال العيال. أنا عارف إنك صعب تصدق كلامي. بس أنا وعدت مهره إني عمري ما هاكون عائق في حياتكم. جاسر: أهلا وسهلا بك يا خال عيالي. مهره: الله ينور عليكم انتوا الاتنين. خايفه لا تتحسدوا.

الممرضة: يلا مدام مهره عشان تاخذي العلاج. مهره: روحي انتوا اتفرجوا على الأولاد في الحضانه. وبعد كده مش عايزة إزعاج منكم خالص. وعدت الأيام ومهره خرجت من المستشفى. ولقت فهد في الفيلا مزينها وعامل حفلة كبيرة لاستقبال مهره والأولاد. جاسر: إيه ده فهد باشا. انت إزاي دخلت الفيلا وعملت كل ده. فهد: عيب عليك. ده أنا فهد. اطلعوا انتوا اجهزوا للحفلة وكل حاجة تمام.

وفعلا الحفلة بدأت وكل فرحان. وفهد كان عامل مفاجأة للمهره وجايب سلسلتين. واحدة مكتوب عليها اسم جاسر والأولاد. والتانية للجاسر مكتوب عليها اسم مهره والأولاد. وكل ولد من الأولاد جايب له سلسلة مكتوب عليها اسم مهره وجاسر. عجبت مهره جدا. مهره: شكرا لك يا أخويا العزيز. فهد: دي حاجة بسيطة يا جوهرتي.

وكل كان فرحان بالتوائم الثلاثة. وعدت الأيام والأولاد بدأوا يكبروا وعندهم خمس سنين وبيجروا يلعبوا في المكتب بتاع جاسر. وقع الورق على الأرض. جاسر: مين فيكم اللي عمل كده. كل واحد منهم بيشاور على الثاني. جاسر: خد ياض يا فهد. انت اللي مستفز فيها. فهد الصغير: ما تقولش ياض. جاسر: بس مين يا حبيبي اللي عمل الورق ده. فهد الصغير: كنا بنلعب. عاجبك ولا مش عاجبك. دخلت مهره. مهره: في إيه يا حبيبي. بس مزعل العيال ليه.

جاسر: شايفة يا مهره. الورق بهدله الأستاذ فهد. مش عاجبه بيقول لي بنلعب. مهره: خلاص بقى يا حبيبي. أنا عندي مفاجأة حلوة. جاسر: إيه يا حبيبتي. مهره: أنا حامل. إن شاء الله المرة دي ها تكون بنوته. جاسر: بجد يا بيبي. مهره: أيوه بجد. أنا لسه جاية من عند الدكتور وقال لي كله تمام. عيلتنا هتكبر تاني. وشوية وفهد دخل. جاسر: مين اللي بيزعق. فهد: أنا يا أستاذ. اللي سمعته ده صحيح. جاسر: إيه اللي سمعته. فهد: إن مهره حامل.

جاسر: يا عم طب وانت مالك. فهد: إحنا مش اتفقنا ما فيش حمل تاني. مهره: بس حصل. فيها إيه يا فهد. فهد: فيها إن انت مش بتحافظي على صحتك. مهره: بس أنا اللي عايزة كده. مش جاسر. أنا عايزة العيلة بتاعتي تكبر. راح كسر. فهد: ألفاظه. على فكرة أنا هأتصرف يا مهره. مهره: أوعى تعمل حاجة. والله لو عملت حاجة عمري ما اسمح لك تدخل حياتنا تاني. فاهم يا فهد. وسابتهم طلعت فوق.

فهد: انت مش بتقول إنك بتحبها يا جاسر. ليه بتسيبها تعمل في نفسها كده. جاسر: أنا اتفاجئت زي زيك. ربنا إن شاء الله هيجيب خير. مشي فهد وسابهم. مش عارفين فهد هيعمل إيه ومهره هتسكت له وجاسر. يا ترى هيستحمل اللي جاي.