رواية مهرة الرحيم الفصل الرابع 4 - بقلم شهد احمد

أبو مهره. لو بنتك اللي اتعمل فيها أكده ي أبو رحيم، انت مكنتش سكت. وانت يلا طلق بنت رحيم. وأنا هاخد ابني الأول وبعدين ابقا أطلقها. أبو مهره. وأنا بنتي مش هتقعد معاك دقيقة وحدة، وطلق بنتي. من الأفضل ليك، قول حاجة لابنك ي أبو رحيم. أبو رحيم. ضرب رحيم بالقلم وقال: انت اتجننت! انت إزاي تتكلم مع عمك بالطريقة دي؟ وبعدين عايز تطلق مراتك وتاخد ابنك؟

ابنك ده انت كنت هتقتله بإيدك ي رحيم، فوق بقا. انت مش هتلاقي أحسن من مهره تكون زوجة ليك. رحيم. بقا بتضربني ي أبويا علشان واحدة زي دي؟ وأحسن زوجة ليا؟ في أي، زيها زي أي واحدة ممكن إني أتزوجها ي أبويا. الممرضة. المريضة فاقت. أبو مهره. سبهم ودخل لبنته وقال: كيفك ي بتي؟ عاملة إيه؟

مهره. أهي أهي موجوعة أوي ي أبويا. شوفت آخرة أجبرك ليا إني أتزوجه، بهدلني ي أبويا. والله ما كان قصدي، ولا كنت أعرف إنه فيه رجالة في البيت وهو مقليش ي أبويا إنه عامل اجتماع كبارات الصعيد في البيت. أبو مهره. اهدي ي بتي، هجبلك حقك وهخليه يطلقك. رحيم. دخل وقال: طلاق مش هطلق، وهاخد ابني يتربى معايا. مهره. بصدمة. ابنك؟ رحيم. أيوه ابني اللي انتي حامل فيه. مهره. حامل؟ وحطت يدها على بطنها وقالت: ابني؟

يعني انت كنت هتقتل ابني كمان من قبل ما أشوفه أو أعرف إنه موجود أصلاً. أبو مهره. لو عايزة تبلغي عنه بأنه ضربك وكان هيموتك ويموت ابنك، هنعمل محضر ونبلغ عنه وهنطلع لكِ إثبات حالة من المستشفى بحالتك. رحيم. انت بتقول إيه؟ أبو رحيم. انت اخرس خالص فاهم؟ وسبني أصلح اللي انت هببته. هيا معاها حق تبلغ عنك ومعاها إثبات، وانت هتدخل السجن وابنك اللي بتقول عايز تربيه ده، هيا اللي هتاخده وهتربيه لو دخلت السجن.

وقال: مهره ي بنتي، حقك عليا أنا آسف بالنيابة عنه، ووعد مني مش هخليه يقرب منك، بس متبلغيش عنه، وارجعي معانا البيت ي بنتي وخلي ابنكوا يتربى وسطكم. مهره. لا ي عمي، رجوع تاني للبيت ده، أنا مش راجعة. وأنا قررت أبلغ عن ابنك باللي عامله معايا، كفاية إهانة وبهدلة. من ساعة ما اتجوزنا، هو زي ما اتجبر إنه يتجوزني، أنا كمان اتجبرت إني أتزوجه. ذنبي إيه أنا علشان يعمل معايا كل ده؟

أنا آسفة بس مش هقدر أستحمل ابنك مرة تانية. في الوقت اللي كان بيبهدلني فيه، كنت بعامله أحسن معاملة لأنه في الآخر زوجي. بس خلاص، كفاية لحد كده. أنا تعبت منه ومن تصرفاته. أنا مش مجبورة إني أستحمل جوازي منه أكتر من كده. رحيم. انتي بتقولي إيه ي بت انتي؟ انتي اتجننتي ولا إيه؟ تبلغي عن مينا؟ أبو مهره. خود ابنك ي أبو رحيم واتفضلوا امشوا من هنا. رحيم. وأنا مش هسيب ابني. أبو رحيم.

شد رحيم وقاله: يلا تعالي معايا، وخرجوا الاتنين من المستشفى. بعد ما رحيم مشي هو وابنه. أبو مهره. أنا صحيح وافقتك بأنه هنبلغ عنه، بس هو يومين ويطلع. يكون اتربى علشان ميعملش كده معاكي مرة تانية. وكنت بتهدده بأنه هناخد ابنه ونحبسه، بس طلاق انتي مش هتطلقي، انتي سامعة؟ أنا هصرف عليكي ولا على أخواتك ولا على ابنك اللي جاي. المصاريف كتير، وجوزك أولى بأنه يربي ابنه ويعيشوا أحسن عيشة. إحنا هنهدده بس مش أكتر.

مهره. كانت بتسمع وهيا مصدومة. انت بتقول إيه ي أبويا؟ أبو مهره. اللي سمعتيه. إحنا معندناش بنات تطلق وتسيب بيت جوزها، انتي فاهمة؟ وكلها كام يوم وترجعي ليه تاني. مهره. بحزن. وأنا اللي فكرتك هتقف معايا ي أبويا، وبعد ما أهانني وقال إني مش متربية وضربني وكان هيموتني. أبو مهره. مهره. بصدمة أكبر. يا ترى أبو مهره قال إيه ل مهره؟ ويا ترى رحيم هيعمل إيه مع مهره؟