رواية مهرة فارس الصعيدي الفصل التاسع 9 - بقلم رنا احمد

في غرفه فارس ومهره. كانت تقف مهره بصدمه ودموع لا تتوقف. لتتحدث بوجع ومراره: / انت بتتكلم جد ي فارس؟ هي وصلت لكده؟ فارس بغيظ: / ايوه وصلت لكده. كفايه اختي والظلم اللي حصل فيها وبيحصل. مهره بدموع وانهيار: / والي حصل فيا انا واخويا علي ايد ابوك مكنش ظلم. موت ابويا وامي واتشرددنا في الشوارع. وخالتي وجوزها والي عملوه فيا مكنش ظلم. ولا هي علشان اختك ومن دمك؟ فارس بوجع وعشق حقيقي: / انتي كمان من دمي ي مهره.

مهره بدموع وانهيار: / كدب ي فارس كدب. لو كنت فعلا حبيبتك مكنتيش قسيت عليا اوي كده. انت وعدتني انك تجبلنا حقنا. هاتوا وطلقني وانا اوعدك مش هتشوف وشي تاني. وهخلي أحمد يطلق رشا. عن اذنك. فارس بضيق لكلامها وبعدها الي مستحيل يقدر عليه: / رايحه فين؟ مهره بدموع ووجع: / نازله المطبخ. مش الخدامين بيناموا في المطبخ برضه؟ فارس وهو يمسكها بلهفه واشتياق ليحتضنها: / متنزليش. انا مقدرش ابعد عن حضنك ابدا. مقدرش. مهره

بدموع وهي تشدد من احتضانه: / ارجوك ي فارس ارجوك متعملش فيا كده. انا مش عايزه من الدنيا دي غيرك. وصدقني أحمد مش وحش ومستحيل يأذي رشا. انا متأكده ي فارس. فارس بابتسامه ساحره: / طب بقولك ايه. انا نكدت عليكي باين. يبقا لازما تتدلعيني وتروقي عليا كده. مهره بغيظ شديد: / ي عني انت الي مزعلني وعايزني اني ادلعك؟ فارس بابتسامه وغمزه: / لا. مانا هدلعك بعد كده. بس الدلع بتاعك ده نفسي فيه جوي جوي. عايزك ترقصيلي.

مهره وهي تحتضنه بعشق: / بس كده. امرك ي سيد الناس. ليعيشوا ليله ملئيه بالعشق والجنون. ********************. في شقه احمد. كانت تجلس رشا بدموع لا تتوقف. وشهاقتها تملأ المكان. فهي صغيره. هل ما تعيشه؟ احمد وهو يضع أمامها الاكل: / كلي. انتي مكالتيش حاجه من الصبح. رشا بدموع وغضب: / مش عايزه اكل ومش عايزه منك حاجه واصل. سبني في حالي. كفايه الي عملته فيا لحد كده. بدل قسما هقتلك بقا. احمد بابتسامه:

/ مش شايفه انك صغيره شويه علي الكلام ده؟ تقتلي جوزك ي وليه؟ ده كلام؟ رشا بدموع وشراسه: / لا مش صغيره. واقدر اعمل اكتر من كده. احمد بعصبية: / طبعا. مانتي بنت هاشم. اسمعي ي بت انتي. انا الدلع ده ميمشيش معايا. إذا كنتي مدلعه في بيت ابوكي. فعندي هنه موضوع تاني. واخلصي كلي علشان تنامي شويه وتقومي تذاكري. ولا ناسيه أن عندك امتحانات؟ انا عايزك تتطلعي الأولي. فاهمه ولا لا؟ رشا وهي تمسح دموعها بخوف: / حاضر. ربنا يسهل.

لتسير الي الداخل تحت ابتسامته التي تحمل الكثير والكثير. *******************. في غرفه فارس ومهره. وهما في احضان بعض. مهره بابتسامه: / تعرف ي فارس؟ نفسي جوي نبعد عن كل الدنيا. نعيش في دنيا انا وانتي بس اللي فيها. مش عايزين مشاكل ولا وجع ولا فراق ي فارس. فارس بابتسامه ساحره: / وانا نفسي في كده جوي ي مهرتي. نفسي اخطفك من الدنيا والي فيها. بحبك ي مهره. بحبك جوي. مهره وهي تحتضنه بعشق:

/ وانا بعشقك ي نور عين مهره من جوه ي فارسي. *******************. في مكتب هاشم. كان يجلس بجنون من فشل مخططه مع مهره. ليسير سالم بضيق شديد: / خير ي عمي؟ طلبتني. هاشم بحده: / جرا ايه ي واد ي سالم؟ سياده المحافظ بيشتكي من معاملتك لبنته. جرا ايه يالا؟ هي هبت منك ولا ايه؟ انا مش مفاهمك الحوار كله. سالم بضيق: / عايزني اعمل ايه اكتر من اللي بعمله ي عمي؟

الست دائره مع كل شاب. شويه رقص هنا وهنا وسجاير وخمره كمان. وانا متنيل وساكت. ايه هنزل المطبوقة كمان ولا ايه؟ مش فاهم. هاشم بحده: / ي ياض ي اهبل دي وحيده ابوها. كل ده في الآخر هيبقا بتاعك. واديك شايف خدنا كام لحد دلوقتي من وراء الجوازة دي. ولا مخبرش رصيدك بقا دلوقتي كام؟ اعقل كده ي سالم. فارس وهو يسير للداخل بحده: / أبا. انا عايز ارجع مدير للشركات المجموعه من تاني. هاشم بسخرية: / ليه ان شاء الله؟

مش قولت ميهمنيش اي حاجه طالما الست مهره معاك. فارس بحده: / مهره ملهاش أي علاقه بالموضوع ده. المجموعه دي انا اللي بنيتها من اول طوبه. وانا أحق بيها من اي حد. لمؤاخذه ي سالم. سالم وهو بغمز لهاشم بخبث: / وانا مش عايز الاداره دي. انا فاضي ي عمي. فارس أحق بيها. هاشم وهو يحدث ذاته: / فارس مجنون وممكن يبوظلنا كل حاجة. احسن اسكته واشغله بأي حاجة. اللي جاي مش سهل واصل. احمم تعال وماله ي فارس. بس اقعد نتكلم شوي. سالم بابتسامه:

/ تمام كده. انا طالع أنام. عن اذنكم. هاشم بغيظ: / عامل ايه انت ومراتك. فارس بابتسامه خبيثه: / زين جوي ي ابوي. بنموتوا في بعض. دي مهره الفارس. *******************. في ممر الغرف. كان يسير سليم الي غرفته. لينتبه الي صوت دموعها. ليسير الي غرفتها سريعا. لتقف هي أمامه بغضب. رحمه بغضب شديد وكره: / انت ايه اللي دخلك هنه؟ اطلع بره. سالم باستغراب: / مالك ي رحمه؟ فيكي ايه؟ رحمه بدموع واحتقار: / وانت مالك فيا ايه؟

جاي تسألني دلوقتي مالك فيكي ايه؟ بعد ما دمرت حياتي. بعد ما خلتني واحده خاطيه. دمرت شرف ابويا واخويا. سالم وهو يمسكها بعصبيه: / متقوليش علي نفسك كده. سامعه ولا لا؟ رحمه وهي تندفع يده بغضب: / مش انت بنفسك اللي قايل كده؟ طلقتني ورمتني. ولا كاني كلبه. بس انا عايزة اعرفك اني شطبتك من حياتي كلها. روح روح للبنت الوزير اللي كالت عقلك بفلوس ابوها. مانت فعلا واحد رخيص. ********************. صباااحا. في الاسفل.

كانت تسير مهره في احضان فارس. لتتحدث صالحه بغل وغيظ: / جرا ايه ي سيد الرجاله؟ هي دي برضه المفروض معاملتك ليها بعد اللي اخوها عملوه في اختك؟ مهره بقوه وثبات: / بنتك هتعيش معززه مكرمه مع واحد يستاهلها وهيشيلها في عيني. بوعدك. فارس بجديه: / اللي حصل حصل ي أما. ورشا متجوزتش أحمد غصبن عنها. ده كله برضاها. ملك بابتسامه: / مش يمكن تكون حبته بجد؟ الحب ده حلو جوي جوي. صالحه بغضب: / وانتي هتجيبي فارس ابني للجربوع ده ي ملك؟

ملك بسخرية: / انا بتكلم في العموم ي مرات عمي. ولعلمك انا مقصدتش فارس بكلامي. الكل عارف ان جوازي انا وفارس كان جواز مصلحه. لأنا عمري حبيت فارس ولا هو كمان عمره حبني. عن اذنكم اروح الشغل. صالحه بغيظ لهاشم: / هاشم انت هتسيب البت كده مع الواد ده؟ انا عايزة بنتي. مهره باستفزاز لصالحه: / بنتك خلاص بقت في عصمه راجل ي حماتي. صالحه بغيظ: / جاتك حمه تشيلك. فارس بجديه: / انا هروح الشركه ي ابوي. مهره وهي تقبله في خده بمكر:

/ متتأخرش عليا ي نور عيني. بتوحشني جوي. فارس بابتسامه وهمس: / طب خفي السهوكه دي بدل ما نطلع فوق ومهروحش في حته واصل. وانتي خابره. مهره بضحكه عاليه: / ههههههه. براحتك. انا كلي ملكك ي حبيبي. هاشم بغيظ شديد: / انا رايح اشوف الأرض بدل الدلع الماسخ ده. ***********************. في الجنينه. كانت تجلس رحمه بدموع. لتقترب منها مهره بقلق: / رحمه مالك؟ بتعيطي ليه كده؟ رحمه وهي تمسح دموعها سريعا: / مفيش حاجة ي مهره. مخنوقه شويه.

مهره وهي تربت علي كتفها بحنان: / رحمه اعتبريني اختك. احكيلي. وحياتك عندي مافي حد يعرف حاجة واصل. انا حساكي شايله هم كبير جوي. رحمه بدموع واحتياج: / هقولك ي مهره. لاني محتاجه اتكلم معاكي اوي. بعدما قصت رحمه كل شي ل مهره. مهره بدموع وصراخ: / ي نهار أسود. ي نهار أسود. ي رحمه انتي تعملي كده؟ معقول؟ رحمه بدموع وحسره: / اه ي مهره. قلبي وجعني اوي. رخصت نفسي لواحد ميستهلش. ورمت شرف اخويا تحت رجليه. مهره بوجع:

/ واشمعنا اخوكي وناسيه ابوكي؟ رحمه بوجع ومراره: / هاشم القناوي عمره ما كان ابويا ي مهره. ولا ابو أي حد فينا. طول عمره مفيش في دماغه غير الفلوس وبس. لحد ما ضيعنا. المهم دلوقتي انا عايزة انتي تساعديني في حاجة. انا عايزة انزل اللي في بطني. مهره بحده: / بطلي جنان ده. ليمكن يحصل. انتي لازم تعرفي فارس وتتجوزي انتي و سالم وتربوا ابنكم. رحمه بصراخ وشراسه: / مستحيل ي مهره. فاهمه؟

مستحيل اتجوز الحقير ده. ولا اخلف شيطان زيه. مستحيل ي مهره. مستحيل. ابوس ايديك ساعدني. لو تعرفي واحدة تساعدني أنزله. مهره بدموع ووجع: / اعرف دكتوره معندهاش دم ولا ضمير ممكن تساعدك. بس علشان خاطري فكري تاني ي رحمه. رحمه بقوه وثبات: / انا فكرت خلاص ي مهره. هنزله وامسح سالم من حياتي نهائي. وابدأ حياة جديدة. ********************. في الشركه. في مكتب فارس. كان يمسك فارس تلك الأوراق بابتسامه انتصار. فقد أعاد الحق لأصحابه.

ليتحدث: / اخيرا قدرت احقق اللي نفسي فيه. ومهره واحمد رجعلهم حقهم. ورينا يقدرني بقا علي مواجهة ابويا. *******************. في شقه احمد. كانت تجلس رشا بعدما انهت مذاكرتها. ليقترب احمد منها بذلك العصير الفرش: / خدي اشربي. عصير المانجه ده هيعجبك اوي. رشا بضيق: / شكرا. مش عايزه. احمد بزهق: / وبعدين معاكي بقا. وانتي هتفضلي قاعده بالحجاب واللبس المتكتف ده. رشا بضيق:

/ ايوه هفضل كده لحد ما أمشي من هنا. فارس وعدني أنه هيرجعلك حقك من ابويا. وساعتها هتتطلقني غصبن عنك. / انتي ملكي. ومحدش هيقدر ياخدك مني ابدا. ولو انتي قصاد الفلوس. يبقا هحرق الفلوس كلها قصاد عيونك. علشان تكوني في حضني والمس شفايفك العسل دي. ********************. في غرفه سالم. كان يرتدي ملابسه للذهاب الى الشركه. لتأتي علي هاتفه صور خليعه ل علياء خطيبته وتعليقات من الشباب الساخره منه. ليتحدث بضيق وغضب:

/ لحد كده كفايه اوي. ملعون أبو الفلوس اللي تيجي بالذل ده. ليسير الي الاسفل. لينصدم من ذلك الشخص الغريب الذي يجلس مع هاشم. هاشم بجديه: / تعال ي سالم ي ولدي. ده الدكتور إسلام جاي يطلب إيد رحمه. سالم وهو يشعر بقلبه ينزع من مكانه ليتحدث بصدمه: / بتقول ايه ي عمي؟