رواية مقابلة غيرت حياتي الفصل العاشر 10 - بقلم سامية احمد

ملك راحت عند أهلها. أول ما خبطت عليهم، أم ملك قالت: "ملك حبيبتي، وحشتيني أوي. كده أهون عليكي كل الفترة دي متسأليش عليا غير مرتين تلاته بس؟ ملك: "معلش يا حبيبتي، شغل بقا." محمود أخو ملك: "وحشتيني يـ ملك." هاني أخو ملك برضه: "ليكي وحشة يـ ستي والله." ملك: "وإنتو كمان وحشتوني أوي." ملك: "إيه رأيك في الشقة؟ معرفتش رأيك فيها، كويسة صح؟ فايزة:

"نعمة من ربنا والله يـ ملك. وكمان أستاذ أحمد نقل أخواتك مدرسة قريبة من هنا ومدرسة كويسة كمان. وكمان أبوكي اشتغل، عنده فـ الشركة، مانتي عارفة أبوكي بيفهم فـ الحسابات." ملك بحزن: "هو أحمد عمل كل ده؟ فايزة: "أيوه يـ ملك." عدى أسبوع وكل واحد بيشتاق للتاني أكتر. أحمد فهم وأدرك إنه ميقدرش يبعد عن ملك، لأنه خلاص بيحبها. بيحبها. دي قليلة، ده بقا يعشقها.

وملك كمان مش عارفة تعمل إيه. تصمم على الطلاق ولا ترجع لأحمد وتعرف أمها على كل حاجة. وهالة اللي كل يوم بتسأل على ملك ومستنية إنها تيجي. بخصوص مرض هالة: ماشية على العلاج وبتتحسن عن الأول. *** عند أحمد وهالة. هالة: "ملك مجتش ليه يـ أحمد؟ كل ده عند أهلها؟ إحنا موحشينها ولا إيه؟ أحمد: "معلش يـ ماما، أصل مامتها تعبانة شوية، هي قاعدة جنبها." هالة: "طيب هي هتيجي قريب؟ أحمد: "مش عارف والله يـ ماما." هالة:

"شكلك مزعلها يـ أحمد. أوعى تكون زعلتها." أحمد: "لا والله يـ ماما." هالة: "أومال إيه؟ أحمد: "ملك يـ ماما." هالة: "مالها يـ أحمد؟ في إيه؟ قلقتني." أحمد حكى لهالة على كل حاجة من أول يوم لحد الآن. هالة: "طيب هنعمل إيه دلوقتي؟ إنت مش معقول هتطلقها." أحمد: "هي عاوزة كده يـ ماما." هالة: "بتحبها يـ أحمد؟ أحمد سكت. هالة: "لو بتحبها قولها ومتخليهاش تروح من إيدك." أحمد: "بحبها يـ ماما، بس هي شكلها مش بتحبني." هالة:

"لا يـ أحمد، شكلها بتحبك. بلاش تسيبها." أحمد: "ربنا يسهل." *** عند ملك وفايزة. ملك: "أنا كنت عاوزة أقولك حاجة يـ ماما." فايزة: "خير يـ ملك، في إيه؟ أصلًا من ساعة ما جيتي وإنتي شكلك فيكي حاجة." ملك: "أنا مكنتش بشغل، أنا اتجوزت يـ ماما." فايزة: "بتقولي إيه؟ ملك: "اتخطبت يـ ماما." فايزة: "إزاي ومن غير ما نعرف؟ إنتي اتجننتي؟ قاطعهم دخول عبدو. ملك أول ما شافت عبدو: "ماما أوعي تقولي له حاجة." عبدو:

"ملك وحشتيني يـ بنتي. إيه الغيبة دي كلها؟ ملك خدته بالاحضان: "وحشتني أوي يـ بابا." عبدو: "إنتي أكتر والله يـ بنتي." فايزة: "يلا عشان ناكل. الأكل اتعمل، تعالي يـ ملك، خدي مني الأكل حطيه على الطبلية." ملك: "حاضر يـ ماما."