رواية مكالمة الفصل الأول 1 - بقلم زهرة هشام

بصت لها أكثر من مرة بقلق ونطقت: هو لازم أعمل كده؟ أنا خايفة. خايفة من إيه يا جنى؟ دي مكالمة! فرقعت أصابعها بتوتر: مش عارفة، مش عارفة بجد. مسكت إيديها بحنية تطمنها: حبيبتي اهدي كده، كل اللي عليكي أي رقم وقولي له بحبك والموضوع هيخلص يا حبيبي، يلا أنا معاكي أهوه. تنهدت وهزت رأسها بيأس وكتبت أي رقم عشوائي وضغطت على الاتصال. حطته على ودنها وهي باصة لصاحبتها "مريم". ثواني وسمعت صوت بحة راجل أثر نومه: الو. تنهدت ونعّمت صوتها لرقيق أكتر: بحبك. وقّفلت في وشه، ووقّفلت التليفون عشان ميرنش، وهي باصة لمريم: هو أنا بجد عملت كده؟ بملل: خلاص يا جوجو، مكنش بالحاجة الكبيرة، المهم قوليلي صوته حلو؟ تاني يوم وهي واقفة قدام الكلية مع صاحبتها سمعت حد بينادي عليها: آنسة جنى. لفت له باستغراب وقربت شوية له: نعم حضرتك بتناديلي؟ بابتسامة هادية: أيوه… سكت شوية واتنهد… الأ قوليلي يا آنسة جنى هو حلو لما تتصلي على الناس في نص الليل كده. بصت له بعدم استيعاب: قصدك إيه؟ بسخرية: إيه مش فاكرة مكالمة امبارح في نص الليل دي بتقوليلي بحبك وقفّلتِ على طول.