رواية مكانك الفصل العاشر 10 - بقلم ريتال احمد

اياد بصدمة: نعم انت بتقول إيه وفين لوجين؟ جاد بسرعة: خليكي قدام المحل واحنا جاين. اياد وجاد راحوا بسرعة وطلب اياد مراجعة الكاميرات. لقوا إسماعيل رش حاجة وداخت، فشلها وقال إنها خطيبته ومشي بيها ولا كان حاجة حصلت. اياد بعصبية: ابن ال... ورحمة أبويا ما هسيبه. لوجين برعب على جيهان: طب هنعمل إيه دلوقتي؟ لازم نشوف هيا فين قبل ما يعمل فيها حاجة.

جاد: نراجع كل الكاميرات، الكاميرات اللي قدام المول واللي قريبة من المول ممكن نوصل لأي حاجة. وفعلاً بدأوا يراجعوا كل الكاميرات. عند جيهان، فاقت لقت نفسها على سرير. قامت بفزع، لاقت إسماعيل بيدخل وعلى وشه علامات الخبث. إسماعيل بخبث ووقاحة: كسبت الرهان أنا كده يا جميل، وماله. أدلع وأدلع الرجالة بعد كده بقى، أوديكي للبوص يدلع هو كمان. جيهان برعب: بوص مين؟ وأتدلع إيه؟ ورجالة مين اللي يتدلعوا؟

قاطعهم دخول مجموعة شباب مرة واحدة. قال واحد بضيق: كسبت أه، بس مش ليك لوحدك. كلنا مع بعض. إسماعيل بضيق: أنا اللي جبتها. واحد من الشباب: هنحور على بعض يسطا، ما إحنا كنا معاك وظبطنالك الدنيا. قرب منه وخبط على كتفه: متبقاش طماع كده، أومال وفكر في أخواتك!! إسماعيل حك دقنه: أخواتي أه!

وجاب فازة خبطها في الشاب اللي جنبه، وضرب الاتنين الباقيين، وشدها بسرعة حدفها في العربية وسط صريخها، وطلع بيها في طريق ضلمة. وصلوا، دخلها مخزن، حدفها على الأرض، وبدأ يقرب منها وهو بيفك زراير القميص. عند جاد واياد. حط اياد إيده على دماغه بتعب واتكلم بعصبية: ما إحنا مش هنفضل كده كتير، ولازم نتصرف. هنعمل إيه في المصيبة دي؟ لوجين بسرعة وافتكرت حاجة: أنا كنت مجربة أبلكيشن كده بيربط التليفونات مع بعض عشان نعرف المكان.

جاد بتساؤل: وكنتم رابطين التليفونات ليه؟ اياد بعصبية: وده وقته؟ اخلصوا، أما نشوف هنعرف نحدد مكانها ولا لأ! عند جيهان. الباب اتفتح جامد قبل ما يقرب منها. وقال واحد: البوص عايزك يا إسماعيل. وطلعوا. جيهان بعياط: مش فاهمة حاجة، مش فاهمة حاجة. طب أعمل إيه؟ دورت على التليفون بتاعها، لقتوا معاها. فرنت بسرعة على لوجين. لوجين: دي جيهان. لوجين فتحت بسرعة. جيهان: الحقينيييي! الحقوني ونبي! واتقطع الاتصال.

اياد بسرعة: بس هنحدد مكانها من المكالمة. وفعلاً رن على واحد صاحبه، وقدروا يعرفوا مكانها. عند إسماعيل. قال البوص: في شحنة لازم تروح تستلمها دلوقتي. إسماعيل بتوتر: طي ينفع أخلص بس اللي في إيدي يا كبير، وبعدين أستلمها. البوص: وإيه اللي في إيدك عايز تخلصوا؟ إسماعيل: بت. وغمز. البوص: امممم. لا يا حبيبي استلم وتعال شوف عايز تعمل إيه.