رواية مكانك الفصل التاسع 9 - بقلم ريتال احمد

مشت لوجين وهيا مبسوطة بس خافت وحست أن هند مش عازاها. الدكتور وكشف عليها وقال: صدمة عصبية تقريباً حاجة مزعلاها جداً، ياريت محدش يزعلها. جاد بوجع وأفكار كتير وحيرة: يعني إيه؟ الدكتور بخبث: محدش يزعلها والي هيا عاوزاه يتنفذ وبلاش تكتروا كلام معاها. معتز بص عليه وهوا فاهم أن الي حصلها بسبب أنها مش عاوزة لوجين. مشي الدكتور، وقال جاد بصوت أجش: أحم أنا هروح يا بابا بعد إذنك. معتز هز راسه ومشي.

جاد دخل غرفته، حط إيده على وشه بتفكير وحزن، ولا مرة نزلت دمعة منه. ((لو قال لي أحداً من قبل أنني سوف أبكي من أجل شخص لقلت أنها نكتة، ولكن ماذا أفعل فقد أحببتها! معتز قرب من هند وباس راسها وراح غرفة جاد. خبط الباب بس جاد مردش، فدخل لقاه ماسك دماغه ودمعة على خده. معتز قرب منه وحط إيده على كتفه: لو بتحبها هتسعى وهتعافر عشانها وعشان توصلها وتكون ليك واسمها يرتبط باسمك. جاد بحزن شديد: وأمي؟ ورفضها؟

معتز: قوم صلي ركعتين وادعي، وهتتحل من عند ربنا بإذن الله. (وطبعاً كان مترتب لكل ده من قبل هند مع الدكتور) عند لوجين، روحت وهيا مبسوطة جداً وفضلت تسمع أغاني. فتحت تشوف تصاميم فساتين علشان تشوف هتلبس إيه في خطوبتها والثيم هيكون إزاي. وتاني يوم في الشركة، قاعد جاد بحزن وهوا شايل الهم. دخلت لوجين بفرحة، وأول ما شافها ابتسم رغم وجع قلبه.

لوجين بحب وفرحة: أهلك عسل أوي وطنط كمان. أهلي قالي أقوله يا بابا. تعرف أنا مبسوطة أوي أوي بجد، أنت العوض أكيد. أحم بحبك أوي. جاد بفرحة: قولتي إيه؟ لوجين بتوتر: بقول يعني أن أهلك عسل. جاد بغمزة: الكلمة الأخيرة. لوجين بتوتر وكسوف: بس أنا نسيت يا جاد. جاد بدأ يغني برومانسية: (العب اجادوا جمدانك اجدع) نفسي لو لي مرة تعترف ليا مرة مرة مرة وتقول يا حبيبي حبيبي بصوت ياااه لوجين بكسوف ضحكت وهيا بتبص عليه بحب. جاد كمل غنى:

قول يا روحي يلا يلا يلا قول مين الي خلى خلى خلى عقلي وانشغالي وعقلي وروحي معااااه لوجين اتكسفت وضحكت أوي. جاد وكمل وبدأ يغني وهوا بيطبل على المكتب: ضحكت ياعني قلبها مال وخلاص الفرق ما بينا اتشال. وسكت. وغمز: إيه صوتي عجبك. لوجين بكسوف وحب: أه أوييي. جاد غمز: مش ناويه تعترفي؟ لوجين وبتوه في الكلام: أحم مستر جاد في شغل كتير جداً. يلا يلا. جاد ضحك عليها وبدأوا شغل.

عند جيهان، رنت على لوجين وقالت إنها هتيجي الشركة علشان يتحركوا مع بعض يعملوا شوبنج. وفعلاً راحت جيهان. في الشركة، جيهان لسه بتدخل، دخلت شافت أياد في وشها، اتوترت. أياد قلبه دق، ف قرب منها وقال وهوا بيمد إيده يسلم عليها: أهلاً ازيك يا جيهان. جيهان بكسوف: بخير الحمد لله. حضرتك عاملة إيه. أياد ضحك: حضرتي؟!! أنتِ رسمي كده ليه يا بت. جيهان بصدمة: بت! بت أما أقول حضرتك.

أياد بيهرش راسه: أحم هوا أنا اتهزأت بالزوق والاحترام ولا إيه. جيهان حاولت تمنع ضحكتها بس ضحكت جامد. أياد صفر: أوبا بقاااا. إلا صحيح أنتِ إيه جايبك. جيهان بصدمة: إيه جايبني؟ هوا حضرتك دبش كده ليه؟ أياد: أقصد يعني جايه ليه؟ عاوزة إيه يعني. جيهان بقرف: جايه لي لوجين بعد إذنك بقى تطلع لها. أياد بيتلكك

علشان يطول معاها كلام: طب استني أحم نطلع مع بعض طيب. ده أنا كمان طالع. بعدين أنتِ هتدخلي المكتب عليهم كده دول كبلز يا ماما متكونيش قطاعة أرزاق. جيهان بصت له من فوق لتحت ومشت للانسانسير ودخلت، ودخل وراها. في المكتب عند لوجي و جاد، قال جاد: ها خلصنا بقى من جو الشغل ده. جيهان بضحك: مالك يا جوجو. جاد بصدمة: جوجو؟!! جيهان ببرائة: إيه بدلعك. جاد: جوجو دي تقوليها لواحدة صاحبتك. جيهان بقمص: ماشي.

جاد: بس أنتِ تقولي الي أنتِ عاوزاه يا باشا. وغمز. نسيبهم في رومانسيتهم والمحن ده ونروح لي أياد و جيهان. طلعوا وطلعت جيهان التلفون علشان تبلغ لوجين أنها وصلت، بس قال أياد. لا لا تعالي نخبط وندخل بطريقتي. جيهان: مش فاهمة. أياد شدها من إيدها: تعالي بس. وخبط الباب جامد وراح دخل بنفس الطريقة الي بيكرهها جاد. جاد بعصبية: يابن الـ... وربنا ما هسيبك. وطلع يجري وراه.

أياد وبيجري: اسطا استنى كده بس يا خراشييي. الحقوني يا نااااااس. لوجين و جيهان ضحكوا جامد، وقالت جيهان من دون وعي: عسل أوي بجد. لوجين: هوا مين يما الي عسل؟ جيهان بتوتر: أحم يلا نروح المول هنتاخر وهيقفل. جاد رجع هوا و أياد بضحك، وقالت لوجين. لوجين: طب إحنا راحين المول بقى. جاد: هوصلك. لوجين: لا مش ليه داعي تت... مكملتش كلامها لأن قاطعها أياد الي قال: أياد: يلا يا جدعان علشان ندخل سينما.

ضحك الكل عليه واتحركوا. جاد ولوجين بعربية، وأياد و جيهان مع بعض. أياد شغل مهرجان: بحبك على فكرة وكفالة أتقدم بكرة. جيهان بضيق: بعد إذن حضرتك ممكن تقفل الهبل ده. جالي صداع. أياد بغمزة: أنتِ تؤمر بس كده. شغل أغنية تانية وعلى الصوت جامد وفتح شباك العربية واتحرك بسرعة وغنى بصوت عالي وقال: ونسـيح جبنة رومي ونشرب اتنين شاي ده معاك أنا بنسى همومي. جيهان مقدرتش تخفي فرحتها واتبسـطت وضحكت من قلبها.

((تجننت معك كما جننتني عيناكي يا عيناي) وبعد وقت كانوا في المول. راحوا البنات يعملوا شوبنج، ودخلت لوجين تجرب طقم، بس طلعت ملقتش جيهان. استغربت ودخلت غيرت، طلعت دورت عليها ملقيتهاش، فسألت البنت الي واقفة في المحل. لوجين: بعد إذنك يا قمر مشفتيش صحبتي؟ البنت: أه يا فندم خطيبها جه. بس هيا داخت فجأة وشالها وطلعوا. لوجين بصدمة وخوف: أنتِ بتقولي إيه؟ خطيبها مين؟ البنت بتوتر: حضرتكِ تقدري تطلعي وتشوفيـهم.

طلعت لوجين بخوف ورنت على جاد و أياد. جاد بصدمة: يعني إيه خطيبها وهيا مش مخطوبة؟ أياد بقلق: مين؟ جاد: مش لاقين جيهان!!