رواية مكانك الفصل الثالث 3 - بقلم ريتال احمد

بترفضيني أنا علشان تخرجي تتسرمحي برا براحتك؟ جيهان بخوف بتحاول تداريه وبتشد أيدها منه: انت ملكش دعوه بيها واه رفضت عمري ما هتجوزك. لوجين قامت وهيا بتوقف قدامه: سيب أيدها انت معندكش أي دم ياشيخ انت إيه؟ رفضتك ميت مرة وبرضوا مصر أنك عاوز تتجوزها. الشخص واسمه إسماعيل بشر جيهان جامد ومشي بيها وسط صريخ البنات وفجأة خبط في حد. قالت لوجين بسرعة: الحقنا الحقنا. أياد بعصبية: في إيه انت واخدها على فين؟ أهدي انت كده انت كمان.

أياد شد جيهان من إسماعيل وحطها ورا ضهره. إسماعيل: انت مين بقى إن شاء الله؟ وفي الوقت ده كان بيدخل جاد واستغرب من اللي بيحصل. جاد بتساؤل: إيه بيحصل هنا؟ أياد بغرور: إيه متسمعش عن شركة الأسيوطي؟ جاد بعدم فهم ولمح لوجين واقفة مع جيهان اللي بترتعش ورا أياد راح واخدهم بسرعة. من دون ما حد يحس. أياد بخبث: امشي من هنا تمام؟ إسماعيل بعند: وإن ممشيتش هتعمل إيه؟ أياد: كل خير. وضربوا بالبوكس

وجه الأمن وقال أياد بزعيق: خدوا الكلب ده. عد جاد دخل الكافيه وقعد على طرابيزته ومعاه البنات وقال: إيه بقى اللي بيحصل هنا؟ جيهان بدموع: هوا يعني هوا. أياد وقعد وبص على جيهان: انت كويسة؟ جيهان هزت راسها. لوجين: متشكرين جدا لحضرتك تعبنا حضرتك معانا. أياد: لا شكر ولا حاجة. افهم ده كان واخدك ليه يا؟ جيهان: اسمي جيهان. هوا يعني اتقدم ليا كذا مرة وبيطاردني. أياد بعصبية: ولما هوا بيطاردك مش بتبلغي الشرطة ليه؟

ولا عاجبك إنه ماشي وراكي في كل حتة كده؟ اتصدم الكل من كلامه وبالأخص جاد اللي اتصدم من صاحبه اللي اتعصب جامد كده. جيهان دمعت زيادة وقامت. لوجين: عن إذن حضرتك يا مستر جاد. وتعارف لطيف. شكراً لمساعدتك يا كابتن. وميخصكش تبلغ الشرطة ولا لأ. قامت بسرعة قبل ما يردوا عليها ومشت هيا وجيهان. في العربية جيهان كانت بتعيط ولوجين بتحاول تهديها. جيهان بعياط: مش عارفة أعمل إيه أنا حقيقي زهقت. معندوش أي ريحة دم أقسم بالله.

لوجين محاولة تهديه: أهدي بس كده وسيبك. وبعدين يعني إحنا خارجين نتفسح مش ننكد. وشكل كده الشغل طار مني. ده جاد صاحب الشركة وصاحبه ده شريك معاه فيها وابن عمه كمان. جيهان بضحك وسط دموعها: وعرفتي من ده منين بقى إن شاء الله. لوجين بضحك: الصحافة يا أختي مخلتش حاجة. المهم هنروح على بيتي ومش عاوزة اعتراض. هتباتي معايا النهارده فاهمة. هزت جيهان راسها بالموافقة. عند جاد وأياد قال جاد: إيه يعم اتعصبت كده ليه؟

حوار وخلص. انت مالك بقى؟ أياد بضيق: مش عارف. جاد غمز فأياد ضحك. أياد: أحم. المهم كنت عاوز أقولك يعني. جاد: قول. أياد هرش دماغه: ما أصل أنا نسيت. جاد بضحك: هههههههه لا لا مش قادر. لحقت تشقلبلك حالك يسطا ولا إيه؟ أياد بضيق: لا. ويلا بقى علشان بكرة عندنا شغل. جاد بصدمة: أياد بيقول شغل؟ أومال فين السهر والسرمحة يا أياد باشا؟ أياد: بطلناها. قوم بقى يلا أنا ماشي سلام. عند لوجين نزلت جيهان معاها ودخلوا البيت وقعدت

لوجين وقالت لي جيهان: هدخل أنام علشان أشوف بكرة لو رحت الشغل هتطرد ولا إيه. جيهان بحب: ربنا معاكي يا حبيبتي. أنا كمان هنام بس هاتيلي هدوم طيب. لوجين قامت وجابت لها هدوم وناموا. تسريع أحداث. تاني يوم في الشركة دخلت لوجين بثقة وكانت معاها جيهان اللي جت معاها بعد ما المحاضرات كلها اتلغت. دخلت لوجين لجاد ووقفت جيهان بره. لوجين: احم صباح الخير يا. جاد قاطعها: بسرعة رتبي الملفات دي. في ميتنج دلوقتي.

لوجين بستغراب وسرعة: حاضر حاضر. عند جيهان كانت واقفة وشافت أياد جاي ف اتوترت. أياد بضحك: شفتي عفريت. جيهان رفعت عيونها: لا شفت حضرتك. أياد: حضرتي أه.