رواية مكانك الفصل الثالث عشر 13 - بقلم ريتال احمد

تاني يوم في الشغل جت لوجين بحماس. "جاد بص، إيه رأيك في الدريس ده؟ حلوة صح؟ وأنت تلبس البدلة دي أو استايل زيها بجد تحفة، مش كده؟ جاد بوجع ودموع في عينيه وصوت موجوع ومهزوز: "لوجين.." لوجين بقلق: "نعم؟ فيه إيه مالك كده؟ جاد مسك إيدها: "اهدّي واسمعيني كده وافهميني... لوجين هزت راسها. جاد: "أنا.. أنا هخطب بنت واحدة صاحبة أمي، وصدقيني هسيبها وأرجع لك والله يومين بس عشان خاطر أمي." لوجين دموعها نزلت: "إنت.. إنت بتهزر صح؟

جاد بوجع ودمعة نزلت، وأول مرة ضعفه يظهر لحد: "لا مش بهزر." وكمل بصوت مهزوز وتقريباً صوته بيعيط بقهر: "الجمعة الجاية... " ومقدرش يكمل. لوجين بانهيار: "كمل! الجمعة الجاية إيه؟ قولي الجمعة الجاية إيه..... " وعيطت جامد. جاد شدها لحضنه. نزلت دموعه ودموعها بغزارة شديدة. لوجين بعدت بعنف وقالت بوجع: "إنت اللي اخترت إننا نبعد." جاد اتكلم: "أنا؟! لوجين قاطعته بدموع: "آه، إنت. وأنا اخترت نبعد عن بعض خلاص."

وكملت ودموعها بتنزل: "أتمنى تطلع تنفي الأخبار دي كلها وتقول إنك هتتجوز البنت دي. وطالما اخترنا نبعد يبقى ملوش داعي يبان ضعفي وضعفك قدام الناس. بعد إذنك يا مستر جاد، أنا همشي النهاردة بدري لو سمحت." وأخدت شنطتها. "آه، وأي حد بقى يجيب لحضرتك سيرتي قول كنت حبيبتك وعلاقة وفشلت. وأنا هقول برضه إنها حكاية زي أي حكاية وخلصت." ومشت بسرعة ومسمعتش لجاد اللي بينده عليها. "أنا وأنت اخترنا إننا نبعد عن بعض خلاص."

"بقى ملوش داعي يبان ضعفي وضعفك للناس." "وياريت اللي يجيب لك سيرتي قول كان حبيبي." "وأنا هثبت لهم بطريقتي إن الحكاية خلاص." "عادي أهي خلصت زي ما كل حكاية بتخلص."