رواية مختمرة في عائلة مودرن الفصل العاشر 10 - بقلم رحمة محمد

آدم: أقولك كلم ليلي، هي كمان كملت 21 يعني تقدر تضُمنا. أدهم بغيره واضحة: ليلي؟ لا، مستحيل أخليها تيجي القسم في نص الليل، لا وكمان لوحدها. انسى، كله إلا دي. آدم: اهدي يا كبير، أنت وقعت ولا إيه؟ أدهم: اسكت أنت، أحسن حل إننا نستنى للصبح، وأبقى أكلم أي حد يجي يضمنا. ما فيش حل تاني. آدم: يعني هنبات في الحبس علشان ليلي متدخلش القسم؟ بركاتك يا ليلى. أدهم: آدم! آدم: 🤐🤐🤐

//////////////////////////////////////////////////////////// ملك: أنا عايزة أصلي. عارفة؟ أنا حضرت فيديوهات كتير على النت عن الصلاة وإزاي نصلي والوضوء وكله، بس معنديش الشجاعة الكافية إني أبدأ. تساعديني؟ ليلي بفرحة: أكيد طبعاً، هو أنا أطول؟ ويا ستي، أهو كمان الفجر قرب، نستنى ونبدأ بيه، أي رأيك؟ ملك: تصدقي؟ شكلي هحبك. ليلي: أحبك الله يا غالية. استنى، في حد بيتصل. ملك: طيب ما تردي تشوفي مين؟

بس مين اللي ممكن يتصل بيكي في نص الليل كده؟ ليلي: مش عارفة، وكمان رقم غريب. /////////////////////////////////////////////////////////////// نيرة: لا بقولك إيه، لازم تتصرف. أنت مش بتشوف البت بتكلمني إزاي؟ وكل حاجة باسمها، يعني مقدرش حتى أقول تلت التلاتة كام معاها. عاصم (أخوها) : بقولك إيه، هو الموضوع كله ملهوش غير حل واحد. نيرة: وإيه هو يا عاصم؟ الحقني بيه. عاصم: إن البت تتجوز آدم ابنك، وبعدها نملكها. بكده آدم يورثها.

نيرة: صح، إزاي كانت تايها عني الفكرة دي؟ بس كده في مشكلة، إزاي هقنع البت إنها تتجوز آدم؟ عاصم: اقنعي شهاب، وهي بتصدق عمها وهتوافق. نيرة: طيب افرض قال أجوزها للكبير، أولى بيها. عاصم: لا، مهو أنا هقولك تعملي إيه علشان أدهم يبعد عن الصورة خالص.