رواية ملاك العز الفصل التاسع عشر 19 - بقلم اية مجدي

بـخوف: بس أنا مش عايزة أتعالج. ضرّبني عز. قلم لف وشي للناحية التانية. مسكني من كتف الفستان وقربني ليه وقال: عز: ده مش بمزاجك، أنا اللي بقرر تتعالجي ولا لأ، فاهمة. قال كده وزقني لورا ولف لي الدكتور واللي معاه وفضلوا يتكلموا مع بعض شوية. قرب عز مني وحضني من ورا جامد عشان ما أتحركش. في الوقت ده دخل مالك وآدم. اتقربت مني ممرضة منهم. أول ما شفتها ماشية ناحيتي دخلت ضوافري في إيد عز. وهو شدد مسكت إيده جامد على إيدي.

قربت الممرضة وعز فك إيدي عشانها. وهي طلعت حقنة. ومسكت إيدي. أنا هنا رفعت رجلي وضربتها. وهي بعدت عني. لفيت على عز وعطيته في كتفه جامد. هو عض على شفايفه وبص لي بغضب وضربني بالقلم. رجعت عضّيته تاني. والمرة دي فك إيد واحدة بوجع. شلت التانية بصعوبة وبعت عنه وجريت رحت عشان أطلع برة الأوضة. مالك مسك إيدي جامد وقال: مالك: بس بقى، اهدي. الممرضة اللي ضربته زعلت واجت مكانه التانية وهي بتفتح إبرة جديدة. اتكلم الدكتور وقال:

الدكتور: يستحسن متخليهاش في الأوضة دي عشان متعملش حاجة في نفسها. هما مركزين في كلام الدكتور وأنا بشد نفسي من مالك. هو كان ماسك إيد واحدة وأنا جبت إيدي التانية اللي هو مش ماسكها وقربتها على بطنه وقعدت أغازغ فيه. معتش عندي حل غير ده. أنا عملت كده وآدم وقع من الضحك والممرضات والدكتور ابتسم. وهو بيتكلم على عز كان واقف والدخان بيطلع من ودانه ومالك اللي ما اتأثرش.

قرب عز مني ومسكني من إيد ومالك من إيد والممرضة قربت عشان تسحب دم. فضلت أحرك نفسي وأعمل أي حركة عشان متقربش مني. وهي فعلًا معرفتش تقرب. قرب عز من ودني وقال: عز: خليها تسحب منك وأنا هجبلك برشام. ملاك: كذاب... جبتهم لي طيب. اخد نفس وقال عز: عز: عشان يكتبلك نوع أحسن. هدّدت وقربت هي مني وهو حط إيده على عيني. وأنا عيطت وخفت لا يطلع بيكذب عليا ومش هيديني حاجة. بس هي سحبت الدم وهو طلع شريط برشام من جيبه وأداني واحدة.

أخته وشربته من غير ميه ورحت على السرير. رفعت الغطا ودخلت تحته مستنية جسمي يهدأ وأنام. فضل الدكتور يتكلم معاهم وطلعوا برا وفضل هو بس. ملاك: هو أنا اللي لسه ما نمتش؟ إنت بتضحك عليّ؟ عز: ليه هو انتي غبية؟