رواية ملاك الأسد الفصل الثالث والعشرون 23 - بقلم بسملة مصطفي

حل الليل وطلع أوضتها. أسد وملاك في أوضتهم. أسد: عايز أتكلم معاكِ في حاجة يا ملاك. ملاك: اتفضل يا أسد. أسد: أنا عايزك تتحجبي. ملاك: أنا نفسي آخد الخطوة دي من زمان، بس مستنية الوقت اللي أكون عارفة إني هاتحجب الحجاب الصح وربنا يهديني. وبعدين هو أنا مالي يعني بشعري. أسد: يعني أنتِ متعرفيش إنه حرام يبقى حد يشوفك بشعرك؟ وأنا مبحبش حاجة تكون ملكي حد يشوفها.

ملاك: وأنا مش ملك حد، وأنت مش هتحجبني غصب عني. أنا قولتلك لما ييجي الوقت المناسب. أسد: لا هتتحجبي غصب عنك، علشان أنا سايبك بقالي كتير على راحتك ومستني أنتِ تاخدي القرار، بس مفيش فايدة. ملاك: وأنا محدش يجبرني على حاجة، ودي حاجة بيني وبين ربنا ومتخصكش. أسد مرة واحدة ضربها بالقلم. أسد: شوفي أنتِ بتتكلمي إزاي. ملاك بصدمة وعيونها دمعت.

أسد لما شاف إن حالتها ممكن تسوء، مرة واحدة شد ملاك لحضنه. قاومت ملاك حضنه ولكنها استسلمت له وأخذت تبكي. أسد طبطب عليها بحنية وأخذ يملس على شعرها. أسد: أنا آسف يا قلب أسد، مكنش قصدي أضربك، بس أنتِ اتحديتيني وأنا بكره كده. ملاك بصراخ: علشان كلمة قولتها تمد إيدك عليّ كده؟ أنا كنت لسه باتتدي أحس بالأمان معاك وأطمن، بس شكلي هيفضل الحزن ملازمني طول حياتي.

أسد بهدوء وحنية: أنا آسف يا روحي، متزعليش مني. عايزة إيه أعمله وتصالحيني؟ ملاك: طلقني. أسد بعصبية: متتطقشيش الكلمة دي على لسانك، فاهمة؟ أنا قولتلك مرة مش هيحصل كده. أسد سابها ونزل، وهيا قعدت على الأرض تعيط. أسد نزل وهو قاعد تحت في الجنينة فكر يجيب ليها إيه يصالحها. راح اشتري ليها هدية مكونة من بوكس كبير جداً وجواب ليها مضمونه (أنا آسف يا قلب أسد مش قصدي أزعلك) أسد خلص ورجع.

أسد طلع ودخل الأوضة لقاها لسه قاعدة زي ما هي، بس نامت. أسد شالها وملاك فاقت. أسد قالها: أنا آسف يا روحي، متزعليش مني. ملاك بعيون دامعة بصتله نظرة لوم وعتاب وسكتت. (أوقات يا جماعة النظرات كفيلة تحكي كل اللي جوه قلبك، فمش معنى إن الإنسان ساكت يبقى هو مش عارف يرد، ممكن يبصلك بنظرة يخليك تندم على الحاجة اللي عملتها.) أسد حضنها وباس على راسها وقالها: أنا بحبك قوي. ملاك لسه في حضنه زي ما هي.

أسد بعدها عن حضنه وقالها: جايب لكِ حاجة هتفرحك. جاب قدامها صندوق كبير جداً وقال لها: افتحي الصندوق ده. ملاك أول ما فتحت لاقت دبدوب باندا كبير. ولكن كانت صدمتها لما شافت تابلوه ليها مع مامتها وأكتر صورة بتحبها، والباقي تشوكليت. ولقيت تذاكر سفر لتركيا. (أسد كان مجهزهم من زمان قبل حفلة عيد الميلاد وحطهم مع الهدايا.)

أسد بص لملاك، لقاها ماسكة التابلوه اللي بيجمع صورتها هي ومامتها وحضناه وبتعيط جامد. ملاك طلعته من حضنها وتلقائي جريت على أسد حضنته وقالت له: شكراً بجد ليك يا أسد. وبعد كده وقفت قدامه ونزلت عينيها في الأرض وقالت له: أنا آسفة إني وقفت قصادك، مكانش قصدي أضايقك. أسد رفع ليها راسها وقالها: مرات أسد متنزلش عينها الأرض أبداً. وبعد كده أخدها على السرير وقعد قصادها.

أسد: أنا عايزك تتحجبي علشان حاجات كتير. أولاً علشان أنتِ كده بتاخدي سيئات كتير على أي راجل بيشوف شعرك. عايزك تتحجبي علشان ترضي ربك. عايزك تتحجبي علشان أنا مقبلش إن مراتي الناس كلها تكون شايفه شعرها وتتفرج عليه. الحجاب زينة للبنت. الحجاب مش وحش. وأنا كنت بفتح معاكِ الموضوع براحة بس أنتِ عصبتيني. ولو كنتِ وافقتي كنت هاخدك ونروح بكرة المول ونشتري هدوم كتير للحجاب. أنا معاكِ خطوة بخطوة لحد ما تقولي أنا عايزة أتحجب.

ملاك: وبعد كلامك ده أنا موافقة إني أتحجب يا أسد. أسد فرح جداً وباس راسها وإيديها. أسد: ربنا يديمك ليا يا حبيبتي. أسد فرد نفسه على السرير وأخد ملاك في حضنه ونام. تاني يوم في الصباح، أسد صحي من النوم وأخد شاور وغير هدومه وصحى ملاك. وملاك فاقت. ملاك: صباح الخير. أسد: صباح النور، يلا خدي شاور سريع كده وغيري هدومك علشان نفطر ونروح المول قبل الزحمة.

ملاك دخلت أخدت شاور ولبست وخلصت. نزلوا تحت مع بعض. فطروا وأسد باس راس أمه وقالها إنه خارج هو وملاك. أسد: أيان روح أنت الشركة مكاني انهاردة. أيان: ماشي يا أخويا. أسد: متنسيش يا ليان فهد جاي النهارده. ليان: ماشي يا أخويا. أسد أخد ملاك واتجهوا إلى المول. وبعد فترة وصلوا. أسد أخد ملاك للأماكن المخصصة بملابس البنات المحجبة وبقي يختار معاها فساتين. وتدخل تقيس. ملاك غيرت وخرجت. أسد: لا ضيق، شوفي واحد غيره. ملاك: ضيق فين ده.

أسد: أنا قولت كلمة ضيق يعني ضيق. ملاك دخلت غيرت وخرجت. وقعدوا يدوروا في المول لحد ما خلصوا وجابوا لبس كتير لملاك. وأسد جاب ليها معظم اللبس دريس وإسكيرت وقلل من البناطيل. ملاك وهي خارجة حست إنها دايخة. أسد سند ملاك بإيده التانية وأخدها على العربية وحط الحاجة وركب الكرسي وقالها: إحنا لازم نروح للدكتورة، أنتِ بقالك كام يوم حاسة إنك تعبانة ومش مظبوطة. أسد شغل العربية واتجه للمستشفى. بعد فترة وصلوا. أسد وهو

شايل ملاك بين إيديه وقال: أنا عايز دكتورة دلوقتي. الدكتورة جات وأخدت ملاك على الكشف وكشفت عليها. الدكتورة: مدام ملاك عندها... أسد بصدمة: إيه؟ يا ترى ملاك عندها إيه؟