رواية ملاك الأسد الفصل الثاني والعشرون 22 - بقلم بسملة مصطفي

أسد لبس ملاك الخاتم والسلسلة، وبعدها اشتغلت أغنية رومانسية وكل اتنين كانوا بيرقصوا مع بعض. ولكن كل الأنظار كانت على العاشقين. أغنية إليسا: الفرحة اللي أنا فيها دي كلها ترجع ليك وأنا جنبك راضية ومرتاحة لكل ما فيك سبت أنا كل الدنيا عشانك وهشاركك حضنك ومكانك وبقولك يا حبيبي حياتي أنا ملك ليك مين زينا يا حبيبي الليلة قولي في مين أنا حاسة من كتر الشوق إننا رايحين على دنيا حب هتجمعنا والكون كله ده مش هيسيعنا

وهعيش أسعد واحدة أنا وأنت سنين وسنين يااااااااه على الفرحة دي. وحدث شيء لم يتوقعه أحد، فهد جه وقعد على ركبته قدام ليان وقدم ليها علبة فيها خاتم ألماس. وقال فهد: تقبلي تكوني شريكة حياتي؟ تقبلي تكوني مرات الفهد وتعيشي معايا طول العمر؟ ليان مصدومة بس حركت رأسها بالإيجاب، وفهد فرح وقام لبس لها الخاتم. فهد لف بيها وقال لها بصوت واطي نسبياً: بحبككككك يا لي لي. ليان: أكتر يا قلب لي لي. فهد بصدمة: قولتي إيه؟

ليان: أكتر يا قلب لي لي. (هتسألوني إزاي ليان حبته بالسرعة دي؟ أقولكوا إن أول ما ليان اكتشفت خيانة أسر، كانت بتشوف فهد كتير وأعجبت بشخصيته. ولكن ما قالتش لحد حاجة، وبعد فترة ليان حبت فهد بالسر من غير ما حد يعرف) والحفلة خلصت وكانت حفلة لطيفة وحلوة. أسد أخد ملاك في عربيته. وإيان أخد ليان ومامته في عربيته. بعد فترة وصلوا القصر. أسد وصل قبلهم وطلع هو وملاك. ملاك أول

ما طلعت حضنته وقالت له: شكراً بجد ليك يا أسدي بحبككككك قوي. أنا مكنتش فاكرة اليوم ده أصلاً. وشكراً إنك افتكرتني. أسد: لو كله نسي اليوم ده، أنا عمري ما أنساه، لأنه عيد ميلاد بنتي وحبيبتي وصاحبتي ومعشوقتي الصغيرة وطفلتي الصغيرة. عيد ميلاد الإنسانة الوحيدة اللي قدرت تاخد قلبي مني. عيد ميلاد الإنسانة اللي قلبي بقى متيم بحبها. إزاي أنسى يوم زي ده؟ ملاك بعيون دامعة: مش عارفة أرد عليك أقولك إيه.

أسد: مترديش ومش عايزك تتكلمي، عايزك تسمعيني دايماً. ملاك: عيوني. أسد: تسلميلي يا ملاكي. ملاك: أنا هدخل أغيّر وأنت خد شاور. أسد: حاضر يا ملاكي. كل واحد منهم خلص. وقعد أسد على السرير وأخد ملاك في حضنه وقعدوا يتكلموا مع بعض فترة كبيرة، وبعد كده كل واحد منهم نام. _*********** عند المجهول سيف: إيه يا أسر إيه الأخبار، بعت حد الشركة؟ أسر: آه بعت اللي اتفقنا عليه بس معرفش يقابله. سيف: ليه؟

أسر: علشان أسد النهاردة كان عنده حفلة وخرج من الشركة بدري ولغى كل مواعيد المقابلات. سيف: تمام. بس ابعته في أقرب وقت. أسر: متقلقش يا سيف. _*********** تاني يوم أسد صحي قبل ملاك وقعد يتأمل في ملامحها شوية، وبعدها قام أخد شاور ولبس وخلص وراح لملاك باس جبينها. ملاك بنوم: رايح فين يا أسدي؟ أسد: رايح الشركة يا قلب الأسد. هتعوزي حاجة أجبهالك؟ ملاك: لا، عايزاك ترجع بالسلامة. أسد: طب يلا قومي علشان تنزلي معايا.

وتقعدي مع ماما وريم. وعايز أكل زي اللي أكلته من إيدك وعايز حلويات زيك كده يا قمر. ملاك: عيوني ليك حاضر. قامت ملاك أخدت شاور وخلصت ولبست وخرجت. ملاك أول ما خرجت أسد بص عليها. أسد: ملاك ادخلي غيّري العباية دي لأنها ضيقة شوية. ملاك: ضيقة فين يا أسدي؟ مهي حلوة أهي. أسد: ملاك أنا قولت كلمة، العباية ضيقة خشي غيّريها. ملاك بضيق: حاضر، ودخلت غيّرت. وخرجت له ونزلوا. تحت كانت أم الأسد مجهزة الفطار.

قعدوا فطروا كلهم وبعدها إيان وأسد راحوا الشركة. وريم وملاك وليان قعدوا مع بعض. وبعدها بفترة ملاك قالت: يلا نقوم نطبخ، لأن أسد قال عايز ياكل من الأكل اللي بعمله وعايز حلويات. ريم وليان: يلا. وقاموا طبخوا وملاك جهزت حلويات مختلفة عن المرة اللي قبل كده. واستنت وصول أسد. وأول ما سمعوا صوت العربية. قامت ملاك جابت الأطباق والأكل وبدأت هي وليان يفرشوا السفرة. أسد أول ما دخل قال: أنا شامم ريحة أكل جامدة. ملاك: ههههههههه.

طب تعالى يلا علشان تاكل. قعدوا كلهم كلوا وخلصوا. ملاك وليان شالوا الأطباق. وملاك جابت الأطباق والشوك وقدمت الحلويات. أسد: إيه ده؟ مين اللي قالك تعملي الحلويات دي؟ ملاك: هي مالها يعني؟ أسد: أنا بحب الحلويات دي قوي. كانت ملاك عاملة كنافة بالمانجو. كلوا وخلصوا وملاك شالت الأطباق. أسد: يا أمي، فهد كلمني وعايز يكتب الكتاب وليان تكمل السنتين بتوعها هناك. إيه رأيك؟ ريم: لو ليان موافقة معنديش مانع. ليان بصت في الأرض واتكسفت.

أسد: السكوت علامة الرضا. هبلغه بالموافقة ونحدد ميعاد. جه الليل وكله طلع أوضته. أسد وملاك في أوضتهم. أسد: عايز أتكلم معاكي في حاجة يا ملاكي. ملاك: اتفضل يا أسدي. أسد: أنا عايزك تتحجبي. ملاك: أنا نفسي آخد الخطوة دي من زمان بس مستنية الوقت اللي أكون عارفة إني هتحجب الحجاب الصح وربنا يهديني. وبعدين هو أنا مالي يعني بشعري؟ أسد: يعني أنتي متعرفيش إنه حرام يبقى حد يشوفك بشعرك. وأنا مبحبش حاجة تكون ملكي حد يشوفها.

ملاك: وأنا مش ملك حد. وأنت مش هتحجبني غصب عني. أنا قولتلك لما ييجي الوقت المناسب. أسد: لا، هتتحجبي غصب عنك. علشان أنا سايبك بقالي كتير على راحتك ومستني. أنتي تاخدي القرار بس مفيش فايدة. ملاك: وأنا محدش يجبرني على حاجة. ودي حاجة بيني وبين ربنا. ومتخصكش. أسد مرة واحدة ضربها بالقلم. أسد: شوفي أنتي بتتكلمي إزاي. ملاك بصدمة وعيونها دمعت: .......