رواية ملاك الاسد الفصل السادس 6 - بقلم شهد جعفر

في مكان تاني، راجل كبير في الصعيد. حمدي عم أسد، بس هو مش بيحبه. "عاوزك تعرفلي كل حاجة عن ابن أخويا." خالد ابنه: "ودا عايزه ليه؟ حمدي: "ملكش دعوة، نفذ وبس." خالد: "حاضر، أنا نازل إسكندرية." حمدي: "ملكش دعوة ببنت عمك، فاهم؟ لو عرفت إنك كلمتها هزعلك. البنت حلوة، خسارة فيك." قصده على بسنت، لأنه عارف إن ابنه بيحبها. خالد: "حاضر، ماليش دعوة بيها." قام جهز شنطته ومشي. عند مريم وملاك.

مريم دخلت الأوضة لوحدها، وملاك في المطبخ، وسمر لسه في السوبر ماركت. مريم دخلت الأوضة، شافت شهاب صاحب أسد. مريم: "إنت! شهاب: "إيه، شوفتي عفريت؟ مريم: "إنت دخلت هنا إزاي؟ شهاب: "شكلك نسيتي إني ظابط، وأدخل في الحتة اللي أنا عاوزها في الوقت اللي أنا عاوزه." مريم: "عايز إيه يا شهاب؟ شهاب بصوت حاد: "كنتي فين يا هانم؟ مريم: "ملكش دعوة، واتفضل امشي قبل ما حد يشوفك." شهاب مسك إيديها جامد: "شكلك نسيتي اللي بينا."

مريم: "زقت إيده. مفيش حاجة بينا، إنت هتستعبط؟ شهاب: "بقولك إيه، متختبريش صبري. أنا زهقت ومش هستحمل أكتر من كده." مريم: "يوه، كمان مرة! قولتلك لا يعني لا. ابعد عني بقاش." شهاب: "أنا صبرت عليكي كتير، بس إنتي اللي جبتيه لنفسك. استحملي اللي هيحصل." مريم: "مش خايفة منك، واتفضل امشي قبل ما حد يشوفك." شهاب: "ماشي يا بت الشناوي." وسابها ونط من الشباك. مريم: "إيه اللي أنا عملته ده؟ ربنا يستر." في مكان تاني، عند محمد ومنى.

منى: "أنا فكرت في حلم." محمد: "إيه هو؟ منى: "ملاك، محدش هيعرف يمشي عليها كلمة. عاوزة واحد من الصعيد يحكمها ويربيها." محمد: "دي لو جوزناها من الصعيد هتربي جوزها والصعيد كله." منى: "اسمع مني، رجالة الصعيد دمهم حامي." محمد سكت شوية، واتصل على أحمد. محمد: "الوو يا أحمد." أحمد: "الوو يا بابا، حضرتك كويس؟ محمد: "أيوه، الحمد لله." أحمد: "حضرتك متصل ليه؟ عاوز حاجة؟ محمد قاله على كلام منى.

أحمد فكر شوية، وافتكر إن أسد من الصعيد. أحمد: "تعرفوا تيجوا إسكندرية؟ محمد: "ليه؟ أحمد: "أنا عندي واحد صاحبي بيدور على عروسة، وهو من الصعيد بس عايش في إسكندرية بسبب مشاكل مع أهل أبوه وشغلهم." محمد بفرحة: "طيب، كلمه وقولي رأيها." محمد قفل مع باباه، وبيفكر إزاي يقنع أخته وإزاي يقنع أسد. أحمد اتصل بأسد.