رواية ملاك الفارس الفصل السابع 7 - بقلم رحمة أحمد

ملاك بلهفة: مالك ي فارس في إيه؟ فارس وهو يمسح دموعه: لا ي حبيبتي مفيش، عيني دخل فيها حاجة. ملاك بضحك: وحضرتك بقا متعود تكدب عليا ولا إيه؟ أصل أنا مش فاكرة. فارس وهو يقترب منها ويأخذها بين أحضانه: تؤتؤ، عمري ما كدبت على ملاكي. ملاك بتوتر وهي تحاول تبعده عنها: طيب مصدقاك. فارس بضحك: أنسي، مش هسيبك. أنا أصلاً عايز أنام ومش بنام إلا كده. ملاك بحب: طيب يلا نام. وقد نام فارس وهي تنظر له بحب وتزيح

خصلات شعره من على وجهه: بحبك ي فارس، لقيت في حضنك الأمان. أنا فعلاً مش فاكرة حاجة بس حاسة إنك أجمل ما في حياتي. وقامت من أحضانه ودخلت المرحاض وخرجت وهي تلبس بيجامة باللون الأبيض كانها مصممة على جسدها، وعملت شعرها ذيل حصان وكان شكلها تبدو كالملاك حقاً، إنها فعلاً الملاك. في بيت جابر كان يجتمع كل منهم ومعهم رغد وأمها، ويبدو على وجههم الحزن، فابنتهم لم يلقوا نظرة عليها منذ شهر كامل.

جميلة بعياط: بنتي ي رغد مش هشوفها تاني، أنا تعبت. رغد وهي تحاول تبين القوة: إن شاء الله خير. جميلة: ونعم بالله، أنا هدخل أصلي وأدعي لها. جابر بحزن: أنا مش قادر أستحمل غيابها أكتر من كده، ياريت كنت مت قبل ما تغيب عن عيني كده وأنا مش عارف أعمل حاجة. مامت رغد: يا أبو معتز، هم مسنودين عليك، مينفعش تعمل في نفسك كده. جابر: الصبر من عندك يارب. رغد بعياط: أستأذنكم بقا، يلا ي ماما. معتز: استني، هوصلكم. وصلوا عند بيت رغد.

رغد: معلش تعبناك معانا. معتز: مفيش تعب، اجهزي بكرة الصبح عشان أوصلك للكلية. رغد: لا، مش هروح. معتز: مينفعش، أنتي عندك امتحان ولازم تروحي. رغد بعياط: مش قادرة أدخل الكلية وأنا عارفة إن ملاك مش هتيجي، مش قادرة والله. معتز بحزن: معلش، لازم نصبر، كل حاجة ربنا بعتها خير، ده ابتلاء من ربنا واحنا قده إن شاء الله. رغد: ونعم بالله. معتز: يلا، عاوزة حاجة؟ أنا ماشي. رغد: لا، سلامتك، خلي بالك من نفسك. في القصر.

ملاك بزهق: يلا ي فارس قوم بقا، أنا زهقت. فارس بنوم: إيه ي ملاكي بس. ملاك وهي تلوي شفتيها كالاطفال: أنت نمت كتير ي فارس، قوم اقعد معايا شوية. فارس: حاضر ي قلبي. تحرك فارس من على السرير وفجأة سمع صوت ضرب نار بره. ملاك: عاااااااا، إيه ده.