رواية ملاك الفارس الفصل السادس 6 - بقلم رحمة أحمد

خرجت ملاك من الحمام وهي تلبس فستان بلون الأحمر وشعرها نازل على وجهها بعشوائية. اقترب منها فارس وهو يزيح خصلات شعرها من على وجهها ويقول بهمس: _في فراولة حلوة كده طيب؟ ملاك بخجل: _هاا يفارس بس بقا وبعدين أنا جعانة جدا. فارس: _هههه تفطري إيه طيب؟ ملاك: _أي حاجة يلا ننزل عشان عايزة أتفرج على القصر ونشوف هنفطر إيه. فارس: _طيب يلا. ونزلوا تحت ورأوا القصر وجماله. ملاك: _جميل قوي يافارس. فارس: _هو مين؟ ملاك:

_احم القصر طبعًا. فارس بضحك: _مااااشي. ودخلوا المطبخ وفارس شالها وقعدها على الترابيزة. فارس: _اقعدي هنا وأنا هعمل أنا، إنتي لسه تعبانة. ملاك: _طيب شكرًا. وبعد 15 دقيقة. فارس بحنان: _يلا ي ست البنات خلصت. ملاك: _يلا. وقعدوا ياكلوا. فارس: _إيه رأيك؟ ملاك بضحك: _مش بطال. فارس بضحك: _والله. ملاك: _لا بجد تسلم. فارس: _طب يلا بقا نعمل عصير وبغمزة فراولة. ملاك بخجل: _يلا. وقاموا عملوا العصير. فارس: _جميل. ملاك بخجل:

_هو إيه؟ فارس وهو يقلدها: _احم العصير طبعًا. ملاك بضحك وغيظ: _هههههه ماشي. فارس بضحك وهو يقبل يديها: _مفيش أحلى منك ي ملاكي. واكتفت ملاك بالابتسامة. فارس: _ملاك أنا هقوم أروح الشركة، من ساعة ما تعبتي وأنا ما رحتش والشغل كتر قوي. ملاك: _طيب ربنا معاك. وعند جميلة. جميلة بحزن: _ها ي جابر عملت إيه؟ جابر: _دورت عليها في كل الأقسام والمستشفيات وفي كل مكان. جميلة بعياط: _يعني إيه بنتي ضاعت مني خلاص. جابر بحزن:

_ربنا يستر ويرجعها بالسلامة، معتز لسه بيدور. جميلة بعياط: _يا رب يااااااارب. عند معتز. عمال يدور على أخته اللي البيت من غيرها ولا يسوى حاجة، هي اللي كانت عاملة للبيت روح، كانت ملاك البيت وكانت النور والعمود اللي لا يتخلى عنه البيت. وقعد في مكان وفضل يعيط وحس بحد لمس كتفه وبيطبطب عليه. رفع راسه لقيها رغد، قام بسرعة ومن غير تفكير حضنها وفضل يعيط كأنه طفل صغير ومصدق لاقي حضن دافي يحميه ويعوضه.

_ملاك راحت ي رغد ملاك راحت. رغد بعياط: _اهدي ي حبيبي اهدي، إن شاء الله خير، ربنا على كل شيء قدير، هيرجعها لحضننا تاني. وبعد فترة طويلة ومعتز بيعيط ورغد بتهديه. معتز بحنان: _يلا عشان أروحك. رغد: _يلا. في القصر رجع فارس من الشركة واتجه إلى جناحه. _ملاك ي ملاك. وتخرج ملاك وهي تمشط شعرها. _إيه يفارس أخرت لي كده؟ فارس وهو ينظر لجمالها: _معلش ي حبيبتي منا قلتلك إن الشغل كتر عليا.

وأخذ منها المشط وبدأ في تمشيط شعرها حتى نامت على رجليه. شالها نيمها على السرير وهو يقول بحنان: _هتعملي إيه فيه تاني ي ملاكي، خايف أقولك تبعدي عني وأنا ما صدقت حد جه عوضني عن غياب أمي. وافتكر حادث والدته. **فلاش باك من 15 سنة** كان فارس عنده 12 سنة. نور: _يلا ي حبيبي عشان تروح المدرسة. فارس ببرائة: _ي ماما هو كل يوم هروح أنا زهقت ي ماما عايز أقعد معاكي النهارده بس. نور:

_ي قلب ماما عشان تتعلم وتبقى أشطر مهندس في الدنيا. فارس وهو يرفع إصبعه لأمه: _وعد ي ماما هبقى أشطر مهندس عشان خاطرك بس هغيب النهارده بس عشان خاطري عشان خاطري. نور: _طيب ي حبيبي. وتخرج الأم وكان والده عاد من المكان اللي بيسهر فيه كل يوم وهو يتعاطى المخدرات. نور بعياط: _حرام عليك بقا اللي بتعمله فيا أنا وابنك، كل يوم تسهر للصبح وتشرب الذفت اللي معاك ده، ابنك ذنبه إيه يشوف القرف ده، أنا تعبت بجد. الأب:

_اخرسي وادخلي اعمليلي أكل. نور بغضب وعياط: _يا أخي أنا تعبت بجد، إنت إيه مش بتحس، أنا هسيبلك البيت وأمشي، أنا عايزة أربي ابني. ودخلت أخذت فارس ولسه هتخرج هاجم عليها الأب وطعنها في بطنها بالسكينة تحت نظرات فارس وهو ينظر بصدمة. اقترب منها بعياط: _ماما اصحي، إنتي مش هتسبيني صح ي ماما، إنتي قولتيلي إن اللي بيحب حد مش ممكن يسيبه، وإنتي أنا متأكد إنك بتحبيني يا ماما ردي عليا. نور والدموع على خدها والدم غرق المكان:

_ساعات القدر بيبقى أقوى وبيفرقنا ي فارس، عايزك تتأكد إني عمري ما حبيت حد قدك وإنك أغلى إنسان في حياتي. (وأمسكت يديه) _مش عايزك تنساني ي فارس، عايزك تفتكرني ديمًا واقرأ ديمًا الفاتحة على روح. فارس بعياط:

_لا يماما متغمضي عينك، افتحي عينك متسبنيش، أنا بحبك ومش هعرف أعيش من غيرك، إنتي عارفة إني مش بعرف أنام لوحدي ي ماما، أنا بنام في حضنك ديمًا ي ماما قومي بقا بطلي هزار، إنتي عارفة إن فارس مش بيعرف ياكل من غير نور، قومي ي نور قومي. وتجمعت الناس وبلغوا الشرطة وقبضوا على الأب واتحكم عليه بالإعدام والناس أخدوا فارس لدار الأيتام واتربى في الدار. نرجع تاني لفارس. فارس وهو بيفتكر نزلت دموعه على خده. ملاك بلهفة:

_مالك ي فارس في إيه؟ فارس: