رواية ملاك الفارس الفصل الحادي عشر 11 - بقلم مريم حسني

ياسمين كانت واقفة على جنب، عمر راح يجيب حاجة يشربوها. فريد بص لقي بنت زي القمر بشعر بني طويل لحد وسطها وبشرتها بيضة وعيون عسلي حزينة، لابسة فستان أبيض عليه ورد أزرق. عجبه جدا شكلها، وأخد باله من إنها حزينة بشكل ده، قرب منها. فريد: اسمي فريد، وحضرتك؟ ياسمين بصتله بتوتر وبصت على عمر، ملقتهوش. ياسمين: اااه. فريد بابتسامة عريضة: أكيد. ياسمين: هو في حاجة حضرتك؟

فريد: أبداً، بس لقيتك واقفة لوحدك. وبصراحة عنيكي شدتني، رغم جمالها لكنها حزينة جدا. ياسمين بلعت ريقها بخوف: طب طب، عن إذنك أنا هروح هناك. فريد: مالك متوترة كده ليه؟ هو في حاجة؟ هو يمكن طلب رخم شوية، ممكن رقم تليفونك؟ ياسمين بصتله بحيرة: مش معايا تليفون. فريد: امممم، طيب واضح إني وجودي مضايقك. أنا أستأذن. ياسمين: بعتذر، مش قصدي أرخم، بس حقيقي مش معايا تليفون. آسفة. فريد ابتسم: ولا يهمك يا قمر. ياسمين: أنا اسمي ياسمين.

فريد ضحك: ده ميمنعش إنك قمر. ياسمين ابتسمت بخجل. عمر بغضب: ياسمين بتعملي إيه عندك؟ ياسمين بخوف: مفيش، كنت مستنياك. عمر مسكها من دراعها جامد: طب امشي قدامي، حسابك معايا بعدين، مش دلوقتي عشان الناس. فريد: في إيه حضرتك؟ براحة مش كده. حضرتك ماسكها كده ليه؟ عمر: وانت مال أهلك؟ فريد بغضب: في إيه يا أستاذ؟ أنا بكلمك باحترام، متتكلم كويس. عمر: وانت هتفهمني أتكلم إزاي يا روح أمك؟ فريد لسه هيضربه.

ياسمين بدموع: من فضلكوا كفايه، لو سمحت. فريد سكت وبصلها: ماشي، عشان خاطرك يا آنسة ياسمين. عن إذنك. ومشي. عمر بغضب: مين ده وتعرفيه منين؟ *** فارس بصدمة: انتي قولتي إيه؟ ملك بصتله: بعتذر. فارس بتوتر: ملك، انتي بتقولي كده عشان منتخانقش صح؟ ملك: لا. فارس بخوف: حقيقي؟ من إمتى؟ ملك: ٤ شهور. في المخ. فارس: ملك، أنا مش فاهم منك حاجة. تعالي هروحك وأفهم منك. يلا. وخرجوا بره وهيمشي. ملك سمعت صوت واحدة.

نادين بسعادة: happy birthday يا سُلاكة. ملك بصت وراها، مامتها، وأغمي عليها. فارس خدها في حضنه بخوف: ملك، ملك حبيبتي، مالك؟ ملك ردي عليا. ياسمين بعياط: ملك مالها يا فارس؟ فارس: مش عارف. أنا هاخدها المستشفى. المعازيم قعدوا يبصوا لبعض ويتوشوشوا: مين الست دي؟ وملك أغمي عليها ليه؟ نادين بزعل مصطنع: إيه ده؟ إيه اللي حصل لبنتي؟ هي ملك مالها؟ شكري: اهدى يا نادين وتعالي ندخل جوه، وفارس هيبقي يطمنا عليها.

وبصل للمعازيم: أنا بعتذر جداً، بس الحفلة انتهت. *** في المستشفى. الدكتور: فارس باشا، الآنسة اللي جوه عندها ورم في المخ. فارس: عارف. الدكتور: واضح إنها كانت بتاخد مسكن، وإنها بقالها فترة ماخدتوش، عشان كده تعبت. فارس: بس أنا جبتلها مسكن النهاردة. الدكتور: ممكن مش قوي زي اللي هي بتاخده. عموماً، أنا أنصح حضرتك إنها تتعالج أحسن من المسكنات دي، أو عملية، على حسب الدكتور اللي هي بتتابع معاه.

فارس: إن شاء الله. هي ممكن تخرج إمتى؟ الدكتور: بكرة إن شاء الله. عن إذنك. *** عمر بغضب وماسك ياسمين من شعرها: مين اللي انتي كنتي واقفة معاه ده؟ انطقي. ياسمين بعياط: أه والله ما أعرفه يا عمر، سيبني أنا تعبانة، حرام عليك. عمر هزها من شعرها بعنف وضربها بالقلم: كان بيكلمك ليه؟ انطقي. ياسمين: والنبي يا عمر سيبني، أه والله معرف، هو جه يكلمني، أنا معملتش حاجة. عمر سحبها من شعرها لحد

الأوضة ورماها على الأرض: ماشي يا ياسمين، ومش هتخرجي من الأوضة دي إلا لما أنا أقرر، ومفيش أكل. وقفل الباب عليها ومشي. *** فارس دخل لملك الأوضة وبصلها بحزن: عاملة إيه يا ملاكي؟ ملك: أحسن الحمد لله. فارس قعد جنبها على السرير وأخدها في حضنه: مش ناوية تحكيلي إيه اللي بيحصل بقى يا ملك؟ ملك: فارس، أنا تعبانة ومش قادرة أتكلم دلوقتي، من فضلك.

فارس: خلاص يا ملك، مش هضغط عليكي. انتي هتباتي في المستشفى النهاردة، وبكرة نمشي إن شاء الله. ملك: ماشي. فارس رفع وشها بإيده: ملك، أنا بحبك. ومال عليها وباسها برقة. ملك بعدت عنه بدموع: يا ريتني ما شفتك ولا دخلت حياتكم تاني. اخرج بره يا فارس، أنا عايزة أنام. ولفت وشها الناحية التانية. فارس بصلها بحزن: حاضر. أنا هسيبلك الفون هنا عشان لو عاوزاني. أنا هشوف أي أوضة أنام فيها. وباس دماغها وخرج.

ملك قعدت تعيط وشغلت أغنية. كانت حاسة إنها بتوصفها. "وفي ليالي عذابي معاك أنا مش لاحق أداوي جروح والأيام بتفوت وتروح وأفضل أعيشها حلاوة روح جوه في قلبي مليون آه في ليالي عذابي معاك كنت بكلم نفسي وأقول دايماً وأنا في مرار على طول أمتى هلاقي الحال معدول زي بقية خلق الله لياليك يا حرام يا حرام على لياليك كنت فين يا غرام كنت فين وأنا قلبي خالي وفي ليالي عذابي معاك أنا كان عقلي خلاص هيطير كله كلام ملوش تأثير

كنت بثبت قلب كبير من غير ما أسأل كل ده ليه وفي ليالي عذابي معاك كنت بعاند في الأيام كنت أنا بسهر وانت تنام واللي يشوفني يقول يا حرام حتى الصبر صعبت عليه لياليك يا حرام يا حرام على لياليك كنت فين يا غرام كنت فين وأنا قلبي خالي" قعدت تعيط لحد ما نامت. *** تاني يوم. ملك صحيت لقت باب الأوضة بيتفتح. افتكرته فارس، بس لقيتها نادين. ملك بغضب: انتي إيه اللي جابك هنا؟ اطلعي بره. نادين: كدن يا ملوكة، بتطردي مامي؟

ملك بعصبية: مامي إيه وزفت إيه؟ بره بقولك. مامي قال. ده أنا مبكرهش في حياتي قد انتي والحيوان اللي اسمه شكري. بره. فارس دخل على صوت زعيق ملك. فارس: في إيه يا ملكي؟