رواية ملاك الفارس الفصل الثاني عشر 12 - بقلم مريم حسني

فارس: في إيه يا ملك؟ ملك بعصبية: ما فيش حاجة، أنا عايزة أروح. نادين: ازيك يا فارس. فارس: ازيك يا طنط. في حاجة ولا إيه؟ نادين: ملك زعلانة يا سيدي، إني جاية أشوفها. ملك بغيظ: هتروحني ولا أروح لوحدي؟ فارس بحده: في إيه يا ملك، عيب كده. ملك بزعيق: هو إيه اللي عيب، روحني بقولك. نادين بزعل مصطنع: خلاص روحها يا فارس، ماك شكل أعصّبها تعبانة أوي. أنا همشي، عند إذنكوا. ومشت. فارس: أووف، في إيه بقى؟ بتكلمي مامتك كده ليه؟

ملك: ممكن تروحني ولا لأ؟ فارس بزهق: حاضر يا ملك، حاضر. أنا بجد مبقتش فاهمك. يلا. وأخدها وروحوا. *** فريد كلم ملك في الفون. فريد: أيوه يا ملك. ملك: إيه يا فريد؟ فريد: عاوز أسألك على حاجة. ملك: إيه؟ فريد: أنا شفت بنت امبارح، حلوة أوي اسمها ياسمين، تعرفيها؟ ملك: أه، في إيه؟ فريد: طب أنا معجب بيها. ملك: مالك يا خويا، دي متجوزة. فريد: نعم، متجوزة؟ إمتى دي؟ شكلها صغير جدًا. ملك: عمر متجوزة عمر. فريد: ابن عمي؟ ملك: أه.

فريد: عشان كده كان محموق أوي امبارح. ملك: نهارك أسود! هو شافك بتكلمها؟ فريد: أه. ملك: طب احمد ربنا إنك لسه عايش. فريد: هما اتجوزوا إزاي؟ ملك: ... فريد بزعيق: الحيوان! وإنتي عارفة كده وساكتة يا ملك؟ إزاي ما تبلغيش؟ ملك: ما تزعقش في وداني يا فريد، أنا تعبانة من امبارح وكنت في المستشفى. فريد بقلق: ليه، في إيه؟ ملك: نادين هانم جت امبارح. فريد: وبس بقى. هتعملي إيه؟ ملك: ما أعرفش. بس برحمة سارة، ليه هسيبها هي ولا شكري؟

فريد: شوقي؟ هدى بس يا ملك، وأنا معاك في أي حاجة. ملك: أفوق بس شوية من التعب اللي أنا فيه، وبعد كده نتكلم. أنت عايز حاجة؟ فريد: أه، هو سؤال واحد بس. هي ياسمين ملهاش قريب؟ ملك: هي ما تعرفش مامتها ميادة بتقول لي خليها، خليها واحدة بس، ما تعيطش. عايشة ولا ميتة. فريد: طيب تعرفي هي كانت عايشة فين؟ أي معلومات عنها. ملك: طيب، حاضر، هبقى أبعتلك. فريد: طيب، أنا هقفل دلوقتي عشان شكلك تعبانة. ملك: ماشي، سلام. ***

شكري: إيه جابك يا نادين؟ نادين بدلع: الله! إيه يا شكري، ما كنتش عايز تشوفني؟ شكري: اجري، عايزة فلوس، قولي واخلصي. نادين: بقي كده؟ تجوز البنت لابنك وما تقوليش؟ شكري بعصبية: نادين، كش هنستهبل؟ أنا قولتك من يوم موت سارة إني مش عايز أشوف وشك، يبقى متستهبلش وتيجي تنططيلي دلوقتي. نادين ببرود: اهدي شوية كده واسمعني. ملك اتجوزت ابنك ليه؟ أكيد مش لله والوطن، صح؟ شكري: لأ، عشان بيحبوا بعض، ريحي بقك. نادين: متأكد؟

أنت عارف ملك روحها كانت في سارة. شكري: عايزة توصلي لإيه؟ نادين: ملك جت هنا بمزاجها ولا أنت اللي قولتلها تيجي؟ شكري: جت بمزاجها. نادين ضحكت بخبث: طب اسمع بقى... *** فارس دخل بالأكل لملك. فارس: ملاكي، جبتلك الأكل والدوا. ملك: مش جعانة. فارس: راح قعد جنبها. عشان خاطري يا ملك، كلي وبعدين نتكلم في كل حاجة. إيه رأيك؟ ملك: عاوة أنام. اطلع بره. فارس: لا يا ملك، مش كل ما نيجي نتكلم تقوليلي اطلع بره. من حقي...

وقبل ما يكمل، ملك حضنت وشه بإيديها وبسته. ملك: بحبك. فارس ضحك: حد قالك قبل كده إنك مجنونة؟ ملك: أه، أنت. فارس باسها برقة: وأنا كمان بحبك. وباسها تاني وفضل يقرب منها أكتر، ومقدرش يتحكم في نفسه أكتر من كده. وملك كانت مستسلمة له ومحاولتش إنها تصده. كانوا هما الاتنين في عالم تاني، مش عايزين يعرفوا أي حاجة. كل اللي هما عايزينه إنهم يكونوا مع بعض. *** عمر فتح لياسمين، لقاها نايمة في الأرض، وعلى وشها أثر الضرب والعياط.

عمر: ياسمين، اصحي. ياسمين قامت مخضوضة: إيه؟ في إيه؟ ما عملتش حاجة. عمر: قومي تاخدي دش، ويلا عشان تاكلي. ياسمين بخوف: حاضر. وجيت تقوم، وقعت تاني. ياسمين: آه، مش قادرة أقوم يا عمر. عمر: مش فاضي لدلع يا ياسمين، قومي. ياسمين بعياط وخوف: مش قادرة والله، ما قادرة. مش قادرة أحرك رجلي خالص، والله مش حاسة بيها. معرفش مالي، أنا خايفة يا عمر. عمر بقلق: ياسمين، بتهزري ولا بتتكلمي بجد؟ ياسمين بانهيار: ما بهزرش والله.

عمر شالها بسرعة على المستشفى. عمر بقلق: مالها يا دكتور؟ الدكتور: خبر مش كويس. المريضة اتشلّت. عمر بصدمة: إيه؟ الدكتور: مفيش حاجة عضوية، بس أعتقد إنها نفسياً. أنصحك إنك تعرضها على دكتور نفسي. *** بحبك مش هقول تاني وعايزك وإنت عايزاني بحبك حب مش عادي مشاعري من زمان تاني وروحك ساكنة في روحي في قلبك شفت شرياني دموعك بتجري في عيوني وتذبل كل أحزاني وبفرح والحياة فرحة لو إنت راضية ومسامحة وضحكت شمسي في صباحي

عشانك ولا علشاني *** فارس بيلعب في شعر ملك. فارس: ها، إيه رأيك في الأغنية؟ عجبتك؟ ملك ضحكت: اممم، حلوة أوي. تعرف، أنا وأنت حكايتنا دي غريبة أوي بجد. فارس ابتسم: عندك حق. وبرضو فيها حاجات كتير مش واضحة ومحتاجة وضوح. ملك: عايز تعرف إيه؟ فارس: كل حاجة. ملك: كل حاجة؟ يعني هتصدقني؟ فارس: أكيد. ملك: هتصدقني لما أقولك إن أبوك اللي هو عمي، اغتصب أختي سارة؟ *** تبع الفصل الثالث عشر والأخير