رواية ملاك الجاسر الفصل الخامس والعشرون 25 - بقلم الكاتبة المجهولة

فرعون ضحك مكررًا: ههههههه اصرفوا له شيك مكافأة بمليون جنيه. اللي قتل الغالي. قاسم اتنقل عالمستشفى على طول بعد ما نبضات القلب كانت على وشك إنها تقف. جاسر جرى بعربيته. وعمر اللي أول ما سمع الخبر مستناش وطلع جرى زي المجنون. الخبر انتشر بسرعة في الصحافة إن من كبار رجال الأعمال انضرب طلقة في صدره، فده أكيد من فعل فاعل. في الوقت ده أسر كان في اجتماع وفجأة سمع الخبر. أسر اتنفض من مكانه وجرى. كلهم قعدوا على أعصابهم.

قاسم دخل أوضة العمليات والكل متوتر في حالة صدمة. بعدها بربع ساعة أو أكتر البنات دخلوا وكانوا ملاك وحنين ونور، كلهم باين عليهم الفزع. عمر كان لأول مرة خالي من المشاعر، قلبه بينبض بسرعة. أسر كان باصص للفراغ. كان الصمت محاوط المكان لحد ما قطع الصمت ده خبر وقع عليهم زي الصاعقة. الدكتور: البقاء لله، مقدرناش ننقذه. الطلقة كانت في القلب ومقدرش، لأن عمره كبير. البقاء لله. وسابهم ومشي.

دموع أول حد سبقتهم حنين، وبعدها ملاك ونور اللي قعدت على الأرض وقعدت تعيط. عمر مكانش شايف قدامه. جاسر اللي من الصدمة قعد مكانه وحط إيده على راسه. أسر دمعته نزلت لأول مرة. الحزن عم المكان. وراح قاسم اللي كان ماسك لقب اسم السيوفي. الخبر انتشر في كل مكان. حادث قاسم السيوفي الذي تم قتله عن فعل متعمد. الجنازة تم. واقفين بياخدوا العزاء لقوا فرعون داخل عليهم. فرعون سلم على أسر وجاسر ودخل لقى عمر في وشه.

عمر لأول مرة يبص في عينه، وكأن فرعون انتصر. عمر اتأكد إنه هو اللي قتل أبوه. فرعون من غير قصد ابتسم وقال: البقاء للأقوى يا عم. عمر، متعيطش. عمر وبدون سابق إنذار وسط أكتر من ٣ آلاف شخص طلع سلاحه وطلقته كانت سابقاه في راس فرعون. الكل كان مصدوم. هو إيه اللي بيحصل؟ إيه ده!!! فرعون وقع وكان بينزف وغرقان في دمه جامد. إيه ده بجد!!!! جاسر بص له بصدمة كبيرة: أنت عملت إيه!!!! مازن جوز تمارا بص له بحزن شديد وأسف وحط

في إيده الكلبشات وقال له: مكانش ليها لازمة ده. عمر مردش، كان باصص لفرعون اللي مات وبس. بدل ما كان مكان عزا بقى اتنين. عمر راح السجن تحت التحقيق. الكل عرف جوه حنين إنهارت أكتر ومعاها ملاك وتمارا اللي من كتر الصدمة أغمى عليها. ونور كانت تايهة أوي، هو إيه اللي بيحصل ده!!!!! إنجي دخلت بيت السيوفي وداخلة تعزي. لسه هتخطي عتبة الباب تمارا طلعت جرى قبل ما

تدخل وحاوطت الباب وقالت: الناس البجحة مش مسمحولهم يدخلوا البيت الطاهر ده.