رواية ملاك الجاسر الفصل الرابع عشر 14 - بقلم لولو وائل

ذهب جاسر ويوسف والفتاتان إلى القصر. سالم ونرمين بصدمة: روفان. نرمين وأخذت ملاك في أحضانها: روفان حبيبتي وحشتيني أوي. ملاك: مين حضرتك؟ نرمين: انتي متعرفنيش يا بنتي. ملاك: أنا أول مرة أشوف حضرتك النهارده. سالم: روفان حبيبتي انتي نسيتينا ولا إيه. ملاك: بصراحة أنا أول مرة أشوف حضرتك. جاسر: ملاك تعالي. داليا: طنط نرمين دي مش روفان دي ملاك. نرمين: ملاك مين دي روفان. جاسر: لا دي ملاك مراتي. سالم: إزاي يعني دي روفان.

ملاك: هو حضرتك أبو روفان؟ بص يا عمو أنا مش روفان أنا ملاك بشبهها أوي لكن مش هي والله. سالم: طيب يا بنتي. جاسر: اتفضلوا بقى. سالم: إنت بتطردنا ماشى شكراً يا جاسر. ملاك: خليك يا عمو انت نورت والله عيب كده يا جاسر إزاي تطرده كده. جاسر: أمال عايزاني أعمل إيه في اللي موتوا أهلي. ملاك: هما معملوش حاجة. جاسر: إزاي يعني انتي عرفتي منين. ملاك بتوتر: احم هو بصراحة مش مهم بس مهما كان في حد موجود في بيتك مينفعش تطرده.

داليا: ملاك جاسر هيتعصب عليكي بلاش العند ده. سالم: خلاص يا بنتي كتر خيرك احنا ماشيين يلا يا نرمين. نرمين: ماشي. فوزيه في بالها: يا حلاوة دي حكاية شكلها حلوة إزاي يعني روفان وملاك شبه بعض أنا مشفتش روفان قبل كده بس أكيد في صورة ليها هنا أنا لازم أشوف شكلها علشان لو كده اللعبة هتحلى. ملاك: أنا طالعة الأوضة. داليا: ماشي روحي. ذهب جاسر وراها وكان غاضب. داليا: جاسر اهدى ومتتعصبش عليها علشان خاطري. جاسر بهدوء: حاضر.

صعد جاسر للغرفة. جاسر: ملاك. ملاك: نعم. جاسر: انتي كنتي ليه بتدفعي عن الراجل ده ها ليه. ملاك: مش مهم تعرف. ذهبت لتنام. تاني يوم استيقاظ أبطالنا الروتين اليومي. فوزيه: جاسرررر. جاسر: نعم في إيه. فوزيه: جانا مجتش من امبارح. جاسر: هتكون راحت فين يعني. فوزيه: هي لما كانت معاك في الشغل ومجتش تاني. جاسر: إزاي يعني. داليا: أهي جت. فوزيه: كنتي فين يابنتي. جانا: مش مهم أنا داخلة أنام. جاسر: مش بنكلمك كنتي فين.

جانا: بتسأل لي هيهمك في حاجة. جاسر: كلمي عدل. جانا: أنا مش عايزة أتكلم أصلاً أنا طالعة أوضتي. تركتهم وذهبت إلى غرفتها. جانا: مش هسيبك يا ملاك وهاخد حقي منك. في الأسفل. ملاك: أنا مش هروح النهارده. جاسر: ليه. ملاك: حاسة إني تعبانة شوية. جاسر بخوف: أجيبلك دكتور. ملاك: لا هرتاح بس انهارده. جاسر: ماشي أنا ماشي يلا يا داليا. داليا: ماشي. ذهب كل من جاسر وداليا وتبقى ملاك. ملاك: أنا طالعة أوضتي. فوزيه: ماشي يا حبيبتي.

في الغرفة. ملاك: أنا كنت خايفة جاسر يعمل حاجة لندي علشان قالتلي الحقيقة كلها. رن هاتف وكانت نور. نور: ملاك عاملة إيه وحشتيني. ملاك: وانتي أكتر والله رجعتي ولا لسه. نور: اه رجعنا. ملاك: طب هو أنا ينفع أشوفك. نور: ماشي هيجيلك في البيت. ملاك: لا أنا روحت بيت تاني هبعتلك العنوان. نور: عزلتِ إمتى. ملاك: تعالي وهفهمك كل حاجة. أغلقت الهاتف وذهبت. تفاجأت بلقصر وجماله. دخلت نور. نور: لو سمحتي. فوزيه: نعم يا حبيبتي انتي مين.

نور: هي ملاك موجودة. فوزيه: أه يا حبيبتي اطلعلها اوضتها فوق. نور: ماشي شكراً. وصعدت إلى الغرفة واستقبلتها ملاك. ملاك: وحشتيني أوي. نور: بس إيه المكان الجامد ده ومين الست الغريبة اللي تحت دي. ملاك: بصي يا ستي وحكتلها كل حاجة مرت عليها في هذا القصر. نور: يلهوي كل ده في غيابي بس أنا سمعت اسم روفان ده قبل كده. ملاك: فين.

نور: لما سافرت طبعاً انتي عارفة إني بروح باريس كل مدة ومدّة كان فيه بنت هناك اسمها روفان وكانت شبهك الخالق الناطق أنا افتكرتها انتي ولما سألتها انتي مين قالت اسمها روفان واكلمت معاها شوية ولما رجعت معرفش عنها حاجة. ملاك: يعني انتي قصدك إن روفان عايشة. جاسر بصدمة: إيه.