رواية ملاك الجاسر الفصل الثاني عشر 12 - بقلم لولو وائل

ملاك: كنت عايزة أقولك على حاجة مهمة. جاسر: قولي. ملاك: بص الأول متفهمنيش غلط. جاسر: مش هفهمك غلط، قولي بقى. ملاك: ماشي. أنا كنت معدية النهاردة آدم أوضة طنط فوزية وجانا وسمعتهم بيتكلموا عن خطف. عندما سمع جاسر عن الخطف، عارف أن مالك محق وأن هناك أحد في عائلته يريد أن يخطف ملاك وأن شكه صحيح بجانا. جاسر: قولي سمعتي إيه بالتفصيل.

ملاك: بص، سمعت جانا بتقول لطنط فوزية إن في حد غريب كلمها وقالها تساعده في خطف حد مقابل إنها تبقى معاه، بس مسمعتش اسم اللي هيتخطف بصراحة. وجانا قالتله ماشي وهي مستنية رنة منه علشان يقولها هيتقابلوا فين. جاسر: حلو، أي الكلام ده؟ يعني شكي طلع صح. ملاك: أنا مش فاهمة حاجة. جاسر: هفهمك بعدين. بس لو عرفتي حاجة تاني تعالي قوليلى. ملاك: ماشي، تصبح على خير. جاسر: وأنتِ من أهله.

أتى يوم جديد واستيقظ جاسر وفعل روتينه المعتاد، وملاك أيضاً. ولكن هذه المرة لم ينزل جاسر إلى الأسفل دون أن يأخذ معه ملاك. ونزل معها تحت نظرات حقد وكره من جانا وفوزية أيضاً. ملاك: صباح الخير. فوزية: صباح النور يا حبيبتي، رايحة فين على الصبح كدة؟ ملاك: أنا رايحة الشغل. فوزية: شغل إيه ده يا حبيبتي؟ جاسر: ملاك بتشتغل معايا. فوزية (في بالها) : يا بنت النصحة، عايزة تلمي كل حاجة لوحدك، ده بعينك! أقتلك زي ما عملتها زمان.

فوزية: ماشي يا حبيبتي. طب ما تشوف شغالة لجانا معاك. جاسر: لو هي عايزة مفيش مشكلة. جانا: معنديش مشكلة طول ما أنا هفضل جنبكم. ملاك (بغيرة وفي سرها) : إيه البت اللزقة دي، أوف! جانا: مالك يا ملاك، اضايقتي ولا إيه؟ ملاك: لا أبداً، يلا بقى ولا إيه؟ جاسر: ماشي، يلا. وذهبت إلى السيارة وجلست جانا بجانب جاسر. جاسر: إلى معادك هنا، روحي ورا وهاتي ملاك. جانا: وفيها إيه لما أقعد جنبك؟

جاسر: مش بحب الجدال، قولت أقعدي ورا وهاتي ملاك. جانا (بغضب) : حاضر. وتبادلت الأماكن وذهب إلى الشركة وذهبت كل بنت إلى عملها. ندي: ملاك وحشتيني، عاملة إيه؟ ملاك: الحمد لله، وأنتي أكتر والله. معلش مجتش امبارح علشان كان في ضيوف، فقلت أوضب الدنيا وكده. ندي: ولا يهمك. جانا: أنتي يا بت! ندي: نعم؟ عايزة حاجة؟ جانا: إيه نعم دي؟ وبعدين اسمها حضرتك، أنتي متعرفيش أنا مين؟ ندي: هتكون مين يعني؟ ملاك: جانا عايزة إيه؟

جانا: إيه ده، لقيتي مكانك الصح؟ ندي: ملاك مين البت الرخمة دي؟ جانا: احترمي نفسك بدل ما أرفدك من هنا. ندي: مين أنتي عشان ترفديني؟ وسمع جاسر الجدال وذهب إلى الخارج. جاسر: في إيه بيحصل هنا؟ جانا: الحقني يا جاسر، البت دي بتشتمني وبتهددني. ندي: والله محصل. جاسر: إيه اللي حصل يا ملاك؟ ملاك: كل اللي حصل إننا كنا في حالنا وجانا جت وقلت أدبها على ندي وكمان بتقولها هرفدك من الشركة. جانا: أنتي كدابة، أنتو بتتحامو في بعض.

يوسف: أنتي اللي كدابة، أنا سمعت كل حاجة. جاسر: امشي يا جانا. جانا: يعني إيه؟ هتمشيني عشان دول؟ جاسر (بغضب) : امشي يا جانا ومتجيش الشركة تاني، فاهمة؟ جانا (بغضب من ملاك) : فاهمة. وذهبت جانا وهي توعد لملاك. جاسر: كل واحد على شغله يلا. وذهب إلى مكتبه واتبعه يوسف. يوسف: أنت جبتها معاك ليه؟ جاسر: عشان أراقب تحركاتها. يوسف: ليه؟ جاسر: هي اللي كلمت في التليفون امبارح وشكي طلع صح، وإنها كانت بتتفق مع حد عشان يخطفوا ملاك.

يوسف: إزاي؟ جاسر: ملاك وداليا سمعوها وهي بتكلم خالتي وقلتلها كده. يوسف: البت دي مش سهلة. جاسر: خلاص مش مهم، كنت عايزني في إيه؟ يوسف: عايزك عشان الصفقة الجديدة. جاسر: مالها؟ يوسف: هتبقى تبع سالم الشرقاوي. جاسر: يعني إيه؟ وإزاي محدش يقولي؟ بعدين سالم شركته بتخسر، يبقى معاه فلوس منين؟ يوسف: هو ده بقى اللي كنت جايلك عشانه. جاسر: مش فاهم. يوسف: سالم ده يبقى جوز خالتك. جاسر: أنت جاي تهزر؟

يوسف: لا والله بجد، مش بهزر. خالتك فوزية اتجوزته في السر بعد ما جوزها مات، وادته شركت جوزها وفلوسه، عشان كده بقى معاه فلوس تاني. بس مراته الأولى متعرفش حاجة عن الموضوع ده. جاسر: طب ما أنت حلو وشغال أهو. يوسف: عشان تعرف إن جوز أختك أداها. جاسر: بقيت جوز أختي خلاص. يوسف: يا عم خلاص، هانت، كلها كام يوم. جاسر: ماشي يا خويا، في حاجة تاني ولا لأ؟ يوسف: آه. جاسر: في إيه تاني؟ يوسف: عرفنا مين اللي كلم جانا. جاسر: مين؟