رواية ملاك الجاسر الفصل الثالث والأربعون 43 - بقلم لولو وائل

عاصم بخوف: مالك يا روح؟ مالك معيطة كده ليه؟ لى عاملة في نفسك كده؟ لى؟ روح بتعب من كتر العياط: عاصم، ممكن تسيبني شوية لوحدي؟ معلش. عاصم: لا، مش همشي غير لما أعرف في إيه. دخلت أسيل ولقيت عاصم قاعد مع روح. أسيل: أهلاً! انت جيت؟ طبعاً حبيبة القلب اللي لازم تسأل عليها الأول هي روح، صح؟ وكمان أكيد قالت لك إن أنا السبب في كل حاجة، صح؟ عاصم: السبب في إيه؟ أنا مش فاهم حاجة، فهموني. روح: أنا هفهمك. أسيل: لا، أنا اللي هفهمك.

روح بعصبية وزعيق: مش معنى إني سكت مرة هسكت على طول. عايز تعرف اللي حصل؟ أنا هقول. وحكت روح كل حاجة. أسيل: إنتي كدابة على فكرة يا عاصم. روح كانت هتأذي مليكة. عاصم: الكلام ده صح؟ روح: عاصم، إنت عارف أنا بحب مليكة قد إيه؟

وبعتبرها أكتر من أخت ومستحيل أعمل حاجة تأذيها. بس بسبب كره أسيل ليا ألفت قصة من دماغها كالعادة. بس أنا مش هسكت يا أسيل، لو فضلتِ كده يبقى متلوميش غير نفسك. مش كل مرة هشيل غلطك وأسكت وأستحمل، إنتي فاهمة؟ أسيل: حلو أوي الكلام ده. إنتي بتكرهي أخويا كمان؟ في إيه البجاحة اللي إنتي فيها دي؟ عاصم: باااس! إنتو الاتنين!

أسيل، متتماديش. أنا عارف إنك مش بتحبي روح، وأنا وإنتي عارفين السبب إيه. عشان كده اعتذري من روح وادخلي أوضتك. أسيل: بس يا عاصم! عاصم بعصبية: مفيش بس! اعتذري ويلا على أوضتك. أسيل بحزن وكره: أنا آسفة. وراحت على أوضتها مضايقة بسبب أخوها. أسيل: والله ما هسيبك يا روح، وجاسم هيبقى ليا أنا مش ليكي. عاصم: خلاص يا روح، أهدي ومتزعليش. روح: أنا بس عايزة أعرف ليه أسيل بتكرهني كده. عاصم: موضوع مش مهم، ارتاحي إنتي عشان شكلك تعبان.

روح: ماشي، تصبح على خير. عاصم: وإنتي من أهل الخير. خرج جاسر والباقي من الشركة وكل واحد راح بيته. عند يوسف. يوسف: عاملة إيه يا داليا؟ داليا: الحمد لله يا حبيبي. ادخل غير وثواني وهتلاقي العشا جاهز. غير يوسف هدومه واتعشوا، وبعدها قعدوا شوية. يوسف: أمّال فين ياسمين؟ داليا: فوق في أوضتها. يوسف: في حاجة حصلت ولا إيه؟ داليا: لا، مفيش. هي جت وطلعت على أوضتها ترتاح وكمان تذاكر. يوسف: ماشي. وحازم فين وحمزة؟

حمزة: أنا هنا يا أوفه. يوسف: تصدق وتؤمن بالله؟ أنا أبوك، المفروض تقول لي يا بابا. حمزة: خلاص بقى يا أوفه، متحبكهاش. يوسف: هو اللي عملتوه في جاسر هيطلع عليا ولا إيه؟ فين حازم؟ حازم: أنا هنا يا بابا. حمد الله على السلامة. يوسف: الله يسلمك. مالك؟ شكلك مدايق. حازم: مفيش، ضغط الشغل وكمان خناقات عاصم وجاسم. يوسف: جاسم ده لوحده جبل، ده أبو طلع طيب عنه. داليا: صح، نسيت. بكرة عيد ميلاد مليكة وملاك كلمتني عشان نروح.

يوسف: عندك شك إننا مش هنروح يعني؟ حمزة: أكيد لا، عشان أشوف لوكا صح يا زومي؟ حازم: تصدق، يلا إنك رايق. أنا طالع أنام. حمزة: خدني معاك. يوسف: أنا حاسس إن حازم مش أخو حمزة. داليا: تصدق، في حاجة غلط. يوسف: يلا ننام، أنا جعان نوم. داليا: يلا يا حبيبي. عند نور ونادر. نور: إنت جيت يا حبيبي. نادر: أه يا حبيبتي، أخبارك إيه؟ نور: الحمد لله يا حبيبي. غير ويلا عشان تاكل. نادر: بصراحة، أنا كلت ومش قادر. نور: ماشي، خلاص.

نادر: سلمى فين؟ سلمى: أنا هنا أهو. نادر: عاملة إيه يا حبيبتي؟ سلمى: الحمد لله يا بابا. نادر: عاملة إيه في دراستك؟ سلمى: تمام، ماشية. نادر: أوعى يكون في حد كده ولا كده. سلمى: لا يا بابا، متخافش. نادر: ماشي، يلا روحي أوضتك. سلمى: حاضر، عن إذنكم. راحت سلمى أوضتها وهي لسه بتفكر في روح. نور: إنت سألتها السؤال ده؟ إيه؟ إنت في حد في بالك ليها يعني؟ نادر: عاصم. وليد: أنا آسف يا بابا، بس عاصم مش هينفع لسلمى.

نادر: ليه بتقول كده؟ وليد: بابا، عاصم بيحب واحدة تانية. نور: أه، فعلاً عرفت الكلام ده. بيحب مليكة تقريباً. وليد: أه. نادر: ده بيحبها من امتى؟ وليد: من الطفولة. نادر: إزاي جاسر ما يعرفش؟ وليد: هو جاسم اللي منعه عشان بيحب مليكة أوي. نادر: هو فعلاً جاسم صعب أوي بجد. نور: وبعدين، سلمى أكيد مش هتوافق عليه. سيبها براحتها وبلاش نجبرها على حاجة. نادر: ماشي. نور: بكرة عيد ميلاد مليكة، وملاك عزمتنا. نادر: تمام، ماشي.

وليد: تصبحوا على خير. نادر ونور: وإنت من أهله. وناموا كلهم، وجه تاني يوم بأحداث جديدة. في قصر الهواري. ملاك: صباح الخير يا حبيبي. جاسر: صباح النور يا حياتي. ملاك: ثواني وهحضرلك الفطار. جاسر: ماشي يا حبيبتي. بعد شوية جهزوا الفطار وكلهم نزلوا عشان يفطروا. أسر: صباح الخير يا بابا. جاسر: صباح النور يا حبيبي. أمّال جاسم ومليكة فين؟ أسر: كسلانة هانم لسه مفقتش، وجاسم راح الشغل عشان يعرف يخرج بدري.

مليكة: صباح الخير يا باباتي. جاسر: صباح الخير يا حبيبي. أسر: كسلانة هانم صحيت، يا فرج الله. مليكة: أنا مش كسلانة، بعد إذنك. ملاك: خلاص يا ولاد، كل سنة وإنتي طيبة يا روحي. مليكة: وإنتي طيبة يا أجمل ماما في الدنيا. جاسر: كل سنة وإنتي طيبة يا قلب بابا. مليكة: وإنت طيب يا أحلى بابا في الدنيا. فين هديتي؟ جاسر: بليل. مليكة: والأستاذ مش هيعيد عليا ولا إيه؟ أسر: كل سنة وإنتي طيبة. مليكة: وإنت طيب يا حبيبي. فين الهدية؟

أسر: بليل. مليكة: ماشي، أنا طالعة أوضتي. أسر: تصدقي، نسيت إن النهارده إجازة. كنت هقولك مش هتروحي الجامعة. مليكة: صباح الخير. مشي جاسر وأسر راحوا الشغل، وملاك ومليكة وبيجهزوا البيت. وجوم البنات يعيدوا مع مليكة، ما عدا أسيل. مليكة: روح، عاملة إيه يا روحي؟ روح: الحمد لله. مليكة: لسه زعلانة؟ روح: لا، أنا كويسة. مليكة: أسيل مجتش معاكي؟ روح: أسيل مقاطعاني أصلاً. مليكة: ربنا يهديها.

والباب خبط وراحت مليكة تشوف مين، ولقيت واحد داخل بفستانين كتير. مليكة: لمين دول؟ ومين اللي جابهم؟ الراجل: جاسم بيه هو اللي جابهم وبعتهم ليكو، وكل فستان كاتب جنبه اسم البنت. مليكة: ماشي، طالعهم فوق. الراجل: حاضر. سلمى: مين ده؟ مليكة: جاسم جابلنا فساتين للحفلة. سلمى: ونبي، جاسم ده راجل جدع. كنت لسه بفكر هلبس إيه. مليكة: هههه، طب يلا نجهز نفسنا عشان مفيش وقت. طلع البنات يشوفوا كل واحدة وفستانها.

مليكة: بجد الفساتين جميلة أوي. روح خدت فستانها، لقت جنبه كارت. فتحت الكارت. (أنا آسف، مكنتش أقصد أزعلك. أرجوكي سامحيني.) ابتسمت روح لما قرأت الرسالة، ومليكة شافتها. مليكة: بتضحكي على إيه؟ رسالة حب ولا إيه؟ وريني. وخدت منها مليكة الرسالة وقرأتها. مليكة في سرها: ده ومش بيحبها، أومال لو بيحبها بقى. روح: مليكة، يا مليكة، روحتِ فين؟ مليكة: أنا هنا أهو. أوعي تزعلي منه، هو مكنش قصده. روح: خلاص، حصل خير. يلا نجهز.

مليكة: يلا. وكل البنات جهزوا، والشباب رجعوا من الشغل وجهزوا ونزلوا الحفلة. مريم: الله يا مليكة، بجد شكلك جميل أوي. مليكة: وإنتي كمان قمورة أوي. رنا: بعتي لأسيل فستانها؟ مليكة: أه، بس مقولتلهاش إننا جالنا زيها. روح: ليه؟ مليكة: عايزة أتأكد من حاجة. وخدت روح مليكة ووقفوا بعيد. روح: إنتي شاكة في إيه يا مليكة؟ مليكة: هقولك، بس اوعديني متقوليش لحد. روح: أوعدك. مليكة: أنا شاكة إن أسيل بتحب جاسم. روح: إيه؟ مستحيل!

أسيل ساعات بتعمل تصرفات غريبة، بس لا، مستحيل تعمل كده. مليكة: مش عارفة، هنشوف النهارده إيه اللي هيحصل. روح: ماشي، يلا ننزل بقى. مليكة: ماشي. (مليكة كانت لابسة فستان فضي واسع وطرحة فضي فضي وجزمة مزيج بين الفضي والأبيض) (روح كانت لابسة فستان دهبي واسع وسمبل وطرحة دهبي وجزمة بيضا) (مريم كانت لابسة فستان أحمر متوسط وسمبل وطرحة بيضا وجزمة بيضا) (سلمى كانت لابسة فستان روز ضيق وطرحة روز وجزمة بيضا)

(رنا كانت لابسة فستان بينك متوسط وطرحة بينك وجزمة بيضا) (ملك كانت لابسة فستان نبيتي ضيق وطرحة نبيتي وجزمة بيضا) (مريم كانت لابسة فستان اوف وايت واسع وطرحة اوف وايت وجزمة بيضا) مليكة: يلا بينا يا بنات. ونزلوا البنات، والكل كان مبهور بجمالهم، وفيه كان بيحقدوا عليهم. جاسر: إيه الحلاوة دي. ملاك: والله يا بابا إنت إلى قمر. جاسر: كل سنة وإنتي طيبة يا حبيبتي، وادي هديتك. مليكة بفرحة: الله! لاب توب جميل أوي، شكراً يا بابا.

جاسم: وأنا هديتي في أوضتك. مليكة: لما أطلع هشوفها. وشكراً على الفساتين. جاسم: في واحدة بتشكر أخوها. جاسم: كنت عايز أعتذر بس. مليكة: هههه، طب روح. راح جاسم لروح. جاسم: روح، ممكن أتكلم معاكي؟ روح: اتفضل. جاسم: بصراحة. روح: أنا خلاص سامحتك. إنت مش ملزم تعتذر تاني. جاسم: بجد؟ مش عارف أقولك إيه. روح: ولا حاجة. كنت عايز حاجة تانية؟ جاسم: شكلك حلو أوي. روح بكسوف: شكراً. وجت أسيل في اللحظة دي. أسيل: إزيك يا جاسم؟

شكراً على الفستان. جاسم: العفو. روح: طب، أنا همشي بقى. ومسك جاسم إيدها عشان متمشيش.