رواية ملاك الجاسر الفصل السادس والأربعون 46 - بقلم لولو وائل

حازم بزهول: أنت بتحب بجد؟ عاصم: مين سعيدة الحظ؟ جاسم: مش لازم تعرفوا. حمزه: أنا عارف أقول. حازم: مين يا حمزه؟ حمزه: أقول يا جاسم. جاسم في باله: تيجي من حمزه أحسن ما تيجي مني. جاسم: قول. حمزه: جاسم بيحب أسيل. مليكه في بالها: يخربيتك! عكيت الدنيا، البت هتصدق. حازم قام من القعدة وهو زعلان وطلع أوضته، وأدهم طلع وراه. ياسمين: إيه اللي حصل؟ حازم طلع ليه؟ جاسم في باله: معقول حازم بيحب أسيل؟ الله يخربيتك يا حمزه الكلب.

مليكه: حمزه تعالى. حمزه: في إيه؟ مليكه: تعال بس، عايزك في حاجة. وراح حمزه ومليكه يتكلموا في حتة تانية. مليكه: أنت عارف إن جاسم بيحب روح، ليه قلت أسيل؟ حمزه: أنا اتلخبطت بس ملحقتش أقول لقيت حازم طلع. مليكه: هنعمل إيه في العك ده؟ حمزه: مش عارف. جاسم بعصبية: حمزه حمزه. حمزه بخوف: أيوا. جاسم: إيه اللي أنت هببته ده؟ حمزه: أنا مكنش قصدي والله. أسيل: في إيه يا جاسم؟ أنت خايف عشان اعترفت بحبك ليا؟ وإيه المشكلة؟

جاسم: اسكتي أنتي. مليكه: في إيه يا جاسم؟ مالك قلبت ليه؟ جاسم: لازم الكل يعرف الحقيقة. أسيل: حقيقة إيه؟ جاسم: حازم فين؟ حااااازم يا حااااااااازم. حازم: فين إيه؟ مالك يا جاسم؟ جاسم: تعالى أنت وأدهم. ونزلوا هما الاتنين. أسيل: في إيه يا جاسم؟ جاسم: أنا هقولك. في أنا عارف يا حازم أنت زعلت من إيه. أنا مش بحب أسيل يا حازم، أنا مش بحب أسيل، أنا بحب حد تاني.

حازم: جاسم، أنا معنديش مانع لو أنت بتحب أسيل، مش هفارقوا عن بعض لو أنتوا بتحبوا بعض. جاسم بعصبية وزعيق: قولت أنا مش بحب أسيل، افهم بقى! أنااا بحب روح، سمعتني؟ أناااا بحب روح. أسيل بصدمة: إيه؟ روح سابته وطلعت على الأوضة، والبنات طلعوا وراها. حازم: أنت بتقول إيه؟ أنت بتحب روح من امتى؟ جاسم: مش مهم تعرف. كل اللي أنا عايز تعرفه إنّي عمري ما حبيت أسيل ولا عمري هحبها.

حازم: مش هتفرق يا صاحبي، أسيل عمرها محبتني، أسيل بتحبك أنت. عاصم: مش ملاحظين إنكم بتتكلموا عن أخواتي؟ جاسم: أنا عارف يا عاصم إني أسيت عليك عشان تاخد مليكه، بس كان غصب عني. عاصم: مبقتش فارقة، مليكه مش بتحبني أصلاً. حازم: جاسم، هي روح بتبادلك نفس الحب ده؟ جاسم: معرفش. عاصم: جرب. جاسم: أنت اللي بتقول كده؟ وأنا أكتر واحد أذيتك. عاصم: لا يا جاسم، أنت مأذيتنيش، أنت عملت الصح. مليكه عمرها محبتني. حمزه: إيه الشباب البائس ده؟

كل واحد حببته منفضاله. وأنا أعمل إيه بقى؟ حازم: أنت تخرص خالص. حمزه: حاضر، الله. عند البنات. مليكه: مالك يا روح؟ روح: مفيش حاجة. مريم: روح، أنت بتحبي جاسم؟ ملك: أه بجد يا روح، أنتِ بتحبي جاسم؟ روح في بالها: مش عارفة أنا بحبه ولا لأ، بس ليه اضايقت لما حمزه قال إن جاسم بيحب أسيل؟ ممكن أكون بحبه؟ لأ يا روح، أختك بتحبه، مينفعش أعمل كده. ملك: أنتِ يا بنتي ردي، هتفضلي ساكتة كده؟ جاسم: مش بتردي ليه يا روح؟ ملك: جاسم، أنا...

جاسم: أنا فعلاً عايز أعرف إذا كانت روح بتحبني ولا لأ. روح: لا رد. جاسم: ردي يا روح عشان خاطري. روح: لارد. جاسم بعصبية وزعيق بسبب سكوت روح: ردي يااااا روح بقى. روح: لااا أنا مش بحبك، مش بحبك فاهم. ساب جاسم الأوضة وخرج وهو زعلان. مليكه: روح، أنتِ بتكدبي، أنا عارفة إنك بتحبيه صح؟ روح: مليكه، ممكن تسبيني لوحدي؟ وانتوا كمان يا بنات معلش. البنات: حاضر. وخرجوا البنات. قفلت روح الباب وقعدت تعيط على السرير. عند البنات.

مليكه: أسيل، أنتِ ضغطتي على روح. أسيل: لا، معملتش حاجة. هي مش بتحبه، وبعدين الحب مش بالعافية، الله. وسابتهم أسيل وراحت أوضتها وهي فرحانة أوي. مليكه: أنا واثقة إن روح بتحبه. عند الشباب. حازم: بجد الحب ده جوانبه السيئة فيه أكتر من الحلوة. أنا مقدر زعل جاسم لما البنت اللي يكون بيحبها تسيبه، بس أنا غير، أنا البنت اللي حبتها بتحب غيري. عاصم: هو إحنا نحس ولا إيه؟ حمزه: لا، أنتوا بائسين. ومشى عاصم وحازم يدوروا على جاسم.

الشباب لحمزه: اسكت يلا. حمزه: حاضر، طب هتعملوا إيه؟ أدهم: إحنا لازم نساعد جاسم وحازم وعاصم عشان يوصلوا لحبهم. حمزه: إزاي بقى؟ هتقعدوا مع البنات؟ وليد: لا، هنخلي بنت من البنات تساعدنا. حمزه: مين اللي هيساعدنا؟ مريم: أنا. ملك: وأنا. رنا: وأنا. سلمى: وأنا. ياسمين: وأنا. حمزه: إحنا قلنا بنت، مش قبيلة. وليد: يا عم اتنيل! ماشي، متقوليش حاجة لمليكه ولا أسيل ولا روح، تمام؟ البنات: ماشي.

آدم: ولا حازم يعرف، ولا عاصم، ولا جاسم برضو. البنات: ماشي. أسر: بصوا، إحنا عايزين نراقب أسيل. آدم: اشمعنا؟ ياسمين: أسيل بتحب جاسم، ممكن تكون قالت كده لروح عشان تبعد عن جاسم. أسر: والحل إن نخلي أسيل تحب حازم عشان تسيب جاسم في حاله، وساعتها روح هتعترف بحبها لجاسم. أدهم: طب ومليكه وعاصم؟ أسر: الحل إن عاصم ميديش رد فعل لمليكه ويطنشها عشان هي تهتم، ميبقاش مدلوق، فهمتوا؟ الشباب والبنات: تمام. أسر: يلا ننام بقى.

الجميع: ماشي. وناموا كلهم، وراح حازم وعاصم عند جاسم. حازم: أهدى يا جاسم. جاسم: هي ليه عملت كده؟ أنا عارف إنها بتحبني، أنا واثق. حازم: معلش يا صاحبي، كلهم كده، متزعلش. عاصم: يلا نروح بقى. جاسم: ماشي، يلا. روحوا البيت وكلهم ناموا، وجه يوم جديد. مليكه: صباح الخير، يلا الفطار جاهز. جاسم: ماليش نفس. ومشى جاسم وحازم وعاصم. مليكه: يارب اهديهم يارب. روح: وأنا كمان مش عايزة آكل، أنا طالعة أوضتي. وراح باقي الشباب للشركة.

في مكتب وليد. وليد: سارة، ابعتيلي أدهم. سارة: حاضر، بس الصفقة الجديدة حضرتك نسيتها؟ وإن جايه صاحب الشركة اللي في باريس. وليد: ماشي. وراحت سارة وقالت لأدهم إن وليد طالبه في مكتبه، وخبط أدهم على الباب. وليد: ادخل. أدهم: نعم، كنت عايزني في إيه؟ وليد: تعال اقعد، كنت عايزك عشان الصفقة الجديدة. أدهم: أه، بتاعت الشركة اللي في باريس. وليد: أه. أدهم: هو صاحب الشركة هيجي يشتغل هنا الفترة الجاية؟ وفيه صفقة بينا وبينه.

وليد: تعرف اسمه؟ أدهم: لا، محدش يعرف اسمه. وليد: ماشي، روح على مكتبك. وجه اتصال لوليد، خلص الاتصال وقفل. وليد: الراجل جاي النهارده. أدهم: إيه السرعة دي؟ ليه؟ وليد: مش عارفة. أدهم: ربنا يستر. في مكان آخر بباريس. = أنا جاي وهنتقم لأمي منك يا جاسر يا هواري.