رواية ملاك الحياة الفصل الأول 1 - بقلم داليا منصور

الأم: -ملاااك اصحي بقي هتتأخري على الجامعة انتي ياجزمة. ملاك بنت عندها 20 سنة، في كلية هندسة زي أخوها أحمد، طولها 160، عيونها لونها زرق، شعرها لون الفحم، مش تخينة ولا رفيعة، متوسطة في القوام، بتحب مامتها وأخوها وأبوها جداً، وهما عندها خط أحمر، بس ده ميمنعش من شقوتها، كل البيت مسمينها مصيبة. الأم: -إيمان عندها 45 سنة وبتحب ولادها جداً، جميلة جداً زي ملاك. ملاك بغضب:

-يوه يماما، كل يوم تصحيني كده، أنا مش عاوزة أروح الجامعة، قلتلكم جوزوني ياعالم. الأم بتريقة: -قومي يابنت الجزمة، جواز إيه؟ هو انتي فالحة في الكلية عشان تتجوزي وتشيلي مسؤولية. ملاك: -خلاص ياست الكل، قايمة. ملاك قامت ولبست ميني دريس أسود وفيه ورود أحمر وعليه طرحة حمرا، لبست شوز أسود وشنطة سودة وطلعت. أحمد: -أخو ملاك عنده 25 سنة، مهندس شغال في شركة. كويس وبيحب أخته جداً، ملاك عنده الدنيا كلها. أحمد بحب:

-قلب أخوكي، رايحة فين؟ ملاك بحب: -رايحة الجامعة ياقلبي. أحمد: -استني هوصلك في طريقي، أي خدمة بدل ما تعملي مشاكل مع الناس زي كل يوم. ملاك: -أنا دانا كيوت، هما اللي بيتعاركوا معايا، يستاهلوا بقي. ملاك: -وصلت الكلية، وهي داخلة من باب الجامعة. -اه مش تحاسب يامتخلف، مش بتشوف؟ أسد بغضب: -أنا متخلف؟ انتي عارفة أنا مين يامتخلفة انتي. ملاك بتريقة: -هتكون مين يعني؟ الوزير مثلا؟ أمشي أنا مش ناقصة تخلف. ملاك مشت وهي بتشتم. أسد:

-الشر يتطاير من عيونه. وحياة أمي مهسيبك. أسد: -دكتور في الجامعة بتاعة ملاك، عنده 30 سنة، عيونه بني، شعره أسود، جسمه رياضي، عصبي جداً، بس مع اللي بيحبهم بيكون حنين، رجل أعمال. ملاك: -دخلت وقعدت وهي مشغولة في التليفون. أسد: -أنا الدكتور الجديد مكان دكتور آدم. بيبص لقاها قاعدة مش منتبهه له. -الاستازة اللي قاعدة مش واخدة بالها، انتي مش في كافتريا هنا. ملاك بخوف: -يلهوي، دة بيعمل إيه؟

هتنفخ، هتنفخ، شكل دعواتك يا سوسة يا أم برعي يا ولية نحس. ملاك بصدمة: -أنا. أسد: -أه انتي، بكلمك، اطلعي برة. ملاك: -يعني هتطلعني من الجنة؟ ياخويا واحد خنيق. طلعت. ملاك وهي بتقول: -شيلت المادة. لأ ومش مكفيكي. بتقاوحي. الله يحرقني يالله. أقوم آكل وأروح أكمل نوووم. أهوا يوم باين من أوله. ملاك: -دي كانت نورهان صاحبة ملاك. نورهان نفس عمر ملاك، بتحبها جداً، عيونها زيتوني ومحجبة. نورهان: -استني يابت، رايحة فين؟

وإيه اللي عملتيه جوة ده؟ ملاك بغضب: -عملت إيه؟ هو اللي مستفز وغبي ومش محترم، طلعني من المحاضرة على أساس إني واكلة نفسي على المحاضرات. أنا لولا ست الكل وسلاحها المشهور (أكيد الكل عارفه) كان هيسلم على وشي، مكنتش جيت. نورهان: -ههههههه، الله يحرقك ياملاك. طب يلا ناكل ونمشي. ملاك بفرح: -أشطا ياصاحبي، يلا. خلصت ملاك وروحت. ملاك: -ياااااعااالم يالي هنا، انتوا فيييين. مدحت:

-أبو ملاك عنده 50 سنة، طيب جداً، بيحب ولاده جداً وخصوصاً ملاك. أبو ملاك: -بس بس، إيه ده؟ مصورة واتفتحت؟ حرام عليكي ياملاك. الناس بقت تفكر عندنا مصيبة بسبب صوتك ده. ملاك بمرح: -أبا الحج، اللي واحشني مووووت. مدحت بضحك: -يابكاشة. إيمان بنرفزة: -يا آخر صبري، صوتك عالي ليه. ملاك بهزار: -ست الكل، عاملة أكل إيه؟ مدحت بضحك: -ههههههه، والله البت دي هتجنني. ملاك بحب: -بعد الشر عليك يابابا. كلوا في جو أسري سعيد. تاني يوم الصبح.

الأم بغضب: -ملاااااااااك يابنتي، حرام كل يوم كده، هصحيكي. اصحي بقي. ملاك بنوم: -سبيني، هخطف الحلم على السريع وجاية. الأم بغضب: -قومي يابت الجزمة، لحسن هخلي أبو وردة يعلم عليكي. دانا لو خلفت جوز أرانب كانوا نفعوني. قومي يااااااابت. ملاك قامت ولبست وهي طالعة. -صباح الجمال على أجمل بابا في الدنيا. مدحت بحب: -صباح الجمال ياعيون بابا. الأم بغيرة: -انت بتدلعها، ماشي ياحج، وانتِ يابت ابعدي عن جوزي. ملاك بضحك:

-إحنا بنغير، ماشي يا ست الكل، هسيبكم مع بعض بقي، بااااي. الأم: -استي يابت، افطري الأول. ملاك باستعجال: -اتاخرت على المحاضرة، هفطر في الجامعة أنا ونورهان، باي ياحجوج. مدحت بضحك: -ههههههه، باااااي ياقلبي. الأم: -شفت البت، خليك مدلعها كده. مدحت بحب: -خليها تاخد راحتها يا إيمان، طول ما أنا عايش. إيمان بحب: -ربنا يخليك لينا يارب. مدحت بغضب: -إيه؟ كبسة؟ انتوا بتعملوا إيه؟ جو العشق الممنوع هنا؟ طب استنوا لما أنزل.

-وده أحمد. مدحت بغضب: -إيه يا آخر صبري؟ متسيبنا أنا وأمك؟ دايماً كده يا بنت يا القردة التانية. أحمد بتريقة: -ملاك دي حاجة تانية. المهم، ماما أنا هموت من الجوع، عاوز أفطر قبل ما أروح الشغل. إيمان بحب: -حاضر ياقلب أمك. في الجامعة عند ملاك. ملاك: -نورهااان. نورهان بفزع: -ملاك مش هتبطلي بقي شقاوتك دي؟ هتموتيني مجلوطة. الله يحرقك. ملاك بضحك: -لأ مش هبطل، يلا بقي نفطر عشان ألحق المحاضرة. نورهان: -يلا يا آخر صبري.