رواية ملاك القاسي الفصل الخامس عشر 15 - بقلم شهد احمد

سمع صوت في الحديقة الخلفية. مشى شوية لكن اتصدم لما شاف ملاك حاضنة واحد وهي بتقول: "أنا هطلق من قاسي وهسافر معاك! قاسي بصدمة: "ملاااااااك! ملاك بصدمة وخضة: "قا قاسي! أنا قبل ما أتكلم... كلامها قاطعته ضربة قاسية بالقلم وهو بيقول: "آخرسي يازبالة ياو** ويا ترى بقي عملتي كده مع كام واحد يا محترمة ردي! ملاك بعياط: "حرام متظلمنيش! قاسي بصلها باستحقار وهو بيقول بغضب: "ومن إمتى بقي بتجيبي رجالة في البيت؟

شكلك محبتيش التليفونات قولتي تطوري من نفسك! ملاك ضربته بالقلم وهي بتقول: "آخرسي! أنا أشرف منك على الأقل ما روحتش اتجوزت واحدة **! قاسي بغضب وعيون حمراء مسكها من شعرها وكان لسه هيضربها بالقلم لكن الشخص اللي كان مع ملاك مسك إيده وهو بيقول بغضب: "آخررررس يا**! أنا عارف أخلاقها كويس ومش هسمحلك تمد إيدك عليها. أنا ساكتلك من الصبح! قاسي بغضب جحيمي وشر مسكه من هدومه وهو بيضربه بالبوكس في وشه وبيقول بغضب:

"ويا ترى بقي أنت الشخص الكام اللي تعمل معاه كده ال** دي! فريد بغضب وشر ضربه بالبوكس في وشه بغضب لغاية ما نزف من فمه. قاسي كان لسه هيردله الضربة لكن قاطعهم صراخ ملاك وهي بتعيط عياط هستيري وبتقول: "خلاص بقي كفاية! ملاك قعدت على الأرض وهي بترتعش جامد وبتعيط عياط هستيري. العيلة اتجمعت على صوتهم وجمال قال بصدمة: "فريييد! فريد بصله بدموع وحزن وجمال قال بغضب: "إييي اللي جاابك؟

مش قولتلك مش عاوز أشوف وشك تاني يا وش الخراب والفقر عليا! امشييي اطلع برررره! فريد اتنهد بحزن وهو بيقول: "ذنب إيه؟ ذنب إيه إني لما اتولدت أمي تموت؟ رغم إني كنت في أشد الحاجة ليها! ذنب إيه إني لما اتولدت تخسر شغلك؟ ذنبي إيه أنا في كل ده؟ تخلييني بعيييد عنكم كل السنين دي كلها ودلوقتي مستخسر فياا إني أشوف أختي اللي اتحرمت منها كل السنين دي!

اختي اللي كانت محتاجة أخ وصاحب وسند يكون جنبها تتحامى فيه بدل المرمرطة اللي شافتهم في حياتها! إحنا كنا بنكلم بعض كأننا ** خوفاً منك إنك تعرف وتبعدنا عن بعض! فريد دموعه نزلت بحزن وهو بيقول: "قولي أنت ذنبي إيه؟ أنا واحد عاش حياته كلها ذل واهانة ومرمرطة لغاية ما بقى رجل أعمال مشهور قد الدنيا كل الناس تحكي وتتحاكي عنه! جمال بصله بحزن وهو بيقول: "ذنبك إنك ابني!

أنا عمري ماكرهتك يا فريد لأنك ابني، لكن اللي حصل كان صعب عليا بعدتك عني عشان متتأذيش مني وأنا كنت ساعتها مش شايف حاجة قدامي! جمال فتح دراعاته وفريد حضنه جامد وهو بيعيط وبيقول: "وأنا عمري ماكرهتك يبابا! ملاك بدموع وفرح: "الله! طب أنا فين! جمال بصلها بضحك وخدها في حضنه بحب وهو بيقول بأسف: "سامحوني! أنا عارف إني ظلمتكم كتير! قاسي كان واقف متأثر باللي بيحصل وفي نفس الوقت مصدوم. كان بيشتم نفسه على تسرعه وغبائه.

عاطف قال بضحك: "لا أنا كده هعيط يجماعة! مش كده! كلهم بصوله وضحكوا إلا قاسي اللي واقف بحزن وتعب. فريد بصله بهدوء وهو بيقول: "طلق أختي يا قاسي! هي تستاهل واحد يحبها ويخاف عليها ويثق فيها وفي أخلاقها! مش واحد يشكك في أخلاقها! ويقول عليها الكلام اللي قلته! سوزان ردت بشماتة وهي بتقول: "طلقها يابيبي وبعدين أنت مش بتحبها وبعدين دي عيلة ومش فاهمة حاجة وأنت مش فاضي لوجع الدماغ ده. خليك معايا وأنا هدلعك" وضحكت بمياعة.

ملاك بصتلهم بضيق وهي بتقول بحزن ودموع: "وأنا رأي من رأي فريد" وسابتهم وطلعت وهي بتعيط بحزن وقهر. قاسي طلع وراها لكن كانت بتلم هدومها.