رواية ملاك القاسي الفصل السابع 7 - بقلم شهد احمد

ملاك بجمود: طلقني. قاسي بغضب: انتي طالق. قبل ما يكمل كلامه، لاقى قلم قوي جداً من عاطف وهو بيقول بغضب: عايز تطلق مراتك تالت يوم جواز؟ لا وكمان خاليتها خدامة عندك! انت ايه قلبك ده حجر! قاسي بغضب: دي مراتي أعملها زي ما أعملها، محدش له دخل. غلطت وبعلمها الأدب! عاطف بتعب: يابني حرام عليك بقي، المفروض تحميها مش تأذيها. قاسي ببعض الهدوء (علشان والده حاضر) : اتفضل روح علشان متتعبش. عاطف بص له بزعل وعتاب وغادر المكان.

قاسي بص لها بشر: بقيتي عايزة تطلقي! ملاك بخوف في صوتها بسبب غضبه وعصبيته، لكن تماسكت وقالت: آه عايزة أطلق. انت مش بني آدم، أنا مش جارية عندك. وبعدين قالت بعياط: انت جاي تصدق دلوقتي إني مظلومة! مصدقتنيش من الأول ليه! حرام عليك، انت حسستني إني قد إيه ** ومليش أي تلاتين لازمة! جيت على كرامتي وهنتني وسكتت! شكيت فيا وفي أخلاقي وسكتت! عملتني معاملة الخدمين وسكتت! لكن مش هسكت تاني يا قاسي ومش هخاف! قاسي

بص لها بغضب وهو بيقول: ماشي يا ملاك، بس جهزي لنفسك إنك داخلة على جحيم القاسي. ملاك ابتسمت باستفزاز وتجاهلته. في مكان تاني. كانت في بنت بتتكلم بخبث وهي بتقول: هروحله. صاحبتها بصدمة: نهار أبوكي أسود! انتي هتروحي للموت برجليكي، انتي هبلة! سوزان ببرود: يابنتي كلمتين حلوين مني هييجي سكة. صاحبتها بخوف قالت: سوزان، أنا مليش دعوة بالموضوع ده، بس أنا حذرتك. قاسي الهواري مش بيهزر. وسابتها ومشيت.

سوزان بغل وحقد: أما أوريكِ وأخليكِ راكع تحت رجلي، مبقاش سوزان. عند قاسي. راح مخزن قديم وكانت الدكتورة مربوطة. قاسي قال بجبروت: احكي يا روح أمك. الدكتورة بخوف قالت: أنا أنا مليش ذنب. قاسي بغضب: اخلصي، هتحكي قصة حياتك. الدكتورة قالت: أنا لما شوفت اسم ملاك في الكشف استغربت، لأن بصراحة ملاك صغيرة ومحترمة. فاتصلت على مديحة لأننا أصحاب. فقالت لي أقول كده. قاسي بغضب: يابنت الـ*** يعاصم! عاصم جه،

وقاسي قال: البت دي تعلم الأدب وتتربى. عاصم: أوامرك ياباشا. قاسي ركب العربية وراح القصر، وفتح الدولاب طلع صورة بنت ودموعه نزلت، لكن قطع الصورة مرة واحدة وهو بيقول بقسوة: هندمك هندمك! مش قاسم الهواري اللي يتعمل فيه كده. قعد على الأرض بضعف. مهما كان هو إنسان وليه طاقة وبيحس. موجوع من جواه لكن مبينش. دخل عليه ياسين بخوف وهو بيقول: وحشتني. قاسي ابتسم غصب وأخده في حضنه وهو بيقول: وانت كمان وحشتني.

ياسين قال: ماما هتيجي امتى. قاسي بحنية: ماما عند ربنا. ياسين قال: لا أقصد ماما ملاك! قاسي بصدمة: ماما ملاك! ياسين قال: آه، أنا بحب ماما ملاك عشان طيبة. قاسي بابتسامة: ماشي يا حبيبي، ماما هتيجي النهارده. عند عاطف في المكتب. كان بيتكلم بهمس وهو بيتلفت بخوف وبيقول: لا لا متقلقش، كله تم. المجهول قال: ... عاطف: لا متقلقش، كله تمام، اطمن. المجهول قال: ... عاطف بصدمة: لا طبعاً مينفعش كده، هيحصل كارثة. المجهول: ...

عاطف قفل بصدمة وطلع بتوتر وهو بينهج جامد. قاسي راح المستشفى وأخد ملاك على القصر. قبل ما يطلعوا سمعوا صوت بنت وهي بتقول بدلع: أخس عليك ياقسقس تتجوز عليا! ملاك وقفت بصدمة والدموع متحجرة في عينها. قاسي قال بزعيق: إيه اللي جابك! مش أنا طلقتك! البنت بدموع مزيفة: بس أنا بحبك. قاسي بغضب مسكها من شعرها جامد وهو بيقول: امشي يا *** يابنت الـ***. سوزي بصت له بغضب وقالت: هتندم. وطلعت من القصر بشر. قاسي قال: ملاك أنا...

قاطعته ببرود وقالت: ميخصنيش. وسابته وطلعت. قاسي اتنهد بضيق وطلع الجناح. وملاك تجاهلته تمام. دخل ياخد شاور وملاك جالها رسالة على تلفونها وبرقت من الصدمة ودموعها نزلت.