رواية ملاك القاسي الفصل الثامن 8 - بقلم شهد احمد

ملاك جالها رسالة على تليفونها. برقت من الصدمة ودموعها نزلت وهي شايفة نفسها في مواقف مش كويسة. ومكتوب تحتها: "لو مطلقتيش هنزل صورك على جميع مواقع السوشيال ميديا وشوفي فضيحتك." ملاك بصدمة وهي بتلطم على وشها: "يارب! ينهار أسود! قاسي طلع من الحمام. أول ما شافها خبت التليفون بتوتر. قاسي: "لحظة. انتي كويسة؟ بتعيطي ليه؟ ملاك بتوتر ولجلجة: "مـ... مفيش. أنا كويسة." قاسي بص لها وقال: "متأكدة؟ ملاك وهي باصة

في الأرض من كتر التوتر: "آه." قاسي سابها ومشي وهو حاسس إن في حاجة هي مخبياها. ملاك حطت إيدها على قلبها اللي بيدق بسرعة رهيبة وهي بتعرق جامد من كتر التوتر والخوف. راحت مسكت الفون برعشة وهي بتكتب: "مين؟ رد عليها: "مش مهم تعرفي مين. المهم تنفذي اللي قولت عليه بدل ما تلاقي فضيحتك مالية البلد." ملاك قفلت التليفون ورمته بعيد وهي بتقول: "أطلق في أول أسبوع جواز؟ يالهوي! يالهوي!

أنا مصدقت إني خلصت من مرات أبويا وابنها. يارب يارب، أنت اللي عالم بحالي." دخلت تتوضأ وتصلي وهي بتدعي ربنا إنه يساعدها ويفك كربها. عند قاسي، نزل لأبوه وهو بيقول له بشك: "في حاجة مخبيها." عاطف بتوتر: "حاجة؟ حاجة إيه؟ أنا مش مخبي حاجة." قاسي بضيق: "اممم. تمام. أنا رايح الشغل." عاطف بتوتر: "تمام يا ابني. ربنا معاك." قاسي طلع وعمل مكالمة واتنهد بضيق. عند عاطف، دخل المكتب وعمل مكالمة وخرج وهو ملامح وشه متغيرة 360 درجة.

ملاك خلصت صلاة وكلمت صحبتها نيرة وبتعتبرها أختها، وهي بتحكي لها كل حاجة. نيرة وهي مصدومة: "إيه ده! طب هتعملي إيه؟ قاسي لو عرف مش بعيد يطلقك فيها! ملاك بعياط: "أنا خايفة أوي يا نيرة ومش عارفة أعمل إيه." نيرة بخوف عليها: "اهدي يا حبيبتي. إن شاء الله خير." ملاك بدموع: "يارب. أنا خايفة أوي." ملاك قفلت معاها ولقت رسالة من نفس الرقم وهو بيقول: "ها فكرتي؟ ملاك برعشة: "آه. موافقة."

الرقم رد: "ماشي يا حلوة. بس لو معملتيش اللي مطلوب، انتي عارفة أنا هعمل إيه." ملاك قعدت على السرير بتفرك في إيدها وهي بتتنفس بسرعة. قاسي دخل عليها لكن اتصدم لما لقاها بتعيط بهستيريا. قاسي حضنها بخوف وهو بيقول: "انتي كويسة؟ ملاك بعدت وهي بتقول: "قاسي. أنا... أنا عاوزة أطلق." قاسي اتكلم بهدوء مخيف وهو بيقول: "ملاااااك." ملاك بتهور وانهيار: "حرام عليك بقي! أنا بسببك كنت هتفضح! سيبني في حالي بقي! أنا بكرهك!

ملاك أخدت بالها من اللي قالته وهي بتقول بتوتر: "أنا... أنا... قاسي بحده: "في إيه يا ملاك؟ ملاك بضعف: "في حد مهددني بصور مش كويسة." وانفجرت في العياط وهي بتقول: "وقالي إني لو مطلقتش هينزل الصور على السوشيال ميديا." قاسي بهدوء: "اهدي يا ملاكي. اهدي. وريني الرقم والصور." ملاك جابتهم بتوتر وأدتهملقاسي، اللي أول ما شاف الصور الدم غلي في عروقه وعينه احمرت بطريقة مريبة. ملاك بخوف وتقطع: "انت كويس؟

قاسي قال بهدوء مصطنع: "آه يا ملاكي. متقلقيش." قاسي أخدها ونزلوا تحت وقعدوا. قاطع عليهم دخول شخص. ملاك أول ما شافته اغمى عليها، وقاسي وقف من الصدمة.