رواية ملاك القاسي الفصل السابع عشر 17 - بقلم شهد احمد

بعد نص الليل قام وهو يتسحب ويدخل أوضة سوزان. كانت قاعدة بغضب وهي بتقول: "اتأخرت كده ليه؟! قاسي بهدوء: "معلش ياقلبي، عقبال ما ملاك نامت أولاً، أنا آسف على الكلام، كان لازم أعمل كده قدامهم. ثانيًا، أنا موافق أكمل معاكي بقيت حياتي وأنا بحبك ياسوزان، ومتجوزتكيش عشان أحمي ملاك زي ما انتي اتهمتيني." ملاك فتحت عليهم الباب وهي بتسقف وبتقول: "براڤو، تمثلوا هايل، لأ بجد تحياتي ليكم." قاسي وسوزان بصدمة: "ملاااااك! ملاك بغضب:

"وأنا اللي كنت فاكرة إنك ندل، للمرة الثالثة تخونيني. عارف يا قاسي، إنت شخص حقير وواطي وندل بجد. أنا مصدومة فيك." "وأنا اللي كنت فاكرة هتتغير وتتألم وتندم على اللي عملته." "عملتلك إيه عشان تعمل فيا كل ده؟ انطق! عملتلك إيه لكل ده؟ رد عليا." قاسي بغضب وتهور: "اسكتي بقي! دي كلها خطة، وبغبائك بوظتيها." ملاك وسوزان بصدمة: "خطة؟! سوزان بصت لقاسي بغضب، وكانت لسه هتضربه بالقلم. قاسي مسك إيدها بعنف وهو بيقول بغضب:

"لأ، انتي شكلك اتجننتي." سوزان بغضب: "إنت واحد ندل! قاسي قال بغضب: "أمال انتي إيه؟ انتي واحدة رخيصة وزبالة وخاينة! سوزان بغضب: "أه، خونتك، وكنت هموتك أنا وكمال، وهنتقم منك يا قاسي ومن السنين اللي فاتت." فجأة دخل عليهم الظابط وهو بيقول: "تمام يا باشا، إحنا سجلنا كل حاجة. جيبها يا عسكري." سوزان بجنون وغضب: "هقتلك، هقتللك يا قاسي، وهحرق قلبك على ملاك، هقتلك."

ملاك كانت واقفة مصدومة، ولسانها كانه اتشل. فريد كان واقف مصدوم هو كمان، لأن صوتهم كان عالي، لكن جمال وعاطف مسمعوش. قاسي بص لملاك وهو بيقول: "لسه في نظرك خاين وندل؟ ملاك بصتله وهي بتقول: "وانت كلامك ليا وإني واحدة رخيصة وشمال وبتاعة رجالة ده إيه؟ "إنت دمرتني، بدل ما تساعدني، كان في ألف حل تحميني بيه غير الطريقة دي. إنت رخصتني أوي وشككت في أخلاقي وتربيتي. حرام عليك، كنت قولي وفهمني." ملاك انهارت من العياط، وفريد

أخدها في حضنه وهو بيقول: "اهدي يملاكي، أنا معاكي في اللي قلتيه وحاسس بيكي، لكن هو عمل كده عشان يحميكي ويرجع حقه." ملاك بصتله باستغراب، وقاسي نفس النظام. مكنوش متوقعين رد فعل فريد. فريد ابتسم ليهم بهدوء وهو بيقول: "رغم إنك غلطان يا قاسي وغلط كبير، لكن ربنا بيسامح، إحنا مش هنسامح." قاسي ابتسم، وملاك بصتله وهي بتقول: "خلاص يا قاسي، أنا مسامحاك. إحنا اتعذبنا كتير أوي، وأنا تعبت من كل حاجة. تعالي نبدأ صفحة جديدة."

قاسي بصلها وضحك، وأخدها في حضنه وهو بيقول بحب وهيام: "بحبك يملاكي." كل واحد راح جناحه، وجه يوم جديد ونزلوا تحت، وفريد قال ليهم كل حاجة، وكانوا مصدومين من اللي حصل. عاطف قال: "أنا من الأول مكنتش مستريح لها، وحاسس إن في حاجة كبيرة وراها." جمال قال: "معاك حق، بس الحمد لله إننا خلصنا منها، دي كانت عاملة زي العقربة في البيت." قعدوا في جو أسري جميل، وقاسي قال لملاك تلبس عشان يوديها الملاهي. ملاك كانت بتتنطط

زي الأطفال وهي بتقول: "هيهيهيهيهي، أحلي قاسي في الدنيا." لبست سلوبيت سودة وسابت شعرها وشميز أبيض، وكانت فعلاً ملاك اسم على مسمى. قاسي لبس كاجوال وكان مز. وصلوا الملاهي، لكن قبل ما يدخلوا الملاهي، كان في رصاصة جات في قلب ملاك.