رواية ملاك القاسي الفصل العاشر 10 - بقلم مي عبدالله

فجأة دخلت نيرة وهي بتنهج وبتقول: الحقي يا ملاك، الصور انتشرت على النت! ملاك بصدمة ورعشة في جسمها: انهار أسود، انهار أسود. اتفضحت خلاص. قعدت على الأرض وهي بتلطم وتصوت بالانهيار. قاسي عينه احمرت من الغضب وراح لملاك اللي كانت بتصوت بالانهيار، ومحدش من العيلة فاهم حاجة. قاسي شالها وطلع على جناحه، لكن ملاك كانت في حالة لا يُرثى لها. قاسي اتكلم بدموع وهو بيقول: اهدّي يا ملاكي، اهدّي. والله لاجيبلك حقك.

قاسي ساب ملاك بتصرخ ونيرة معاها، وهو خرج من القصر بشر وغضب، واتكلم في الفون وهو بيقول: لو مجبتليش صاحب الرقم راكع تحت رجلي، هخليك تجهز قبرك بإيدك. الشخص بخوف: تمام يا باشا، اليوم مش هيعدي غير لما يكون عندك. قاسي عمل مكالمة تانية وهو بيقول: لو الصور اللي اتنشرت متتمسحتش، قول على نفسك يرحمك يا رحيم. وقفل السكة في وشه. قاسي قال بغضب: مش قاسي الهواري اللي يتعمل فيه وفي مراته كده.

عند ملاك، كانت بتصرخ في الأوضة بانهيار، وهي عاملة تكسر كل حاجة في الأوضة، لدرجة إنها كانت هاتنتحر تاني مرة. جمال أخدها في حضنه وهو بيقول: اهدّي يا بنتي، متعمليش في نفسك كده. قل لن يصيبنا إلا ما كتبه الله لنا. ملاك حضنت جمال بقوة وهي بتقول: تعبت يا بابا، مش مستوعبة كل اللي بيحصل فيا. ملاك نامت في حضن جمال، اللي بصّلها بحزن وهو بيقول: ملحقتيش تفرحي يا ملاكي، لكن إن شاء الله كل حاجة هتتحل.

نيرة كانت واقفة بتعيط بحزن على صاحبة عمرها. عند قاسي، الشخص اتصل عليه وهو بيقول: جبتلك صاحب الرقم يا باشا، وهو دلوقتي في المخزن وعملنا معاه الواجب وزيادة. قاسي ابتسم بشر وهو بيقول: حلو كده. وركب العربية وراح على المخزن. قاسي دخل المخزن وهو بيشمر كمامه، لكن اتصدم إن الشخص ده ابن مديحة. قاسي اداله بوكس في وشه وهو بيقول: بقي عيل زيك يعمل في مرات قاسي الهواري كده؟ أيمن اتكلم بغل وهو بيقول:

مراتك هي اللي مش محترمة، وهي اللي بعتت الصور دي كمان. قاسي نزل ضرب فيه وهو بيقول: أنا هعلمك تجيب اسم مراتي على لسانك ال**** ده تاني. قاسي نده على راجل وهو بيقول بغضب جحيمي: عااااااصم! عاصم جه وهو موطي راسه احتراماً ليه وهو بيقول: نعم يا باشا. قاسي بغضب: لو جاب سيرة حاجة على لسانه متخصوش، يبقى نعمل إيه؟ عاصم: نقطعله لسانه يباشا. قاسي بغضب: نفذ بقي. أيمن بصريخ: لأأأأ، مش هعمل كده تاني. لكن رجّالته قطعوا له لسانه.

قاسي وهو سايق العربية، اتصل عليه شخص وهو بيقول: الصور اتمسحت في مصر كلها يا باشا، بعد ما كانت طلعت تريند وناس كتير شافوها. قاسي اتعصب أكتر وقفل السكة في وشه. دخل القصر بتعب واضح وهو شايفهم كلهم قلقانين. قاسي طمّنهم إن الموضوع انتهى. وجمال قال: طلق بنتي يا قاسي.