رواية ملاك القاسي الفصل الحادي عشر 11 - بقلم مي عبدالله

جمال قال: طلق ملاك بنتي. قاسي اتكلم بغضب وهو بيقول: انت عمي وحمايا، لكن ملاك مراتي ومش هطلقها. جمال بص له بغضب وهو بيقول: يعني إيه مش هطلقها؟ هو عنف؟ قاسي ببرود: آه عنف. وعن إذنك يا عمي، طالع أشوف مراتي. جمال بص له بغضب وقعد على الكرسي بتعب وهو بيقول: بنتي هتضيع مني يا عاطف. عاطف بهدوء: متقلقش، قاسي راجل وبيحب ملاك وبيخاف عليها. ملاك بنتك في أمان طول ما هي مع قاسي.

في الجناح، قاسي دخل شاف ملاك نايمة ودموعها على خدها. زعل عليها وحس بذنب تجاهها، وإنه فعلاً هو السبب في كل المصايب اللي بتحصل لملاك. اتنهد بتعب وهو بينام جنبها وبيخدها في حضنه ودموعه بتنزل غصب. يوم ما يلاقي حبيبته، يحصل كل ده. زعل على نفسه وعليها، وهو مش عارف يعمل إيه. قرر فعلاً إنه يسمع كلام جلال. قاسي نزل لجمال وهو بيقول: أنا موافق يا عمي إني أطلق ملاك، أنا مستاهلهاش. سمع

صوت ملاك الباكي وهي بتقول: فعلاً مستاهلنيش، أنت قاسي الهواري هتتجوز واحدة صورها منشورة وهي بلبس... وفي وضع... كملت بعياط وهي بتقول: طلقني يا قاسي. طلقنننيي، حرام عليك، أنت عارف إن مش ذنبي إن ده يحصل، عارف إن الصور دي متفبركة، ومع ذلك أنت اخترت البعد. تمام يا قاسي، وأنا اخترت كرامتي ومش هعيش معاك أكتر من كده. قاسي بتبرير: ملاك، انتي فاهمة غلط، أنا... قاطعته ملاك بدموع وهي بتقول: خلاص يا قاسي، الموضوع خلص.

ملاك طلعت الجناح وهي دموعها على خدها، وقاسي بص لجمال بصة لوم وهو بيقول: استريحت؟ خلاص هنتطلق وهنبعد، خلاااص كل حاجة انتهت قبل ما تبدأ. أنا رايح أجيب المأذون يا... يا عمي. وخرج. جمال بص لطيفة بحزن واتنهد بتعب وضيق من اللي حصل. بص له عاطف بلوم وسابه ومشي. جمال اتضايق، لكن خوفه على بنته يخليه يعمل أي حاجة. كفاية إنه اتحرم منها أربع سنين.

جمال طلع جناح ملاك، اللي كانت دافنة وشها في المخدة وعمالة تعيط. متنكرش إنها حبته واتعلقت بيه من قبل ما تعرف إنه ابن عمها. جمال حضنها وهو بيقول: أنا آسف يا ملاك، أنا اللي أجبرته على كده من خوفي عليكي يا بنتي. ملاك قاطعته وهي بتقول: لا يا بابا، كل شيء قسمة ونصيب، وده نصيبي مش هعترض عليه. جمال حضنها وهو دموعه نازلة على حال بنته، لكن قاطعهم صوت قاسي اللي بيقول بهدوء ومش باصص لملاك: المأذون تحت.

قاسي بص لملاك بحزن والدموع متحجرة في عينه، قام بسرعة وهو بيقول: أنا مش هقدر أطلقها. ومشي من المكان. ملاك فرحت من جواها لكن مبينتش. فجأة جالها اتصال، وواحدة بتقولها: جوزك مش بيحبك زي ما انتي فاكرة، لو مش مصدقاني، روحي في... عمارة... شقة رقم... راحت بسرعة، لكن اتصدمت من اللي شافته.