رواية ملاك القاسي الفصل العشرون 20 - بقلم مي عبدالله

قاسي استاء واخد ملاك وطلع جناحهم لأنها كانت تعبانة جداً. ملاك أول ما دخلت الغرفة شهقت بصدمة من اللي شافته. الجناح كان متزين بطريقة جميلة، وفي فستان فرح في نص الجناح وعشا رومانسي وجو هادي وجميل. ملاك بصدمة: ده كله علشاني أنا؟ أنا مش مصدقة. قاسي ابتسم بهدوء وهو بيقول: هعوضك عن كل حاجة يا ملاك. انتي من حقك تعملي فرح وتلبسي فستان ملاكي. أنا عاوز أبدأ صفحة جديدة معاكي. ها، إيه رأيك؟

ملاك والدموع في عينها هزت راسها بالموافقة، وهي ضربات قلبها سريعة جداً. قاسي بالابتسامة: ادخلي اتوضي علشان أول حاجة نبدأ بيها حياتنا هتبقى الصلاة. ملاك دخلت اتوضت ولبست أسدال. وقاسي دخل واتوضى ولبس كاجوال، وفعلاً صلوا. خلصوا صلاة وقاسي أخد ملاك وناموا في جو من الاطمئنان. تحت كان فريد قاعد بيفرك في إيده بتوتر وهو بيقول: احم، عاوز أتجوز. جمال بصدمة: تتجوز؟ امال ليه كنت رافض فكرة الجواز؟

فريد بهدوء: عاوز أتجوز نيرة، لأن هي دي اللي حابب أكمل معاها حياتي. جمال بتعجب: تمام يا ابني. اللي انت عاوزه. بكرة هنفاتحها في الموضوع. عدى الوقت وكل واحد راح على جناحه ينام، وكل واحد بيفكر في حاجة. عدى الوقت وجه تاني يوم، وقاسي صحي وكان بيصحي ملاك اللي نايمة بطفولة. قاسي بضحك: متجوز طفلة يا ناس. ملاك صحت وهي بتفرك في عينها بطفولة وبتقول ببراءة: صباح الخير. قاسي بضحك: صباح النور. قومي يلا، زمان الميكب أرتست على وصول.

ملاك قامت بكسل، اتوضت وصلت وقرأت وردها ونزلت تحت. كان في حالة هرج في المكان وكان في ناس بيجهزوا لترتيبات الحفل. ملاك راحت على جمال وهي بتبوس راسه وبتقول: صباح الخير يا أحلى بابا. قاسي بغيرة: من غير بوس وأحضان يا ملاكييييييييييي. كلهم ضحكوا على شكله، ودخلت نيرة بطلتها الجميلة اللي خطفت قلب فريد. نيرة بهدوء: صباح الخير. كلهم ردوا عليها، ونيرة أخدت ملاك وطلعت الجناح لأن الميكب أرتست كانت جت. دخلوا

الجناح ونيرة بتقول بغمزة: أيوه بقى، خلاص هتبقي عروسة وهتنسينا. ملاك بضحك: يا بت كفاية قر. أنا لسه مدخلتش دنيا. دخلت الميكب أرتست وهي بتقول: فين العروسة؟ ملاك بضحك: أنا العروسة، هو مش باين عليا ولا إيه؟ الميكب أرتست: بسم الله ما شاء الله. بس انتي مش محتاجة ميكب. ملاك ابتسمت بهدوء، ونيرة كانت معاها ومش سابتها. عند قاسي كان واقف تحت مع العمال وفريد معاه، وهما بيفكروا إزاي يجهزوا الحفل.

فريد قال: يلا، إحنا نلبس. هما خلاص قربوا يخلصوا. الشباب طلعت تجهز، وملاك كانت بتحط اللمسات الأخيرة من الميكب. الميكب أرتست: بسم الله ما شاء الله. قاسي بيه محظوظ بيكي والله. ملاك ابتسمت بهدوء وهي بتقول: ميرسي، ده ذوقك. نيرة قالت: يلا بقى نكمل لبس. ملاك لبست فستان أبيض هادي، ضيق من فوق ومنفوش من الوسط، وطرحة بيضا زادتها جمال على جمال. نيرة لبست فستان أحمر وميكب هادي، وأطلقت لشعرها العنان.

عند قاسي كان خلص لبس، ولبس بدلة سودة وقميص أبيض وساعة فضي وكرافته بيضا وجزمة سودة. فريد لبس بدلة رمادي وقميص أبيض وساعة سودة وجزمة سودة. قاسي استنى ملاك تحت بالابتسامة، وهو شايفها نازلة من على السلم بكسوف، وكانت فعلاً ملاك اسم على مسمى. جمال أخدها وسلمها لقاسي، وهو بيقول: حافظ عليها يا قاسي، هي دلوقتي أمانة عندك. قاسي بحب في عينيه: يا عمي. قاسي أخدها وراحوا على الكوشة، وكان الفرح فخم جداً ومنظم.

فريد راح ناحية نيرة وقعد على ركبته وطلع خاتم ألماس وهو بيقول: تتجوزيني يا نيرة؟ (مع العلم أن نيرة يتيمة) نيرة ابتسمت وهي بتقول: موافقة. فهي أعجبت به، وتقريباً هذا الشعور يسمى بالحب. جت لحظة كتب الكتاب، والماذون قال جملته الشهيرة: بارك الله لكما وبارك عليكما وجمع بينكما في خير. قاسي حضن ملاك بفرحة. وفريد حضن نيرة بسعادة. جت لحظة رقص السلو، وكل واحد مكنش مصدق نفسه من الفرحة.

قاسي بحب وسعادة قال: مكنتش متخيل إني هحب تاني وأتجوز وأكون أسرة، لكن لما شوفتك سحرتيني بيكي. بتمنى من ربنا إنه يديمك في حياتي يا ملاكي. "بحبك". ملاك بفرحة ودموع: وأنا كمان بحبك، وإن شاء الله ربنا هيعوضنا خير عن كل حاجة، وإنك عوض ربنا ليا. عند فريد ونيرة كان فريد بيقول: أنا مش مصدق نفسي، إحنا بجد اتجوزنا خلاص. نيرة بضحك: وأنا كمان مش مصدقة. أنت عوض ربنا ليا. فريد باس رأسها بهدوء وهو بيقول: بحبك.

نيرة ابتسمت بكسوف ومردتش. خلص الفرح وقاسي أخد ملاك على جزر المالديف شهر عسل ليها، وفريد أخد نيرة وراح فرنسا شهر عسل ليه.