رواية ملاك القاسي الفصل التاسع عشر 19 - بقلم مي عبدالله

دخل شخص الغرفة بغل: -انتي لسه مموتيش؟ عاملة زي القطط بسبع أرواح. المرة الجاية مش هتبقي رصاصة، لأ، هيبقي رصاص في قلبك زي ما حرقتي قلبي. هقتلك! دخل فريد وقاسي. قاسي قال بصدمة وذهول: -انتي؟! مديحة قالت بغل وكره: -آه، أنا اللي موتت ابنها بالبطيء. آه، مديحة اللي هتحرق قلبك زي ما حرقت قلبها. وأكملت بجنون: -أنا اللي كنت هقتل ملاك. أيوه، أنا، متستغربيش! في اللحظة دي دخل الظابط اللي سمع كل حاجة لما جه يحقق مع ملاك.

الظابط بصدمة: -هو في كره كده؟ انتي مطلوبة القبض عليكي بتهمة قتل. جيبوها يعسكري! مديحة بصدمة: -أنا، أنا معملتش حاجة! الظابط بسخرية: -آه، بأمارة أنا اللي كنت هقتل ملاك. وأكمل بصوت عالي وغضب: -خدها يعسكري! مديحة بغضب وجنون: -ياخدوني فين؟ أنا لازم أقتله زي ما قتل ابني بالبطيء. منك لله يا ملاك، انتي السبب! قاسي بغضب وانفعال:

-ابنك اللي و**** وكلب بيهدد بنات الناس بصور و*** وزبالة. لأ، وغير كده بيقول عليها شمال وإنها هي اللي بتغريه. كنت هقتله بس سبته عايش. اللي يجيب سيرة حاجة متخصوش، يتقطع لسانه! مديحة بصتله بحقد وكره وهي بتقول: -هطلع وأنتقم يا قاسي. هنتقم، سامع؟ قاسي بضحك: -هبقى أجيب لك عيش وحلوى وانتي في السجن. وأكمل بغضب: -قاسي الهواري مبيهددش! الظابط أخد مديحة على السجن، وفريد واقف مصدوم. معقول؟ أخته تكون اتعرضت لكل الأذى ده؟

والعذاب ده؟ مشافتش يوم واحد عدل في حياتها؟! فريد راح ناحية ملاك اللي نايمة ببراءة وهو بيقول: -أوعدك مش هتتأذي تاني يا حبيبة أخوكي. أنا جنبك وعمري ماهسيبك. قاسي كان واقف بغيظ وغير'ة وهو بيقول: -ها، خلصت نحنة؟ فريد بصّله بضحك يخفف بي همه: -انت عيل فصي'ل! ملاك صحيت وهي بتقول: -قاسي، انت فين؟ الحقني! قاسي راح ليها وباس راسها وهو بيقول: -اهدي يملاكي، انتي بخير وفي أمان يا ملاكي.

فريد سابهم علشان ياخدوا راحتهم وطلع برا، رن على جمال وفريد إنها صحيت. في الغرفة، قاسي كان قاعد جنب ملاك وهو بيقول بدموع: -كنت خايف تروحي مني يا ملاك أوي. ساعتها كنت هروح وراكي. ملاك بصتله بحب وهي بتحط صباعها على فمه وبتقول بطفولة: -بسسسس، متقولش كده علشان مزعلش منك. أنا مقدرش أعيش من غيرك. قاسي باس راسها وهو بيقول بحب وهيام: -أوعدك إنك هتكوني من النهاردة أسعد إنسانة في الدنيا. مرة واحدة الباب اتفتح وجمال قال بخوف:

-بنتي، انتي كويسة صح؟ ملاك بضحك على شكل قاسي ورجعت بصت لجمال وهي بتقول: -متقلقش يا بابا، أنا بخير وفلللل! عاطف بضحك: -طول عمرك يا حبيبتي. نيرة دخلت وهي بتقول: -ملاك، انتي كويسة؟ آسفة والله، كنت في سفر ولسه جايه النهارده. انتي كويسة؟ ملاك بضحك: -اهدي يا بنتي، أنا كويسة متقلقيش. فريد ميل على ملاك وهو بيقول: -مين القمر اللي دخل علينا ده! ملاك بصتله بقرف وهي بتقول: -بتعاكس صحبتي؟ يالا! فريد حط إيده على بوقها وهو بيقول:

-يخربيتك، فضحتيني. قاسي ميل عليه وهو بيقول: -وقعت ولا إيه؟ فريد بهيام: -ومحدش سمي عليا. كلهم ضحكوا على شكله وهو اتحرج. قاسي طلع من الأوضة وعمل مكالمة ورجع لملاك، وكلهم راحوا على البيت. قاسي استأذن وأخد ملاك وطلع جناحهم لأنه كانت تعبانة، لكن شهقت بصدمة من اللي شافته.