رواية ملاك القاسي الفصل الرابع 4 - بقلم مي عبدالله

الدكتوره كشفت عليها وقالت: المدام حامل مبروك. قاسي بغضب وصدمه: حامل تاني يوم جواز! الزاي؟ دخل لملاك اللي كانت عمالة تعيط بحرقة وهي بتقول: كدب، أنا مش حامل. قاطع كلامها صفعة من قاسي على وجهها وهو بيقول بقسوة: حامل! مين يا أرخـ.ص! انطقي بدل ما أدنك حية. ملاك بعياط: كدب والله كدب. طب غير الدكتورة نتأكد، يمكن غلطت. مديحة دخلت الأوضة وهي بتقول بغـ.ل

وشماتة: يا سافلة يا رخـ.يصة، حطيتي راسنا في الأرض. كل يوم كنت بشوف مشيك البطـ.ال وأقول هتعقل، هتحترم نفسها. لكن انتي حطيتي راسنا في الطين يا زبااااااااالة. ملاك بصريخ وانهيار: حراااااااااام عليكم، ظلـ.م والله ظلـ.م. قاسي بص لها باستحقـ.ار وقال: وأنا اللي كنت فاكرك ملاك ومحترمة وغيرهم. طلعتي أزبل منهم. اتفووو عليكي. مديحة بصت لها بفرح وشماتة وهي بتقول: ربنا يستر ولادنا. ابقي استغفري ربنا يغفرلك.

ملاك بكرة ودموع: ربناااا، حرام عليكي، اتقيي الله، اتقي الله بقى. انتي تعرفي حاجة عن ربنا؟ حسبي الله ونعم الوكيل. قاسي كان بيبص لشكلها وهي منهارة، كان نفسه ياخدها في حضنه ويطبطب عليها ويقول لو العالم كله كدبك أنا هصدقك. لكن للأسف كلام الدكتورة بيرن في ودنه. بص لملاك باستهزاء واستحقار وخرج ومعاه مديحة، وقفل الباب بالمفتاح عليها. قاسي بص لمديحة بغضب وقال: برااا، مشوفش وشك ولا المحروس ابنك.

مديحة بغـ.ل وحقد سابته ومشيت وهي بتتوعد ليهم بالدمار. عند عاطف في المكتب كان ماسك ورق وهو بيبص فيه بحزن ودموع. قاسي فتح الباب فجأة، الورق وقع منه لكن خباه برجله بسرعة. قاسي بشـ.ك: انت كويس؟ عاطف بتوتر وحزن بيحاول يداريه: أيوه يا ابني، أنا كويس. قاسي بشـ.ك: اممم، تمام. أنا كنت بطمن عليك، مانت مهما عملت أبويا. وسابه وخرج. عاطف بتنهيدة ووجع: هتعرف إن اللي عملته ده في مصلحتك يابني.

قاسي راح لأوضة ملاك، لكن اتصدم من شكلها، كانت مخربشة وشها وشعرها منكوش وعينها ورمة من كتر العياط. غصب عنه راح لها بسرعة وحضنها وهو بيحاول يهديها. كأنها ما صدقت حد يحـ.ن عليها، واترمت في حضنه وانفجرت في العياط. قاسي بحنان لأول مرة شالها ودخلها الحمام وحطها في البانيو، وخلى حد من الخدم يساعدها في خلع ملابسها لأنها ما كانتش قادرة خالص. طلع ليها فستان طويل وسابه وخرج من الأوضة.

رجع بعد شوية كانت لبست الفستان وبتسرح شعرها. سرح لها شعرها بحـ.ب، استغربته وهي كمان استغربته، ده كان زي الطور الهايج من شوية. خلصوا وراحوا العيادة. في العيادة قاسي قال: أنا عاوز أعرف هي حامل ولا لأ. الدكتورة هزت رأسها وملاك دخلت بخوف شديد. الدكتورة قالت... ملامح قاسي اتغيرت 180 درجة.