رواية ملاك القاسي الفصل السابع 7 - بقلم مي عبدالله

ملاك بجمود: طلقني. قاسي بغضب وانفعال: انتي طا... قبل ما يكمل كلامه، لاقى قلم قوي جداً من عاطف وهو بيقول بغضب: عاوز تطلق مراتك تالت يوم جواز؟ لا وكمان خاليتها خدامة عندك؟ انت أيييه؟ قلبك ده حجر. قاسي بغضب: دي مراتي أعملها زي ما أعملها، محدش ليه دخل. غلطت وبعلمها الأدب! عاطف بتعب: يا ابني حرام عليك بقي، المفروض تحميها مش تاذيها. قاسي ببعض الهدوء علشان والده حاضر: اتفضل روح علشان متتعبش.

عاطف بص له بزعل وعتاب وغادر المكان. قاسي بص لها بشر: بقي عاوزة تطلقي! ملاك بخوف في صوتها بسبب غضبه وعصبيته، لكن تماسكت وقالت: آه، عاوزة أطلق. انت مش بني آدم، أنا مش جارية عندك. وبعدين قالت بعياط: انت جاي تصدق دلوقتي إني مظلومة! مصدقتنيش من الأول ليه! حرام عليك، انت حسستني إني قد إيه ** ومليش أي تلاتين لازمة! جيت على كرامتي وهنتني وسكتت! شكيت فيا وفي أخلاقي وسكتت! عملتني معاملة الخدم وسكتت!

لكن مش هسكت تاني يا قاسي ومش هخاف! قاسي بص لها بغضب وهو بيقول: مااااشي يا ملاك، بس جهزي نفسك إنك داخلة على جحيم القاسي. ملاك ابتسمت باستفزاز وتجاهلته. في مكان تاني. كانت في بنت بتتكلم بخبث وهي بتقول: هروحله! صاحبتها بصدمة: نهار أبوكي أسود، انتي هتروحي للموت برجليكي؟ انتي هبلة؟ سوزان ببرود: يا بنتي كلمتين حلوين مني هييجي سكة.

صاحبتها بخوف قالت: سوزان، أنا مليش دعوة بالموضوع ده، بس أنا حذرتك. قاسي الهواري مش بيهزر. وسابتها ومشيت. سوزان بغل وحقد: أما أوريكِ وخليتك راكعة تحت رجلي، مبقاش سوزان. عند قاسي. راح مخزن قديم وكانت الدكتورة مربوطة. قاسي قال بجبروت: احكي يا روح أمك. الدكتورة بخوف قالت: أنا أنا مليش ذنب. قاسي بغضب: اخلصي، هتحكي قصة حياتك.

الدكتورة قالت: أنا لما شفت اسم ملاك في الكشف استغربت، لأن يعني ملاك صغيرة ومحترمة، فاتصلت على مديحة لأننا أصحاب، فقالتلي أقول كده. قاسي بغضب: يا بنت ال***، يعااااااصم! عاصم جه وقاسي قال: البت دي تعلم الأدب وتتربي. عاصم: أوامرك يا باشا. قاسي ركب العربية وراح القصر وفتح الدولاب، طلع صورة بنت ودموعه نزلت، لكن قطع الصورة مرة واحدة وهو بيقول بقسوة: هندددددمك هندددددمك! مش قاسم الهواري اللي يتعمل فيه كده.

قعد على الأرض بضعف. مهما كان هو إنسان وليه طاقة وبيحس، موجوع من جواه لكن مبينش. دخل عليه ياسين بخوف وهو بيقول: وحشتني. قاسي ابتسم غصب وأخده في حضنه وهو بيقول: وانت كمان وحشتني. ياسين قال: ماما هتيجي إمتى؟ قاسي بحنية: ماما عند ربنا. ياسين قال: لا أقصد ماما ملاك! قاسي بصدمة: ماما ملاك! ياسين قال: آه، أنا بحب ماما ملاك علشان طيبة. قاسي بابتسامة: ماشي يا حبيبي، ماما هتيجي النهارده. عند عاطف في المكتب. كان بيتكلم بهمس

وهو بيتلفت بخوف وبيقول: لا لا، متقلقش، كله تمام. المجهول قال:....... عاطف: لا متقلقش، كله تمام، اطمن. المجهول قال:..... عاطف بصدمة: لا طبعاً مينفعش كده، هيحصل كارثة. المجهول:..... عاطف قفل بصدمة وطلع بتوتر وهو بينهج جامد. قاسي راح المستشفى وأخد ملاك على القصر. قبل ما يطلعوا، سمعوا صوت بنت وهي بتقول بدلع: أخس عليك يا قسقس، تتجوز عليا! ملاك وقفت بصدمة والدموع متحجرة في عينها. قاسي قال بزعيق: إيه اللي جاااابك؟

مش أنا طلقتك! البنت بدموع مزيفة: بس أنا بحبك. قاسي بغضب مسكها من شعرها جامد وهو بيقول: امشي يااا*** يا بنت ال***. سوزي بصت له بغضب وقالت: هتننننندم. وطلعت من القصر بشر. قاسي قال: ملاك... أنا قاطعته ببرود وقالت: ميخصنيش. وسابته وطلعت. قاسي اتنهد بضيق وطلع الجناح. وملاك متجهلاه تمام. دخل ياخد شاور. وملاك جالها رسالة على تليفونها وبرقت من الصدمة ودموعها نزلت.