رواية ملاك القاسي الفصل الثامن 8 - بقلم مي عبدالله

ملاك جالها رسالة على تليفونها. برقت من الصدمة ودموعها نزلت وهي شايفاها بهدوم مش كويسة في مواقف مش كويسة. مكتوب تحتها: "لو مطلقتيش هنزل صورك على جميع مواقع السوشيال ميديا وشوفي فضيحتك." ملاك بصدمة وهي بتلطم على وشها: "إنهار أسود... إنهار أسود! قاسي طلع من الحمام. أول ما شافته، خبت التليفون بتوتر. قاسي: "لحظة. انتي كويسة؟ بتعيطي ليه؟ ملاك بتوتر ولجلجة: "مـ... مفيش. أنا كويسة." قاسي بص لها وقال: "متأكدة؟ ملاك وهي باصة

في الأرض من كتر التوتر: "آه." قاسي سابها ومشي وهو حاسس إن في حاجة هي مخبياها. ملاك حطت إيدها على قلبها اللي بيدق بسرعة رهيبة وهي بتعرق جامد من كتر التوتر والخوف. راحت مسكت الفون برعشة وهي بتكتب: "مين؟ رد: "مش مهم تعرفي مين. المهم تنفذي اللي قلت عليه بدل ما تلاقي فضيحتك مالية البلد." ملاك قفلت التليفون ورمته بعيد وهي بتقول: "أطلق في أول أسبوع جواز؟

يالهوي يالهوي. أنا مصدقت إني خلصت من مرات أبويا وابنها. يارب يارب أنت اللي عالم بحالي." دخلت تتوضأ وتصلي وهي بتدعي ربنا إنه يساعدها ويفك كربها. عند قاسي. نزل لأبوه وهو بيقول له بشك: "في حاجة مخبيها؟ عاطف بتوتر: "حاجة؟ حاجة إيه؟ أنا مش مخبي حاجة." قاسي بضيق: "اممم تمام. أنا رايح الشغل." عاطف بتوتر: "تمام يابني ربنا معاك." قاسي طلع وعمل مكالمة واتنهد بضيق.

عند عاطف. دخل المكتب وعمل مكالمة وخرج وهو ملامح وشه متغيره 360 درجة! ملاك خلصت صلاة وكلمت صحبتها نيرة، وبتعتبرها أختها، وهي بتحكي لها كل حاجة. نيرة وهي مصدومة: "إنهار أبيض! طب هتعملي إيه؟ قاسي لو عرف مش بعيد يطلقك فيها! ملاك بعياط: "أنا خايفة أوي يا نيرة ومش عارفة أعمل إيه." نيرة بخوف عليها: "اهدي ياحبيبتي إن شاء الله خير." ملاك بدموع: "يارب عشان أنا خايفة أوي! ملاك قفلت معاها. ولقيت رسالة

من نفس الرقم وهو بيقول: "ها فكرتي؟ ملاك برعشة: "آه... مـ... موافقة." رد: "ماشي ياحلوة. بس لو معملتيش اللي مطلوب، انتي عارفة أنا هعمل إيه." ملاك قعدت على السرير بتفرك في إيدها وهي بتنفس بسرعة. قاسي دخل عليها لكن اتصدم لما لقاها بتعيط بهستيريا. قاسي حضنها بخوف وهو بيقول: "انتي كويسة؟ ملاك بعدت وهي بتقول: "قاسي... أنا... أنا عاوزة أطلق." قاسي اتكلم بهدوء مخيف وهو بيقول: "ملاااااك." ملاك بتهور وانهيار: "حرام عليك بقي!

أنا بسببك كنت هتفضح. سيبني في حالي بقي. أنااااااا بكرهككككك." ملاك أخدت بالها من اللي قالته وهي بتقول بتوتر: "أنا... أنا... قاسي بحدة: "في إيه ياملاك؟ ملاك بضعف: "في حد مهددني بصور مش كويسة." وانفجرت في العياط وهي بتقول: "وقالي إني لو مطلقتش هينزل الصور على السوشيال ميديا." قاسي بهدوء: "اهدي يملاكي اهدي. ووريني الرقم والصور."

ملاك جابتهم بتوتر وأدتهملقاسي. اللي أول ما شاف الصور الدم غلي في عروقه وعينه احمرت بطريقة مريبة. ملاك بخوف وتقطع: "إنت كويس؟ قاسي قال بهدوء مصطنع: "آه يملاكي متقلقيش." قاسي أخدها ونزلوا تحت وقعدوا. قاطع عليهم دخول شخص. ملاك أول ما شافته اغمي عليها. وقاسي وقف من الصدمة.